3. Mose 3:1 - O Debleskro Drom 2021 (Sinte)

¹ Te kamell jek o baro Debleske i grumjat te anell, hoi chan i menshe khetne glan leste, palle nai well ko viecho i mursh grumni har ninna i djuwel grumni. Kau viecho hunte well gar nasselo.

O Debleskro Lab 2024 (Sinte-Manouche)

¹ Te kamell yek o baro Debleske i groumyat te anell, hoy rhan i menshe khetne glan leste, palle nay vell ko firho i morsh groumni har ninna i djouvel groumni. Kava firho hounte vell gar nasselo.

3. Mose 3:1 ပူးပေါင်းရင်းမြစ်များ

1. Familjakro liil 21:26

Un o David kras koi o baro Debleske i chatchepaskri, un anas viechen leske, sawen kai wan tseles chatchedo un sawen, kai chan le khetne glan o baro Debleste. Un har job o baro Debles an-kharas, mukas job jag dran o bolepen te perell ap i chatchepaskri, kai kol mule vieche tchiddo hi.

2. Mose 20:24

Hi mange doha, te krenn mange i chatchepaskri dran phub! Koi pre anenn mange kol marede bakren un grumjen, hoi chatchrenn tseles mange, ninna kolen, hoi mange marenn, te chan tumer lengro mass khetne glan mande. Kote, kai kamau, te mangenn man an, kote wau me pash tumende un dau tumen miri bacht un miri soor.

2. Mose 24:5

Un job bitchras terne murshen win, te marenn le viechen un chatchrenn len o baro Debleske. Koi pashel his ninna terne gurma. Kolen maran le, te nai chan i Israelitarja ko mass khetne glan o baro Debleste.

2. Mose 29:28

Kol dui kotja mass wenn pre hadedo glan mande, o baro Debleste. Palle nai chal len o Aron peskre tchawentsa. Un jaake well kowa kerdo hako kopo, kai marenn i Israelitarja i bakres mange, hoi chan le palle khetne glan mande.

Gosewe laba 7:14

Kau diwes anom o Debleske i viecho, jaake har leske sowel dom. Ko mass hi khere pash mande.

Ezekiel 43:27

Un pal kal efta diwessa, ap ko ochtato diwes, un fun kotar dureder, chatchrenn i rashaja ko mass kol viechendar, hoi anenn tumer o baro Debleske, kolla, kai wenn leske tseles chatchedo, un ko thulepen kolendar, kai chan tumer khetne glan leste. Te krenn kowa jaake, dikau latches ap tumende, penell o baro Dewel, maro rai.

Ezekiel 45:15

Te hi jekes dui sheel bakre, hunte anell lo jek lendar. Dran o tselo them Israel hunte anenn i menshe kowa, te well mange chapen dran djob chatchedo, ninna vieche, hoi tseles chatchedo wenn, un wawar, hoi chan le khetne glan mande, te well lauter krik lino, hoi mank mande un i menshende tardo hi. Kawa penell o baro Dewel, maro rai.

3. Mose 1:10

Te kamell jek i bakro oder i busni o baro Debleske te anell, te well ko viecho tseles leske chatchedo, palle anell lo i murshkano viecho, hoi gar nasselo hi.

3. Mose 1:3

Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

3. Mose 17:5

Bis kanna maran i Israelitarja pengre viechen win ap o them. Kanna hunte anenn le len o baro Debleske glan o wudar leskro plachteno kherestar pash o rashajeste. Un kote wenn le maredo, te chan le len khetne glan o baro Debleste.

3. Mose 3:6

Te kamell jek o baro Debleske i bakro oder i busni te anell, hoi chan i menshe khetne glan leste, palle nai well ko viecho i murshengro viecho har ninna i djuwjengro viecho. Kau viecho hunte well sasto.

