3. Mose 27:28 - O Debleskro Drom 2021 (Sinte)

²⁸ Halauter, hoi das jek kolestar, hoi leskro hi, te well kowa hako tsireske o baro Debleske, nai well gar bikedo, witar gar pale ginlo – nai well i mensho, i viecho oder i kotar phub. Kowa hoi o baro Debleske hako tsireske dino was, tchatchepah, kowa atchell leske.

O Debleskro Lab 2024 (Sinte-Manouche)

²⁸ Halauter, hoy das yek kolestar, hoy leskro hi, te vell kova hako tsireske o baro Debleske, nay vell gar bikedo, vitar gar pale ginlo – nay vell i mensho, i firho oder i kotar phoub. Kova hoy o baro Debleske hako tsireske dino vas, čačepah, kova ačell leske.

3. Mose 27:28 ပူးပေါင်းရင်းမြစ်များ

2. Familjakro liil 31:14

Un jek Levitari, o Kore, koleskro dad o Jimna his, job das jak ap o wudar ap koi rig, kai o kham pre djala, un was kanna dren tchiddo te dell lo garda ap ko koowa, hoi i menshe pendar o baro Debleske dan. Un job hunte das kowa ap i rashajende un i Levitarjen win, hoi lengro kotar hi, ninna kol kotja mass, hoi kokres i rashajenge his.

2. Mose 22:20

Ma krenn kolen o djipen phares, kai hi wi-themarja pash tumende! Un mukenn len gar tchitcheske tumenge te budrell! Bistrenn gar, te hans tumer ninna wi-themarja an o them Egiptia.

Ezekiel 44:29

Lengro chapen lenn le kolestar, hoi glan mande anlo well, ko djobestar un kol viechendar, hoi maredo wenn, te well i doosh un o pale-tchiddo koowa krik lino, un kol viechendar, hoi wenn maredo, te well lauter pale mishto. Ninna lenn le halauter, hoi i menshe mange ap i rig tchiwan.

Ezekiel 48:14

Un i Levitarja hunte bikrenn tchi pengro themestar un tchi parenn. Kau fetester kotar them hunte well gar an i wawarengre wasta. Kau kotar them was o baro Debleske dino.

3. Mose 21:22

Ko chapen, hoi o Debleske anlo was, nai chal lo, ninna ko chapen, hoi kokres i rashajenge hi.

3. Mose 27:21

An ko tsiro, kai well i sijaan muklo, atchell ko kotar phub o baro Debleske. Un o rashai lell les.

3. Mose 27:27

Te hi ko viecho kol viechendar, kai pale-tchiddo hi, palle ginell les peskro rai pale, pal kowa hoi o rashai penell, te hi ko viecho moldo. Un job dell o pantchto kotar gomme pashel. Te well ko viecho gar win ginlo, palle well lo kol lowenge, hoi o rashai penas, bikedo.

3. Mose 27:29

Te hi kowa i mensho, nai well lo gar win ginlo. Job hunte well maredo.

4. Mose 18:14

Lauter, hoi i Israelitarja an mire wasta dan, hi tumenge.

Mateo 25:41

Un palle penell job kolenge, kai ap leskri serwi rig tardo hi: Tumer han tel o Debleskro praassepen tardo! Djan tumenge! Djan an koi jag, hoi chatchella hako tsiro, un hoi hi o bengeske un leskre kurepangre kerdo!

1. Korintarja 16:22

Koon o Jesuses, maro rajes, gar kamella, ap koleste well i bibacht! Maranatha!

Galatarja 3:10

Kol wawar, kai rikrenn pen ap o Moseskre laba, un kamenn jaake tchatcho te well glan o Debleste, kolla hi tel o Debleskro praassepen. O Debleskro lab penella: Hakeno hi praassedo, koon gar lauter krella, hoi o Moseskre laba penenna. Un kek mensho hi koi, kai krell lauter, hoi o Moseskre laba penenna.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

5. Mose 25:19

Ap ko tsiro, kai lan tumer ko them dren, hoi tumaro baro Dewel tumen dell, un tumer buder gar an o kurepen han kolentsa, kai trul tumende djiwenn, palle denn kol tsele Amalekarjen mulo, jaake te atchell tchi lendar pral, hoi sikrell, te his i tsiro, kai djiwan le. Un kowa bistrenn gar!

5. Mose 7:26

Tumer hunte anenn kek sawi figura an tumare khera, te wenn tumer gar lentsa khetne mulo dino. Tchatchepah, dikenn ap lende har ap i djungelo koowa, un denn len paash.

Josua 6:26

Ap ko tsiro das pes o Josua sowel: “Mu dell o baro Dewel bibacht ap ko mursheste, koon kau foro pale pre tchiwell. Te tchiwell lo i telstune barra pre, hunte merell leskro phureder tchawo. Te tchiwell lo i bare wudja dren, merell leskro terneder tchawo.”

Josua 7:1

I Israelitarja rikran pen gar ap o Debleskro lab, hoi job penas, te well halauter an o foro Jericho leskro. Jek lendar, o Achan, las tchomone peske. O Achaneskro dad his o Karmi, koleskro dad his o Sabdi, un koleskro dad his o Serach. Un kolla his mursha dran o kheer Juda. Har o Achan kowa kras, las o baro Dewel i bari choli pral i Israelitarja.

Josua 7:25

Un o Josua penas: “Jaake har tu men an i bibacht anal, jaake anell tut o baro Dewel kanna an i bibacht!” Un i tsele Israelitarja hadan barra pre un witsran len ap lende, te meran le. Un palle chatchran le len pre.

Čačepangre 21:11

Hako murshes un mursh tchawes denn mulo, un ninna haki djuwel, kai romedini hi! Kokres i terne tchen mukenn djido!”

Čačepangre 21:18

Mare tchen nai dah len gar te romedinerenn le len. I tsele Israelitarja dan pen sowel, un penan: ‘Praassedo well kowa, hoi i Benjamines i djuwjat dell.’”

Čačepangre 21:5

Un i Israelitarja putchan mank pende: “Dell kol 12 (deesh-te-dui) bare familjendar, kai wenn o Jakobeskre tchawendar, jek, kai was gar pash o tsillo glan o baro Debleste?” Kowa his jaake, har i menshe khetne gole dino wan, te wenn le an Mizpa, dan le pen i bari sowel un penan: “Koon well gar an Mizpa glan o baro Debleste, kowa hunte merell.”

1. Samuel 15:18

Un o baro Dewel bitchras tut pash i tchilatche Amalekarja un penas tuke: ‘Mare len un de lauter paash, hoi len hi! Kure tut lentsa, bis te lauter mulo hi.’

1. Samuel 15:3

Doleske dja kanna an o kurepen un kure tut i Amalekarja, un de len halauter mulo: mursha un djuwja, tchawe un ternepen, grumja un bakre, khamele un burike.’”