3. Mose 27:34 - O Debleskro Drom 2021 (Sinte)

³⁴ Kawa hi kol laba, hoi penas o baro Dewel o Moseske, har his lo ap i berga Sinai, te rikrenn pen i Israelitarja ap lende.

O Debleskro Lab 2024 (Sinte-Manouche)

³⁴ Kava hi kol laba, hoy penas o baro Devel o Moseske, har his lo ap i berga Sinay, te rikrenn pen i Israelitarya ap lende.

3. Mose 27:34 ပူးပေါင်းရင်းမြစ်များ

3. Mose 26:46

Kawa hi kol laba, hoi o Mose i Israelenge jaake dureder penas, har o baro Dewel leske penas ap i berga Sinai, te djinenn le, hoi o baro Dewel lendar kamell, un djiwenn pal leskro tchatchepen, un djan ap leskro drom.

3. Mose 7:38

Jaake penas kowa o baro Dewel ap o Moseste, har his lo pral ap i berga Sinai, ap ko diwes, kai job i Israelenge penas, te anenn le viechen o baro Debleske an o mulo tato them Sinai.

4. Mose 1:1

Un o baro Dewel rakras o Moseha an o mulo tato them Sinai, an o Debleskro plachteno kheer, ap o ersto diwes, an o duito tchon, an o duito bersh, har jon dran ko them Egiptia win djan. Un o baro Dewel penas:

4. Mose 28:6

Kowa hi ko chapen, hoi te chatchrenn hako diwes, jaake har anan les o ersto kopo pash koi berga Sinai. Un o latcho sungepen, hoi pre djal, te well kowa halauter chatchedo an i jag, sungell mishto o baro Debleske.

4. Mose 3:1

Kolla hi i laba o Aroneskre un o Moseskre menshendar, kai djiwan ap ko tsiro, har rakras o baro Dewel o Moseha ap i berga Sinai.

4. Mose 36:13

Kalla hi kol tchatchepaskre laba, kai o baro Dewel o Moseske penas, te rikrenn pen i Israelitarja ap lende. Job penas len lenge an o telstuno them Moab pash o pani Jordan, wergel o foro Jericho.

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

5. Mose 1:3

An o star-deshto (40) bersh ap o ersto diwes an o deesh-te-jekto tchon penas o Mose ap i tsele Israelitarja halauter, hoi o baro Dewel leske penas, te hunte krenn le.

5. Mose 29:1

Un o Mose mukas i tsele Israelitarjen gole te dell, un penas ap lende: Tumer dikan halauter, hoi o baro Dewel glan tumare jaka kras an o them Egiptia, ap o Faraeste un ap leskre bare murshende, un ap o tselo them:

5. Mose 4:45

Har le dran o them Egiptia win djan, penas lo lenge kol tsele laba, hoi lende sikran, har te djiwenn le, un hoi o Dewel lendar kamella, un leskre tsele tchatchepaskre laba.

5. Mose 4:5

Dikenn, me sikrom tumende, hoi o baro Dewel tumendar kamella, leskre tsele tchatchepaskre laba, jaake har miro baro Dewel mange penas, te krenn tumer an o them, an kowa tumer wenna un les tumenge dren lenna.