3. Mose 9:18

Palle maras lo ko gurum un ko bakro ko chapaske, hoi i menshe khetne chan glan o baro Debleste. Leskre tchawe anan leske o rat. Un o Aron las ko rat un tchoras les trul i chatchepaskri ap leskre star rigja.

3. Mose 9:4

Anenn ninna i gurum un i mursh bakro, te maras mer len glan o baro Debleste, un chan len kote khetne. Koi pashel anenn jarro, kai djet dren hi, te chatchras mer les o baro Debleske. Kau diwes hi ko diwes, kai o baro Dewel pes tumenge sikrell.”

Amos 5:22

Ninna te chatchrenn tumer mange viechen un chapen, hom gar bachtelo pral kowa. Kol thulle viechen, hoi mange marenn un glan mande chan, nai dikau buder gar glan i jaka.

Maleachi 1:14

‘Praassedo te well hakeno, kai pes sowel das, te dell lo man i latcho mursh viecho. Un palle chochell lo man un anell mange i nasselo vieches. Me hom o pralstuno rai, un i menshe dran wawar themma sharenn man’, penell o baro Dewel, ko rai pral o bolepen un i phub.

Maleachi 1:8

Un anenn mange i viecho, hoi korelo, bango oder nasselo hi, un penenn tumenge: ‘Kowa hi kek djungelo koowa.’ Me penau tumenge: ‘Anenn sau viecho tumaro themeskro rajeske, un dikenn, hoi lo krell! Patsenn tumer, te dikell lo latches ap tumende?’ Ko penell o baro Dewel, ko rai pral o bolepen un i phub.

4. Mose 15:8

Te kameh tu o Debleske i grumni te anell, nai well jek, hoi well leske tseles chatchedo, nai well jek, kolah tu sikreh, te dal tut sowel, te deh tchomone o Debleste; nai well jek, hoi deh, te chan tumer o mass khetne glan o baro Debleste,

4. Mose 6:14

Un job hunte dell o baro Debles i bakro, jek bersh phuro un sasto, te well kowa tseles chatchedo o Debleske. Ninna dell job o Debles i bakri, jek bersh phuro un sasto, te well leskri doosh krik lino. Un pale anell lo leske i wawar sasto mursh bakro, hoi chan le khetne glan o Debleste.

5. Mose 12:27

Kote chatchrenn leske kol viechen, hoi wenn tseles chatchedo, lengro mass un rat. Kol wawarendar, hoi tumer chan, tchore o rat ap o baro Debleskri chatchepaskri win.

Kolossarja 1:20

Un o Jesus Kristo hi ko drom, kai o Dewel un i menshe pale mala wenna. Har job ap o trushel meras, un peskro rat ratas, anas o Dewel lauteren pash peste khetne, hoi hi an o bolepen un ap i phub.

Hebrearja 10:22

Leskro rat thowas mari doosh mendar, un kras mare djia djudjo. Un mer wam an o djudjo pani tele thodo. Doleske djas kanna o latcho un tchatcho djijeha glan o Debleste an i sorelo patsepen!

1. Johanni 1:3

Kowa, hoi mer dikam un shunam, penah mer tumenge, te nai was mer tumentsa khetne an o tchatchepen. Un tchatchepah, mer ham khetne o Debleha, kai hi maro dad an o bolepen, un leskro tchaweha, o Jesus Kristeha.

Čačepangre 20:26

Pale djan i tsele lurde dran Israel pre an o foro Betel, un rowan un dan gole glan o baro Debleste. Un chan tchi un pijan tchi ko tselo diwes bis i rat was. Un jon chatchran viechen o baro Debleske, sawe kai wan tseles chatchedo un sawe, kai chan le khetne glan o baro Debleste.

Čačepangre 21:4

Un o wawar diwes taissarlake stan i menshe sik pre, un kran i chatchepaskri, un maran viechen o Debleske, sawe, hoi leske tseles chatchedo wan un sawe, kai chan le khetne glan leste.