3. Mose 3:9 - O Debleskro Drom 2021 (Sinte)

⁹ I feteder kotja o viechestar wenn chatchedo o baro Debleske. Kal kotja hi: o thulepen, i thulli pori, tele tchinlo pash o palstuno kokalo, ninna ko thulepen ap un pral i buke,

O Debleskro Lab 2024 (Sinte-Manouche)

⁹ I feteder kotya o firhestar venn rhačedo o baro Debleske. Kal kotya hi: o thulepen, i thoulli pori, tele činlo pash o palstouno kokalo, ninna ko thulepen ap oun pral i bouke,

3. Mose 3:9 ပူးပေါင်းရင်းမြစ်များ

2. Samuel 6:17

Har jon o Debleskro mochton dren anan, tchiwan jon les ap leskri platsa mashkral an o plachteno kheer, hoi o David leske pre tchiwas. Un o David chatchras viechen o baro Debleske, un maras wawar viechen, te chan le len khetne glan o baro Debleste.

1. Rajengro liil 3:15

Un har o Salomo pre djangras, haiwas lo, kai job i suni das. Un job was an o foro Jerusalem, un atchas glan o mochton tardo, kai o Debleskre deesh laba dren his. Un job mukas viechen te marell. Bud lendar wan tseles chatchedo o Debleske. Un wawarendar chatchran le o thulepen un kotja mass, te parkrenn le pen pash o Debleste. Ko wawar mass chan le khetne. Un o Salomo kras i baro chapen un mukas i tsele pralstunen, kai leske budran, te well.

1. Rajengro liil 8:63

Un o Salomo mukas 22.000 (biish-te-dui-serja) grumjen un 120.000 (sheel-te-biish-serja) bakre te marell, te chan le len khetne glan o baro Debleste. Jaake dan le o kheer o baro Debleste, te well les leskro kheer. Kowa kras o rai Salomo khetne i tsele Israelitarja.

1. Rajengro liil 8:64

Koi sasterni chatchepaskri his gar bares doha, te chatchrenn le kowa, hoi o Debleske dino was. Doleske las o baro rai Salomo ap ko diwes ninna o mashkralstuno kotar ap i platsa glan o Debleskro kheer chatchepaske. Kote mukas lo sawe viechen te chatchrell, hoi wan tseles o Debleske chatchedo, ninna jarro un ko thulepen kol viechendar, hoi chan le glan o baro Debleste.

1. Familjakro liil 16:1

Har jon o Debleskro mochton dren anan, tchiwan jon les an ko plachteno kheer, hoi o David leske pre tchiwas, un chatchran viechen o baro Debleske, un maran wawar viechen, te chan le len khetne glan o Debleste.

2. Mose 29:22

Kau duito bakro well doleske maredo, te nai well o Aron peskre tchawentsa an pengri budi dren tchiddo. Le o thulepen kai maredo bakrestar: i thulli pori, ninna o thulepen, hoi ap i buke hi un ko kotar, hoi pral i lebra hi un kol dui niere un lengro thulepen, hoi ap lende hi! Le ninna o pralstuno kotar i tchatchi herjatar.

Gosewe laba 23:26

Miro tchawo, kre tiro dji mange pre, un dja ap mire dromma!

Jesaja 53:10

O baro Dewel kamas kowa jaake, te was lo phagedo. Job mukas ap leste duka te well. Pal kowa, kai das lo peskro djipen i doshake i menshendar, dikell lo tchawen, kai lestar wenna, un djiwell i lengsto djipen. Un kowa, hoi o baro Dewel peske glan las, well lestar kerdo.

3. Mose 17:5

Bis kanna maran i Israelitarja pengre viechen win ap o them. Kanna hunte anenn le len o baro Debleske glan o wudar leskro plachteno kherestar pash o rashajeste. Un kote wenn le maredo, te chan le len khetne glan o baro Debleste.

3. Mose 7:3

Leskro tselo thulepen anell o rashai o baro Debleske, koi thulli pori un ko thulepen, hoi ap i buke hi,

3. Mose 8:25

Job las o thulepen kau maredo bakrestar: i thulli pori, ninna o thulepen, hoi ap i buke hi, un ko kotar, hoi pral i lebra hi, un kol dui niere un lengro thulepen, hoi ap lende hi, un o pralstuno kotar i tchatchi herjatar.

3. Mose 9:19

Ko thulepen kol dui viechendar, koi thulli pori un o thulepen ap i buke, un i niere un o thullo kotar, hoi ap i lebra hi,

4. Mose 7:88

I tsele vieche, hoi dan le o Debleste, te chan le len khetne glan leste, his khetne: biish-te-star terne gurma, shob-deesh mursh bakre, shob-deesh mursh busja, shob-deesh jek-bershengre bakre. Kowa halauter was o Debleske anlo, har was o Debleskri chatchepaskri o djeteha dre-maklo.

1. Samuel 10:8

Tu djah glan mande tele an Gilgal. Kote kamau pash tute tele te well, te marap kote viechen o Debleske, sawen kai wenn tseles chatchedo un sawe, hoi chah mer khetne. Efta diwessa atchess tu koi. Palle wau un penau tuke, hoi te kress.”