3. Mose 4:12 - O Debleskro Drom 2021 (Sinte)

¹² kowa lauter hidjrell lo win, krik dran koi platsa, kai i menshe hi. Un anell kowa ap i djudji platsa, kote kai i jagakri tchik win tchoredo well. Kote chatchrell lo lauter an i jag dran kasht.

O Debleskro Lab 2024 (Sinte-Manouche)

¹² kova lauter hidjrell lo vin, krik dran koy platsa, kay i menshe hi. Oun anell kova ap i djoudji platsa, kote kay i yagakri čik vin čoredo vell. Kote rhačrell lo lauter an i yag dran kasht.

3. Mose 4:12 ပူးပေါင်းရင်းမြစ်များ

2. Mose 29:14

O mass, i hauta un ko chapen, hoi an i buke hi, chatchress tu win glan koi platsa, kai tumer djiwenna. Kowa lauter well jaake kerdo, te well i rashajengri doosh krik lino.

Ezekiel 43:21

Un tu less ko terno gurum, hoi i doshake maredo was, te well lo chatchedo ap i platsa, hoi koleske koi hi, win glan i massuri, hoi hi trul o Debleskro kheer.

3. Mose 13:46

Un jaake rah, har ko djungelo nasslepen ap leste hi, hi lo pale-tchiddo. Job djiwell kokres, un krell peskro kheer win glan koi platsa, kai i wawar menshe djiwenn.

3. Mose 16:27

Kowa, hoi pral atchas ko terno gurumestar un koi mursh busjatar, kolengro rat an i kutch isema anlo was, te well i doosh un o pale-tchiddo koowa krik lino, kol kotja anell jek win glan i platsa, kai i menshe hi, un chatchrell kote lauter, koi hauta, ko mass, un kol buke.

3. Mose 4:21

Kowa, hoi kau gurumestar pral atchas, anell job win, krik dran koi platsa, kai i menshe hi, un chatchrell les jaake har job kowa chatchras, hoi ko gurumestar pral atchas, hoi job peskri doshake maras. Jaake hunte well i gurumeha kerdo, hoi maredo well, te well i doosh i tsele Israelendar krik lino.

3. Mose 6:23

Te was o rat sau viechestar an o Debleskro kheer dren lino, te well lauter pale mishto mank i menshende un o baro Debleste, palle hunte chal kek leskro mass. Kau mass well an i jag chatchedo.

3. Mose 6:4

Palle riwell lo peskre koola win un wawar koola an, un hidjrell koi jagakri tchik win dran koi platsa, kai i menshe hi, ap i platsa, hoi hi djudjo o Debleske.

3. Mose 8:17

Kowa, hoi pral atchas kau viechestar, leskri hauta un leskro mass, un ko chapen, hoi an leskre buke his, chatchras lo an i jag win glan koi platsa, kai i menshe his, jaake har o baro Dewel leske penas, te krell lo.

3. Mose 9:11

O mass un i hauta chatchras lo win glan koi platsa, kai i menshe his.

4. Mose 15:35

O baro Dewel penas ap o Moseste: “Ko mursh hunte merella. Kol tsele menshe hunte witsrenn les mulo i barrentsa win glan i platsa.”

4. Mose 19:3

Un de lat ko rashajeste Eleasar. Kowa hunte anell lat win glan i plachtene khera. Un kote glan leskre jaka mukell lo lat te marell.

4. Mose 19:5

Un job hunte mukell koi grumjat glan leskre jaka pre chatchrell, lakri fella un lakro mass, ninna lakro rat un ful.

4. Mose 5:3

Murshen un djuwjen hunte bitchrenn win glan koi platsa, kai tumare plachtene khera tardo hi, te krenn jon gar koi platsa pale-tchiddo, kai me pash tumende djiwau.”

Hebrearja 13:11

I mule vieche, kolengro rat o baro rashai an o Debleskri kutch isema anas, te lell o Dewel i doosh i menshendar krik, kol vieche wenn win glan o foro an i jag chatchedo.