3. Mose 4:4 - O Debleskro Drom 2021 (Sinte)

⁴ Un job anell ko gurum glan o baro Debleste, pash o wudar glan o Debleskro kheer, un tchiwell peskro wast ap o viecheskro shero un marell les kote glan o baro Debleste.

O Debleskro Lab 2024 (Sinte-Manouche)

⁴ Oun yob anell ko gouroum glan o baro Debleste, pash o voudar glan o Debleskro kheer, oun čivell peskro vast ap o firheskro shero oun marell les kote glan o baro Debleste.

3. Mose 4:4 ပူးပေါင်းရင်းမြစ်များ

2. Familjakro liil 29:23

Un palle anan le i busja glan o baro rajeste un glan kol Israelitarja, kai pashel his. Kolla tchiwan pengre wasta ap lengre sherja.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Daniel 9:26

Un pal kol efta kope 62 (shob-deesh-te-dui) bersha well ko rai maredo, kai o Deblestar bitchedo was. Un kek his ap leskri rig tardo. Un palle wenna lurde jek rajestar, kai gomme wella, un denn o fores un o Debleskro kheer paash. Un jon djan tele har an i baro pani. Un jaake rah har i phub gomme koi hi, atchell kurepen un marepen. Kowa hi i wi-kerdo koowa.

3. Mose 16:21

un tchiwell peskre dui wasta ap lakro shero, un penell haki doosh un hako tchilatchepen, hoi i Israelitarja kran. Jaake tchiwell lo kowa lauter ap i busjakro shero. Palle mukell lo lat i murshestar, kai koleske koi tardo hi, krik te tradell an o mulo tato them.

3. Mose 4:15

Un i phureder lendar tchiwenn pengre wasta ap o viecheskro shero un marenn les kote glan o baro Debleste.

3. Mose 4:29

Un job hunte tchiwell peskro wast ap o viecheskro shero un marell les kote kai i vieche maredo wenn, hoi chatchedo wenn o Debleske.

3. Mose 8:14

Job mukas o terno gurum te anell, hoi i doshake maredo well. O Aron un leskre tchawe tchiwan pengre wasta ap o shero ko terno viechestar.

4. Mose 8:12

Un kol Levitarja hunte tchiwenn pengre wasta ap kol terne gurmengre shere. Ko jek well chatchedo, te well i doosh krik lino. Ko wawar well tseles chatchedo o baro Debleske. Jaake well i doosh i Levitarendar krik lino.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.