3. Mose 4:23 - O Debleskro Drom 2021 (Sinte)

²³ Te haiwell lo pal i tsiro, kai kowa, hoi lo kras, gar tchatcho hi glan o Debleskre jaka, palle hunte anell lo leske i mursh busni, hoi gar nasselo hi.

O Debleskro Lab 2024 (Sinte-Manouche)

²³ Te hayvell lo pal i tsiro, kay kova, hoy lo kras, gar čačo hi glan o Debleskre yaka, palle hounte anell lo leske i morsh bouzni, hoy gar nasselo hi.

3. Mose 4:23 ပူးပေါင်းရင်းမြစ်များ

Debleskri gili 90:8

Maro tchilatcho koowa hoi kram, tchiwal tu glan tute tardo. Mari khatedi doosh tchakreh tu pre.

Ezekiel 43:22

Un ap o duito diwes aness tu i sasti mursh busni, te well li maredo i doshake. Tu kress lah jaake, har kowa kerdo was o gurumeha ninna, te well ko rateha i doosh un o pale-tchiddo koowa krik lino fun i chatchepaskri.

3. Mose 1:3

Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

3. Mose 23:19

Koi pashel anenn leske i mursh busni, te well tumari doosh un tumaro pale-tchiddo koowa krik lino. Marenn ninna dui bakre, hoi jek bersh phuro hi, te chan len khetne glan o baro Debleste.

3. Mose 4:14

Te haiwenn le pal i tsiro, kai kowa, hoi jon kran, gar tchatcho his glan o Debleskre jaka, palle hunte anenn le i terno gurum o baro Debleske, te well lengri doosh krik lino. Jon hunte anenn les glan o wudar o Debleskro plachteno kherestar.

3. Mose 4:24

Un tchiwell peskro wast ap o viecheskro shero un marell les glan o baro Debleste, kote kai i vieche maredo wenn, hoi o Debleske chatchedo wenn. Jaake well i viecheha kerdo, hoi maredo well, te well i doosh krik lino.

3. Mose 4:28

Te haiwell lo pal i tsiro, kai kowa hoi lo kras, gar tchatcho hi glan o Debleskre jaka, palle hunte anell lo leske i busni, hoi gar nasselo hi. Kowa hunte krell lo, te well leskri doosh krik lino.

3. Mose 4:3

Te hi kowa o pralstuno rashai, kai rikras pes gar ap o Debleskro lab, un anas jaake doosh ap i tsele Israelitarjen, palle lell lo i terno gurum, hoi gar nasselo hi, un anell les o baro Debleske, te well leskri doosh, hoi lo ap peste anas, krik lino.

3. Mose 5:4

Te dell jek pes sowel, jaake te rakrell leskro mui sik, un job haiwell pal i tsiro, hoi lo kras, – hi jek, te hi kowa, hoi lo penas, latcho oder tchilatcho leske – palle anas lo i doosh ap peste.

3. Mose 9:3

Un rake i Israelentsa un pen lenge: Anenn jek mursh busni, hoi well maredo, te well i doosh krik lino, ninna i terno gurum un i terno bakro, hoi jek bersh phuro hi, te well lengro mass tseles chatchedo o Debleske. Kol dui hunte wenn sasto.

4. Mose 15:24

Te kran i tsele Israelitarja tchomone, hoi i doosh hi, un djinan gar, kai jon hunte krans kowa gar, palle hunte anenn i tsele menshe i terno gurum chatchepaske o baro Debleske, te sungell o sungepen, hoi pre djal ko viechestar, mishto o baro Debleske. Koi pashel denn le ninna i chapen dran jarro un koi mool, jaake bud har tchatcho hi, ninna i mursh busni, te well i doosh krik lino.

4. Mose 28:15

Koi pashel hunte anenn i mursh busni o baro Debleske, te well tumari doosh krik lino. Kowa halauter well pash kol vieche un ko jarro un koi mool, hoi well hako diwes o Debleske anlo.

4. Mose 28:30

Koi pashel anenn i mursh busni, te wenn tumari doosh krik lino.

4. Mose 29:11

Koi pashel hunte anenn i mursh busni o baro Debleske, te well tumari doosh krik lino. Kowa halauter well pash kowa pashel, hoi denn o Debleste ap ko diwes: i mursh busni i doshake, un kol vieche, hoi wenn leske hako diwes chatchedo, khetne ko chapen dran jarro un koi mool, hoi well leske win tchoredo.

4. Mose 29:16

Koi pashel hunte anenn i mursh busni o baro Debleske, te well tumari doosh krik lino. Pash kowa halauter wenn kol vieche, hoi wenn hako diwes o Debleske chatchedo, khetne ko jarreha un koi moljah, hoi well koi pashel win tchoredo.

4. Mose 29:5

Koi pashel hunte anenn i mursh busni o baro Debleske, te well tumari doosh krik lino.

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.