3. Mose 4:2 - O Debleskro Drom 2021 (Sinte)

² Rake i Israelentsa un pen lenge: Te kras jek tchomone, hoi hunte krals lo gar, anas lo doosh ap peste, ninna te djinas job gar, te penas o baro Dewel: ‘Ma kre kowa!’

O Debleskro Lab 2024 (Sinte-Manouche)

² Rake i Israelentsa oun pen lenge: Te kras yek čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

3. Mose 4:2 ပူးပေါင်းရင်းမြစ်များ

1. Mose 20:9

Un o Abimelech kharas o Abrahames, te well lo pash leste un penas: “Hoi kral tu mentsa? Un hoi krom me tut, kai tu anal bari doosh ap mande un ap miro tselo them! Tu kral tchomone, hoi hunte krals tu gar!

Debleskri gili 19:12

Miro rai, me mukau tire laba ap miro dji te rakrell. Koon rikrell pes ap lende, koleske djal mishto.

Debleskri gili 19:13

Kek mendar djinell haki doosh, hoi lo ap peste anas. Le koi doosh mandar krik, hoi anom ap mande un djinau kowa gar!

Sikepaskro 5:6

Tchatchepah, bud sunja un bud laba molenn tchi. Dran kowa kre kowa, hoi o Debles sharell!

3. Mose 22:14

Te chas i wawar kolestar, hoi i rashajeske hi, un djinas kowa gar, hunte dell lo ko chapen o rashajeste pale, un gomme o pantchto kotar pashel.

3. Mose 4:1

O baro Dewel rakras ap o Mose un penas:

3. Mose 4:13

Te kran i tsele Israelitarja tchomone, hoi gar tchatcho his glan o Debleskre jaka, anan le doosh ap pende, ninna te djinan le gar, te penas o baro Dewel, te krenn le kowa gar.

3. Mose 4:22

Te kras i pralstuno tchomone, hoi hunte krals lo gar, anas lo doosh ap peste, ninna te djinas job gar, te penas o baro Dewel: Ma kre kowa!

3. Mose 4:27

Te kras jek i Israelendar tchomone, hoi hunte krals lo gar, anas lo doosh ap peste, ninna te djinas job gar, te penas o baro Dewel: Ma kre kowa!

4. Mose 35:11

hunte rodenn tumer forja win, kai nai hakeno dren djala, kai naashepaskro hi, un jekes mulo das, un kamas kowa gar.

5. Mose 19:4

Sawo foro hi koleske, kai das jekes mulo un kamas kowa gar, un les his kek choli ap leste. Kowa nai nashell koi, te atchell lo djido.

1. Timoteo 1:13

His i tsiro, kai rakrom djungeles pral leste, un lom i patslen palla, te marap len. An ko tsiro prindjrom les gar, un djinom gar, hoi me krom. Job kras mange peskro dji pre, un las man dran o tchilatchepen win.

Hebrearja 5:2

O baro rashai haiwell mishto, har kolenge djala, kai peran o Debleskro dromestar tele, ninna te djinan le gar, kai hi kowa tchilatcho, hoi jon kran. Job hi i mensho har jon, un les hi gar i soor pral o tchilatchepen.

Hebrearja 9:7

Jek kopo an o bersh djas o baro rashai kokres an i palstuni kutch isema. Har djal lo dren, lell lo o rat peha i viechestar, hoi maras lo o Debleske, te lell o Dewel leskri doosh lestar, ninna i doosh kol menshendar, kai anan doosh ap pende, ninna te djinan le gar, kai kowa, hoi jon kran, i tchilatcho koowa his.

Jakobo 3:10

Dran ko emligo mui wella sharepen un praassepen. Kowa hi gar mishto, mire phrala!

1. Samuel 14:27

O Jonatan shunas gar koi sowel, hoi peskro dad ap i tsele lurdende tchiwas. Un job las peskro kasht un las leha gwin, un chas les. Un sik djas leske feteder.