3. Mose 3:17 - O Debleskro Drom 2021 (Sinte)

¹⁷ Kek tumendar hunte chal o thulepen un o rat. Ap kowa hunte rikrenn tumen un tumare tchawe kanna un hako tsiro, kai tumer ninna djiwenna.

O Debleskro Lab 2024 (Sinte-Manouche)

¹⁷ Kek t'mendar hounte rhal o thulepen oun o rat. Ap kova hounte rikrenn t'men oun t'mare čave kanna oun hako tsiro, kay t'mer ninna djivenna.

3. Mose 3:17 ပူးပေါင်းရင်းမြစ်များ

1. Mose 9:4

Kokres o mass, kai hi gomme rat dren, kowa hunte chan gar; an o rat hi o djipen.

2. Familjakro liil 29:35

Koi his bud budi kol tsele viechentsa, kai wan tseles chatchedo. Ninna hunte was o thulepen chatchedo kol wawar viechendar, kolengro mass i menshe chan. Un mool hunte was wi-tchoredo pash ko mass kol viechendar, kai wan tseles chatchedo. Un jaake was koi budi an o baro Debleskro kheer pale newes kerdo.

Nehemia 8:10

Un job penas pale ap lende: “Djan koi un chan thullo chapen un pijenn gudlo pipen! Un bitchrenn kolestar ninna kolenge, kai kran pen kek chapen! Kau diwes hi i baro diwes o Debleske, maro rajeske. Mukenn tumenge o dji gar phares te well! Na-a, mukenn tumare djia giwenn o baro Debleske! Palle han sorelo.”

2. Mose 28:43

Hako kopo kai djan le an o Debleskro plachteno kheer, ninna te chatchrenn le i viecho ap o Debleskri sasterni chatchepaskri, hunte riwell o Aron un leskre tchawe kol telstune cholopja. Jaake tchiwenn le penge kek doosh ap pende un hunte merenn gar. Un kowa well jaake o Aroneske un leskre tchawenge, hoi pal leste wenna, lauterenge, kai wenna rashaja, o tselo tsireske.

Ezekiel 33:25

Doleske pen lenge: Kawa penell o baro Dewel, maro rai: Tumer chan ko mass o rateha, un mangenn chochene deblen an un marenn menshen! Patsenn tchatchepah, ko them hi tumaro?

Ezekiel 44:15

Kol rashaja dran o kheer Levi, kolengro phuro dad o Zadok his, jon atchenn mire rashaja, un nai budrenn mange. Har i Israelitarja mandar tele peran, kran jon pengri budi mishto an miro kheer. Doleske nai atchenn le mire rashaja un nai anenn o thulepen un o rat kol marede viechendar glan mande. Kawa penell o baro Dewel, maro rai.

Ezekiel 44:7

Tumer mukan wawar menshen an miro kheer dren, sawen kolengro dji gar mange hi, un kai hi gar tchinlo ap pengro mass. Jaake kran, te was miro kheer pale-tchiddo. Jon his koi pashel, har anan tumer chapen un thulepen un rat glan mande. Jaake phagan tumer, hoi mer win kram. Koi pashel well kau tselo djungelo kowa, hoi kran.

3. Mose 10:15

Glan te chan tumer kowa, wenn koi palstuni heri un kau betch tchiddo pash kol kotja thulepen, hoi chatchedo wenn. Kolentsa khetne wenn le pre hadedo glan o baro Debleste. Pal kowa hi kal kotja mass tuke un tire mursh tchawenge. Jaake te well kowa kerdo hako tsireske. Kowa penas o baro Dewel.”

3. Mose 10:9

“Tu un tire mursh tchawe, ma pijenn mool un sorelo pipen, te kamenn an miro kheer te djal, te hunte merenn gar. Ap kowa hunte rikrenn tumen un tumare tchawe kanna un hako tsiro.

3. Mose 16:29

Kawa lauter hunte well kerdo ap o deshto diwes an o eftato tchon. Un jaake hunte krenn tumer hako tsireske. Ma chan ap ko diwes! Ma krenn i budi, tumer gar un witar gar i wi-themarja, kai mank tumende djiwenn.

3. Mose 16:34

Jek kopo an o bersh hunte well kowa jaake kerdo, te well i tseli doosh un o tselo pale-tchiddo koowa i Israelendar krik lino. Ap kau lab hunte rikrenn tumen hako tsireske. Un o Aron kras halauter jaake, har o baro Dewel kowa o Moseske penas.

3. Mose 17:7

I Israelitarja hunte marenn buder kek viechen i bengenge, kolenge jon kanna gomme palla nashenn. Ap kowa hunte rikrenn le pen, ninna lengre tchawenge un kolengre tchawenge un jaake dureder hako tsireske.

3. Mose 19:26

Ma chan mass, kai rat dren hi. Ma durkrenn! Ma krenn bengeskro koowa!

