3. Mose 4:28 - O Debleskro Drom 2021 (Sinte)

²⁸ Te haiwell lo pal i tsiro, kai kowa hoi lo kras, gar tchatcho hi glan o Debleskre jaka, palle hunte anell lo leske i busni, hoi gar nasselo hi. Kowa hunte krell lo, te well leskri doosh krik lino.

O Debleskro Lab 2024 (Sinte-Manouche)

²⁸ Te hayvell lo pal i tsiro, kay kova hoy lo kras, gar čačo hi glan o Debleskre yaka, palle hounte anell lo leske i bouzni, hoy gar nasselo hi. Kova hounte krell lo, te vell leskri doosh krik lino.

3. Mose 4:28 ပူးပေါင်းရင်းမြစ်များ

1. Mose 3:15

Tu un koi romni, tumen hi choli jek ap o wawareste. Ninna tire tchawen hi choli ap lakre tchawende. Un lakre tchawen hi choli ap tire tchawende. Jek lakre tchawendar stakrell tiro shero khetne. Un tu dandreh les an leskri heri.”

Debleskri gili 90:8

Maro tchilatcho koowa hoi kram, tchiwal tu glan tute tardo. Mari khatedi doosh tchakreh tu pre.

Jesaja 7:14

Doleske dell o baro Dewel kanna kokres i sikepen, te sikrell lo, kai hi lo ap tumari rig: I terni tchai well wawartchandes un lell i mursh tchawes. Un koles dell li o lab Immanuel.

Jeremia 31:22

Har rah kameh te nashess trujel, tu, miri tchai, kai mukal miro drom? O baro Dewel krell tchomone newes ap i phub: I romni hi pash peskro romeste.

3. Mose 4:14

Te haiwenn le pal i tsiro, kai kowa, hoi jon kran, gar tchatcho his glan o Debleskre jaka, palle hunte anenn le i terno gurum o baro Debleske, te well lengri doosh krik lino. Jon hunte anenn les glan o wudar o Debleskro plachteno kherestar.

3. Mose 4:23

Te haiwell lo pal i tsiro, kai kowa, hoi lo kras, gar tchatcho hi glan o Debleskre jaka, palle hunte anell lo leske i mursh busni, hoi gar nasselo hi.

3. Mose 4:3

Te hi kowa o pralstuno rashai, kai rikras pes gar ap o Debleskro lab, un anas jaake doosh ap i tsele Israelitarjen, palle lell lo i terno gurum, hoi gar nasselo hi, un anell les o baro Debleske, te well leskri doosh, hoi lo ap peste anas, krik lino.

3. Mose 4:32

Te kamell jek i bakro o Debleske te anell, te well leskri doosh krik lino, palle anell lo i bakri, hoi gar nasselo hi,

3. Mose 5:6

Koi doshake hunte anell lo o baro Debleske i bakri oder i busni, un marell lat, te well leskri doosh krik lino. Un o rashai lell ko viecho un chatchrell leskro thulepen, un jaake krell lo, te well lauter pale mishto mank ko mensheste un o baro Debleste.

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.

Galatarja 3:28

Jaake djiwah lauter o Jesuseha khetne. Kanna hi jek, koon tumer han: bibolde un kolla, kai kek bibolde hi, budepangre un raja, mursha un djuwja. An o Jesus Kristeste hi jek har o wawar.