3. Mose 5:18 - O Debleskro Drom 2021 (Sinte)

¹⁸ Job hunte anell o rashajeske i bakro, hoi sasto hi, te well leskri doosh pale mishto. Kau bakro hunte well jaake bud moldo, har tu peneh. Koleha krell o rashai, te well lauter pale mishto mank o Debleste un ko mensheste, kai gar djinas, kai kowa, hoi lo kras, i doosh his. Un o baro Dewel bistrell leskri doosh.

O Debleskro Lab 2024 (Sinte-Manouche)

¹⁸ Yob hounte anell o rashayeske i bakro, hoy sasto hi, te vell leskri doosh pale mishto. Kava bakro hounte vell yaake boud moldo, har tou peneh. Koleha krell o rashay, te vell lauter pale mishto mank o Debleste oun ko mensheste, kay gar djinas, kay kova, hoy lo kras, i doosh his. Oun o baro Devel bistrell leskri doosh.

3. Mose 5:18 ပူးပေါင်းရင်းမြစ်များ

3. Mose 1:3

Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

3. Mose 1:4

Un o mursh tchiwell peskro wast ap o shero ko viechestar, te dikell o Dewel latches ap leste un lell leskri doosh, hoi lo ap peste las, krik.

3. Mose 14:12

O rashai lell ko jek terno bakro un ko jek-paash litari djet, un hadell kowa pre glan o baro Debleste, te well ko mensho pale erligo kerdo glan o Debleste.

3. Mose 4:20

Un job krell kau viecheha jaake har job kowa ko viecheha kras, hoi job peskri doshake maras. Jaake krell o rashai, te well lauter pale mishto mank i Israelitarja un o baro Debleste. Un o baro Dewel bistrell lengri doosh.

3. Mose 5:17

Te krell jek tchomone, kolestar o baro Dewel penas, te krell lo les gar, anas lo i doosh ap peste, ninna te djinas lo gar, te penas o baro Dewel: “Ma kre kowa!”

3. Mose 5:19

Jaake hunte krell kowa, kai kras i tchilatchepen ap o baro Debleste, te well leskri doosh pale mishto.

4. Mose 15:24

Te kran i tsele Israelitarja tchomone, hoi i doosh hi, un djinan gar, kai jon hunte krans kowa gar, palle hunte anenn i tsele menshe i terno gurum chatchepaske o baro Debleske, te sungell o sungepen, hoi pre djal ko viechestar, mishto o baro Debleske. Koi pashel denn le ninna i chapen dran jarro un koi mool, jaake bud har tchatcho hi, ninna i mursh busni, te well i doosh krik lino.