3. Mose 23:14

Chan kek maro dran o newo djob, witar gar peklo djob oder terno djob, bis te anan tumaro Debleske leskro kotar kolestar. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

3. Mose 23:21

Denn win gole, te wenn khetne ap kau diwes o baro Debleske. Kek budi hunte krenn tumer ap ko diwes. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

3. Mose 24:9

Kal mare hi o Aroneske un leskre mursh tchawenge. Un jon hunte chan len ap i Debleskri platsa. Kal mare hi lengro kotar kolestar, hoi o baro Debleske chatchedo well, un hi kokres i rashajenge. Jaake hunte well kowa kerdo hako tsireske.

3. Mose 3:16

Un o rashai chatchrell kowa lauter ap o Debleskri chatchepaskri. Kolla hi kol kotja o viechestar, hoi o baro Debleske hi. Un o sungepen, hoi well win, sungell leske mishto. O tselo thulepen hi o baro Debleske.

3. Mose 4:1

O baro Dewel rakras ap o Mose un penas:

3. Mose 6:15

Un ko rashai dran o kheer Aron, kai pal Aroneskro merepen o pralstuno rashai well, kawa krell kowa, un chatchrell ko tselo chapen ap i chatchepaskri. Jaake hunte well kawa kerdo o baro Debleske hako tsireske.

3. Mose 6:18

Pen o Aroneske un leskre mursh tchawenge, har i viecheha kerdo well, hoi i menshe o baro Debleske anenn, te well lengri doosh krik lino. Glan o baro Debleskro kheer, ap koi platsa, kai well ninna ko viecho maredo, koleskro tselo mass chatchedo well, ap kai platsa maress tu ninna ko vieches, hoi hunte merell, te well i doosh krik lino. O mass sau viechestar, hoi o Debleske anlo was, nai chan kokres i rashaja un kek wawar.

3. Mose 6:22

I tsele mursha un mursh tchawe an i rashajengre familje nai chan kau mass. Jon kokres doleske, kai kau mass ko viechestar was, hoi o baro Debleske anlo was.

3. Mose 7:23

Rake ap i Israelitarja un pen lenge: “Ma chan o thulepen i grumjendar, bakrendar un busjendar!

3. Mose 7:34

O baro Dewel penell i Israelenge, kai anenn leske i vieches, te chan le les khetne glan leste, te denn le o betch un i tchatchi heri o rashajeste, o Aroneste, un leskre mursh tchawende. Kal kotja mass hi i rashajenge dran o kheer Aron hako tsireske fun ko diwes, kai wan le dren tchiddo an pengri rashajengri budi. Un i Israelitarja hunte denn len i rashajende. Kau lab atchell jaake hako tsireske, hoi wella.

4. Mose 19:21

Jaake well kowa pash tumende kerdo hako tsireske. Un ninna kowa, kai witsras ko pani ap ko pale-tchiddo, hunte thowell peskre koola. Un koon taprell ko pani an, hoi lell o pale-tchiddo koowa krik, kowa hunte atchell pale-tchiddo bis ap i rati.

Mateo 16:24

Palle penas o Jesus ap peskre malende: Koon ap miro drom mantsa djala, kowa hunte bistrell, hoi leske kokres mishto hi, un hunte lell peskro trushel ap peste, un djal mantsa.

Mateo 26:28

Kai mool hi miro rat, hoi me ratau budenge, te lap lengri doosh lendar. Jaake krau i drom, kai o Dewel un i menshe mala wenna.

Bičepangre 15:29

Chan kek mass, hoi was glan i figura anlo, hoi i menshe an-mangenn, har te wals li o Dewel. Pijenn kek rat! Chan kek mass i viechestar, kai o rat gar win nashas! I murshenge penah, te sowenn le gar wawar djuwjentsa. Un i djuwjenge penah, te sowenn le gar wawar murshentsa. Te rikrenn tumen ap kowa, hi kowa mishto. Atchenn o Debleha!”

Efesarja 1:7

Har o Jesus Kristo ap o trushel meras, un peskro rat menge ratas, las lo mari doosh un phagi mendar. Jaake baro his leskro latchepen ap mende!

Efesarja 5:26

te wenn le erligo un djudjo glan leste. Job thowas lengri doosh lendar tele, har patsan le leskro lab, un wan leske an o pani thodo.

5. Mose 12:16

Kokres o rat ma chan! Koles tchorenn ap i phub har pani.

5. Mose 12:23

Kokres jek koowa rikrenn dren! Ma chan o mass, kai hi gomme o rat dren! An o rat hi o djipen. Un tumer hunte chan gar o djipen khetne o masseha.

5. Mose 12:24

Tchore o rat win ap i phub har pani.

5. Mose 15:23

Kokres lakro rat chas tu gar! Tu tchoress les ap i phub har pani.

5. Mose 32:14

Len his khil i grumjendar un i thud i bakrendar, ninna o mass i tikne bakrendar, un pesse bakre un busja; I Israelitarja chan o latcheder djob, un pijan gudli loli mool.

1. Timoteo 4:4

Lauter, hoi o Dewel kras, hi latcho. Un tchi hi pale-tchiddo, te parkrah men mer koleske pash o Debleste.