3. Mose 5:11 - O Debleskro Drom 2021 (Sinte)

¹¹ Te hi kowa, kai doosh ap peste anas, jaake tchorwelo, te nai anell lo gar dui taube, palle anell lo jek kilogrammi latcho jarro o baro Debleske, te well leskri doosh krik lino. Job hunte tchiwell kek djet pre, witar kek sungepaskro koowa. Kawa hi i chapen, hoi o Debleske anlo well, te well i doosh krik lino.

O Debleskro Lab 2024 (Sinte-Manouche)

¹¹ Te hi kova, kay doosh ap peste anas, yaake čorvelo, te nay anell lo gar douy taube, palle anell lo yek kilogrammi lačo yarro o baro Debleske, te vell leskri doosh krik lino. Yob hounte čivell kek djet pre, vitar kek soungepaskro koova. Kava hi i rhapen, hoy o Debleske anlo vell, te vell i doosh krik lino.

3. Mose 5:11 ပူးပေါင်းရင်းမြစ်များ

2. Mose 16:18

Har jon palla dikan, har bud hakeno khetne las, his koles, kai bud khetne las, gar budeder har les hunte wals. Un koles, kai gar bud khetne las, his ninna doha. Hakenes his jaake bud, har les hunte well chapaske.

2. Mose 16:36

Kowa, hoi hakeno ap jek diwes chas his i khoro pherdo. Kowa hi jaake dui litarja.

3. Mose 1:14

Te kamell jek i tchirklo o baro Debleske te anell, te well ko tchirklo tseles leske chatchedo, palle anell lo i diwji tauba oder i wawar tauba.

3. Mose 12:8

Te hi li jaake tchorwelo, te nai anell li kek bakro, palle anell li dui diwje taube oder dui terne taube, jek, hoi o baro Debleske chatchedo well, un jek, hoi maredo well, te well o pale-tchiddo koowa latar krik lino. Jaake krell o rashai, te well li pale erligo.

3. Mose 14:21

Te hi lo tchorwelo un nai anell gar jaake bud, palle lell lo i terno bakro, hoi maredo well, te well o mensho pale erligo. Kau bakro well pre hadedo glan o baro Debleste, te well i pale-tchiddo koowa krik lino. Koi pashel lell lo jek kilogrammi jarro, kai djet dren hi, te well kowa ninna glan o baro Debleste anlo. Ninna anell lo jek khoro djet,

3. Mose 27:8

Te hi kowa, kai pes sowel das, jaake tchorwelo, te nai anell leskro wast kowa gar khetne, palle anell lo ko menshes pash o rashajeste. Un ko rashai dikell peske koles an, un penell har bud lowe leske plaissedo hunte wenn, pal kowa hoi kowa nai dell, kai pes sowel das.

3. Mose 5:12

Job anell ko jarro pash o rashajeste, un o rashai lell i wast pherdo, un mukell kawa ap i chatchepaskri te chatchrell o baro Debleske. Kawa sikrell, kai ko tselo chapen, hoi anlo was, o baro Debleske hi. Kawa hi i chapen, hoi o baro Debleske anlo well, te well i doosh krik lino.

3. Mose 5:6

Koi doshake hunte anell lo o baro Debleske i bakri oder i busni, un marell lat, te well leskri doosh krik lino. Un o rashai lell ko viecho un chatchrell leskro thulepen, un jaake krell lo, te well lauter pale mishto mank ko mensheste un o baro Debleste.

3. Mose 5:9

Job witsrell ko ratestar ap i rig fun i chatchepaskri, un mukell o tselo wawar rat win ratell tella pash i chatchepaskri. Jaake hunte well i viecheha kerdo, hoi maredo well, te well i doosh krik lino.

3. Mose 6:20

Hako wawar, kai ko mass an-taprell, lell peskri phagi. Te well tchomone ko ratestar ap jekeskre koola, palle hunte thowell lo ko kotar ap i platsa, hoi djudjo hi o Debleske.

4. Mose 5:15

Palle hunte anell ko mursh lat pash o rashajeste, un anell o Debleske jek kilogrammi jarro. Un job hunte tchorell kek djet pral pre, un dell witar kek sungepaskro koowa koi pashel. Ko jarro dell lo o Debleste, te well o tchatchepen win, te djinenn le: chochras li les, – chochras li les gar.

Louka 2:24

Un o Josef un i Maria anan dui parne tchirkle glan o Debleste, jaake har kowa an i Moseskre lila tchinlo hi, te well i djuwel pale erligo.

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

Hebrearja 9:22

Hi gar bud koowa, hoi well gar o rateha djudjo un erligo kerdo. Jaake hi an o Moseskre lila tchinlo. Un te well kek rat win tchoredo, nai well kek doosh krik lino.