3. Mose 5:10 - O Debleskro Drom 2021 (Sinte)10 Un koi wawar tauba chatchrell lo jaake, har o baro Dewel penas, te well kerdo i viecheha, hoi tseles chatchedo well. Jaake krell o rashai, te well lauter pale mishto mank ko mensheste un o baro Debleste. Un o baro Dewel bistrell koi doosh, hoi ko mensho ap peste anas. အခန်းကိုကြည့်ပါ။O Debleskro Lab 2024 (Sinte-Manouche)10 Oun koy vavar tauba rhačrell lo yaake, har o baro Devel penas, te vell kerdo i firheha, hoy tseles rhačedo vell. Yaake krell o rashay, te vell lauter pale mishto mank ko mensheste oun o baro Debleste. Oun o baro Devel bistrell koy doosh, hoy ko mensho ap peste anas. အခန်းကိုကြည့်ပါ။ |
Un o tselo thulepen tchinell lo tele, jaake har tchinell lo o thulepen tele ko viechestar, hoi jek o Debleske anell, te chan le les khetne glan leste. Un ko rashai chatchrell kal thulle kotja ap o Debleskri chatchepaskri, te well i latcho sungepen win, hoi baro Debleske mishto sungella. Jaake krell o rashai, te well lauter pale mishto mank ko mensheste un o baro Debleste. Un o baro Dewel bistrell leskri doosh.
Un o tselo thulepen tchinell lo tele jaake har tchinell lo o thulepen tele ko bakrestar, hoi jek o Debleske anell, te chan le les khetne glan leste. Un ko rashai chatchrell kal thulle kotja ap o Debleskri chatchepaskri khetne ko wawar masseha, hoi o baro Debleske chatchedo well. Jaake krell o rashai, te well lauter pale mishto mank o baro Debleste un ko mensheste, kai doosh ap peste anas. Un o baro Dewel bistrell leskri doosh.
Jaake krell o rashai, te well i doosh kolestar krik lino, hoi doosh ap peste anas an hako koowa, kolestar kate penlo well. Un lauter well pale mishto mank ko mensheste un o baro Debleste. Un o baro Dewel bistrell leskri doosh. O jarro, hoi pral atchell, hi o rashajeske, jaake har pash o wawar chapen dran djob, hoi o Debleske dino was.
Un ninna hunte anell lo ko koowa, hoi anas lo gar o baro Debleske, un o pantchto kolestar gomme pashel. Un kowa lauter dell lo o rashajeste an o wast. Un o rashai marell ko bakro un chatchrell leskro thulepen, te well lauter pale mishto mank o Debleste un o mensheste. Un o baro Dewel bistrell koi doosh.