3. Mose 5:15 - O Debleskro Drom 2021 (Sinte)

¹⁵ Te dals jek gar o baro Debleste, hoi hunte dals lo leste, chochras lo o baro Debles, ninna te djinas lo kowa gar. Job hunte anell o Debleske i bakro, hoi sasto hi, te well leskri doosh pale mishto. Kau bakro hunte well jaake bud rupene beme moldo, har tu peneh. Jek rupeni bema hi jaake pharo har i rupeni bema an o Debleskro kheer hi.

O Debleskro Lab 2024 (Sinte-Manouche)

¹⁵ Te dals yek gar o baro Debleste, hoy hounte dals lo leste, rhorhras lo o baro Debles, ninna te djinas lo kova gar. Yob hounte anell o Debleske i bakro, hoy sasto hi, te vell leskri doosh pale mishto. Kava bakro hounte vell yaake boud roupene beme moldo, har tou peneh. Yek roupeni bema hi yaake pharo har i roupeni bema an o Debleskro kheer hi.

3. Mose 5:15 ပူးပေါင်းရင်းမြစ်များ

2. Rajengro liil 12:16

Un kol murshen, kai ko tselo rup dino was, te denn le les i budepangren, kolla hunte penan kekeske, har jon ko rup win dan. Jon his mursha o labestar un lenge was patslo.

Esra 10:19

Un jon dan pengro wast pre, kai bitchrenn le pengre romjen pendar krik, un kai kamenn le o Debleske i mursheskro bakro te dell, te well lengri doosh krik lino.

2. Mose 30:13

Hako mursh, kai hi biish bersh un phureder, kowa dell man i paash kotar rup. Ko paash rupeno kotar hunte well jaake pharo har kolla an o Debleskro kheer: shob gramme pharo.

Ezekiel 40:39

Un an i wudareskri halla fun kau wudar his star chapangre tardo, dui ap haki rig. Un ap lende wenn kol vieche maredo, hoi o Debleste dino wenn, kolla kai wenn tseles chatchedo, un kolla kai wenn maredo, te well i doosh krik lino, ninna kolla kai wenn maredo, te well lauter pale mishto.

3. Mose 1:10

Te kamell jek i bakro oder i busni o baro Debleske te anell, te well ko viecho tseles leske chatchedo, palle anell lo i murshkano viecho, hoi gar nasselo hi.

3. Mose 1:3

Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

3. Mose 14:12

O rashai lell ko jek terno bakro un ko jek-paash litari djet, un hadell kowa pre glan o baro Debleste, te well ko mensho pale erligo kerdo glan o Debleste.

3. Mose 27:3

I mursheske, kai mashkral 20 (biish) bersha un 60 (shob-deesh) bersha hi, koleske plaissrell lo i 50 (paash-sheel) rupene beme. Jek bema hunte well jaake pharo har i rupeni bema an o Debleskro kheer pharo hi.

3. Mose 4:2

Rake i Israelentsa un pen lenge: Te kras jek tchomone, hoi hunte krals lo gar, anas lo doosh ap peste, ninna te djinas job gar, te penas o baro Dewel: ‘Ma kre kowa!’

3. Mose 5:14

Un o baro Dewel penas ap o Mose:

3. Mose 5:16

Un ninna hunte anell lo ko koowa, hoi anas lo gar o baro Debleske, un o pantchto kolestar gomme pashel. Un kowa lauter dell lo o rashajeste an o wast. Un o rashai marell ko bakro un chatchrell leskro thulepen, te well lauter pale mishto mank o Debleste un o mensheste. Un o baro Dewel bistrell koi doosh.

3. Mose 5:18

Job hunte anell o rashajeske i bakro, hoi sasto hi, te well leskri doosh pale mishto. Kau bakro hunte well jaake bud moldo, har tu peneh. Koleha krell o rashai, te well lauter pale mishto mank o Debleste un ko mensheste, kai gar djinas, kai kowa, hoi lo kras, i doosh his. Un o baro Dewel bistrell leskri doosh.

3. Mose 6:6

Koi jag ap i chatchepaskri hunte chatchell hako tsiro, un hunte djal gar win.

3. Mose 7:1

Jaake hunte well kerdo ko viecheha, hoi i menshe anenn, te well lengri doosh pale mishto kerdo. O mass sau viechestar nai chan kokres i rashaja un kek wawar.

3. Mose 7:6

I mursha un i mursh tchawe dran i rashajengre familje nai chan o mass ap i Debleskri platsa. Ko mass well i viechestar, hoi o baro Debleske anlo was. Doleske nai chal les kek wawar.

4. Mose 15:24

Te kran i tsele Israelitarja tchomone, hoi i doosh hi, un djinan gar, kai jon hunte krans kowa gar, palle hunte anenn i tsele menshe i terno gurum chatchepaske o baro Debleske, te sungell o sungepen, hoi pre djal ko viechestar, mishto o baro Debleske. Koi pashel denn le ninna i chapen dran jarro un koi mool, jaake bud har tchatcho hi, ninna i mursh busni, te well i doosh krik lino.

4. Mose 5:5

Un o baro Dewel rakras o Moseha un penas:

4. Mose 5:8

Kek te hi koi, koneste nai dell lo kowa, palle dell lo les o baro Debleste o rashajeske. Ninna dell lo i diwjo bakro, hoi o rashai marella, te well leskri doosh krik lino un halauter pale mishto.

5. Mose 12:26

Ko wawar koowa, hoi glan tchinlo hi, hoi hunte denn o Debleste, ninna koleske sowel dan, te denn les leste, kowa anenn ap koi platsa, hoi o baro Dewel peske win rodell.

1. Samuel 6:3

Un jon penan ap lende: “Te bitchrenn tumer o mochton o Israeleskro Deblestar pale, palle bitchrenn tchomone peha. Denn les tchomone, te well lauter pale mishto mank tumende un leste! Palle wenn tumer sasto. Jaake djinenn tumer ninna, hoske leskro wast tumendar gar krik djas.”