3. Mose 4:5 - O Debleskro Drom 2021 (Sinte)

⁵ Un o pralstuno rashai lell o ratestar un hidjrell les an o plachteno kheer.

O Debleskro Lab 2024 (Sinte-Manouche)

⁵ Oun o pralstouno rashay lell o ratestar oun hidjrell les an o plarhteno kheer.

3. Mose 4:5 ပူးပေါင်းရင်းမြစ်များ

3. Mose 16:14

Un job lell ko ratestar ko gurumestar, un witsrell kowa peskro gushteha glan ap o pralstuno kotar. Un ap koi platsa glan o mochton witsrell lo peskro gushteha efta kope tchomone ko ratestar.

3. Mose 16:15

Palle marell job koi mursh busni, te well i doosh un o pale-tchiddo koowa i menshendar Israel krik lino. Un job djal ko rateha pal i wudar dran than an i kutch isema, un krell ko rateha jaake, har lo les ko rateha ko gurumestar kras. Job witsrell peskro gushteha tchomone ap o pralstuno kotar, hoi ap o mochton tchiddo hi, un ap koi platsa glan o mochton.

3. Mose 16:19

Un job tchiwell peskro gushto an o rat, un witsrell tchomone ko ratestar ap i chatchepaskri. Kowa krell lo efta kope, te well i Israelengri doosh un lengro pale-tchiddo koowa krik lino, hoi ap i chatchepaskri hi. Un i chatchepaskri well pale djudjo glan o baro Debleskre jaka.

3. Mose 4:3

Te hi kowa o pralstuno rashai, kai rikras pes gar ap o Debleskro lab, un anas jaake doosh ap i tsele Israelitarjen, palle lell lo i terno gurum, hoi gar nasselo hi, un anell les o baro Debleske, te well leskri doosh, hoi lo ap peste anas, krik lino.

3. Mose 6:23

Te was o rat sau viechestar an o Debleskro kheer dren lino, te well lauter pale mishto mank i menshende un o baro Debleste, palle hunte chal kek leskro mass. Kau mass well an i jag chatchedo.

4. Mose 19:4

Un ko rashai Eleasar hunte lell lakro ratestar peskro gushteha, un witsrell kowa efta kope kote ap koi rig, kai o Debleskro plachteno kheer tardo hi.

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.