3. Mose 26:9 - O Debleskro Drom 2021 (Sinte)

⁹ Me dikau latches ap tumende, un krau, te lenn bud tchawe, jaake te wenn bud. Un hoi man sowel dom, te dap tumende, rikrau dren.

O Debleskro Lab 2024 (Sinte-Manouche)

⁹ Me dikau lačes ap t'mende, oun krau, te lenn boud čave, yaake te venn boud. Oun hoy man sovel dom, te dap t'mende, rikrau dren.

3. Mose 26:9 ပူးပေါင်းရင်းမြစ်များ

1. Mose 1:28

Un o Dewel rakras latche laba pral lende win un penas: “Anenn bud tchawen ap i phub, te well i phub tumendar pherdo! Un awenn rai pral i phub! Awenn rai pral i matchende an o baro pani, pral i tchirklende an o bolepen, un pral hake viechende, hoi ap i phub hi!”

1. Mose 17:20

Ninna, hoi tu mandar mangal tiro tchaweske Ismael, kamau me te krell. Shun, me tchiwau miri soor un miri bacht ap leste. Un me dau les bud tchawen, te wenn lestar bud bud menshe. Job well o dad deesh-te-dui rajendar un lestar well i bari natsjona.

1. Mose 26:4

O Abraham shunas ap mande un kras kowa, hoi me leske penom. Job rikras pes ap mire laba un djiwas pal miro tchatchepen. Doleske krau me, te wenn tire tchawe jaake bud har i bolepangre momlia. Un me dau len kalla tsele themma. Un koi bacht, hoi dau tire tchawende, djal dureder ap i tsele natsjone, kai ap i phub hi.”

1. Mose 28:14

Jon wenna jaake bud har i tchik, hoi ap i phub hi. Un krau lengro them baro un buchlo ap hake rigja. Un koi bacht, hoi dau tute un tire tchawende, djal dureder ap i tsele menshende, kai ap i phub hi.

1. Mose 28:3

O sorelo Dewel tchiwell peskri soor un peskri bacht ap tute un dell tut bud tchawe, te wenn tutar bud natsjone!

1. Mose 48:4

‘Tchatchepah, me dau tut bud tchawen, te wenn tutar jaake bud menshe, te wenn le bud natsjone. Un kau them dau me tut un tire menshende, te well kowa tumaro hako tsireske.’”

1. Mose 6:18

Tut dau miro lab, kai atcheh djido. Koi dau miro wast pre. Un tu djas tire tchawentsa un tiri romjah un tire tchawengre romjentsa an o panjeskro kheer dren.

1. Rajengro liil 3:8

Un mange dal tu kol tsele menshen an o wast, kol menshen, kai tu tuke win rodal. Jon hi jaake bud te nai djinell kek, kitse jon hi.

2. Rajengro liil 13:23

Un o baro Dewel his latcho ap i Israelende un kras peskro dji lenge pre un dikas kamles ap lende, jaake har job peskro lab das o Abrahameste, o Isaakeste un o Jakobeste. Un job das len gar an o merepen un witsras len gar pestar krik bis ap kau diwes.

Nehemia 2:20

Kote penom me ap lende: “O Dewel an o bolepen, job krell, te djal menge kawa mishto. Un mer, leskre budepangre, kram men ap i budi, te tchiwas o foro pale pre. Tumen hi kek tchatchepen ap ko foro, witar kek penepaske. Un tumare laba hi gar mank kolende, kai wenn gar bistedo.”

Nehemia 9:23

Un lengre tchawen mukal tu budeder te well har i momlia an o bolepen, un anal len an ko them, kolestar tu ap lengre phurende penal, te djan le koi un lenn ko them dren.

Debleskri gili 107:38

Un job das len bacht, un jon wan bud un budeder. Un job das len ninna bud viechen.

Debleskri gili 89:3

Kowa hi hoi me penau: Hako tsireske atchell leskro latchepen, jaake rah har dell o bolepen, rikrell job peskro lab.

2. Mose 1:7

Lengre tchawe lan jaake bud tchawe, kai was o them pherdo lendar.

2. Mose 2:25

Un o Dewel dikas latches ap i Israelitarja un was ap lengri rig.

2. Mose 6:4

Ninna dom lende miro wast koi pre, te dap len o them Kanaan, ko them, kai jon wi-themarja his.

Jesaja 55:3

Shunenn mishto, hoi penau, un awenn pash mande! Shunenn ap mande, te atchenn djido! Un me kamau tumentsa win te krell, te atchas mer mala hako tsireske. Ko latcho koowa, hoi o Davideske penom, well ap tumende.

Jeremia 23:3

Un me lau khetne kolen, kai djido atchan mire menshendar dran i tsele themma, kai tradom len. Me anau len pale khere. Kote djal lenge mishto, un jon wenn pale bud menshe.

Jeremia 23:4

Un me dau pralstunen pral lende, kai hi har latche bakrengre: Jon denn garda ap lende, te hunte darenn un trashenn le buder gar. Kek bakro djal buder nashedo. Kowa penell o baro Dewel.

Jeremia 33:3

Khare man, palle kamau tuha te rakrell, un kamau tuke baro koowa te sikrell, hoi tu gar haiweh, un kolestar tchi djinal.

Ezekiel 16:62

Te krau tuha newes win, te wap tiro Dewel, dikeh un haiweh tu, te hom me o baro Dewel.

Ezekiel 36:9

Tumer dikenn: Me hom ap tumari rig, un dikau latches ap tumende. Un ap tumende budrenn pale hache un witsrenn djob win ap i phub.

3. Mose 26:15

un krenn gar, hoi tumendar kamau, un djiwenn gar pal miro tchatchepen, un rikrenn jaake gar dren, hoi tumentsa win krom,

Louka 1:72

Les his i baro dji mare phurenge un bistras gar kowa, hoi job lentsa an o phuro tsiro win kras un peskro wast pre das.

5. Mose 28:11

Un o baro Dewel krell, te well tumen bud latchepen, budeder har doha. Job dell tumen bud tchawe un bud vieche. Bud djob un wawar koowa well baro ap tumari phub an ko them, kai o baro Dewel pes glan tumare phurende sowel das, te dell lo les tumende.

5. Mose 28:4

Job dell tumen bud tchawe, bud djob, bud grumja un bakre un busja.

5. Mose 7:13

Dran peskro kamlepen dell job tumen bacht un bud tchawen, ninna bud djob, mool un djet. Un tumare grumja un bakre wenna bud an o them, kolestar job glan tumare phurende pes sowel das, te dell lo les tumende.

Hebrearja 8:9

Kau newo drom hi gar jaake, har ko phuro drom, hoi sikrom lende ap ko diwes, kai taprom lengre phuren ap i wasta, te anap len dran o them Egiptia win. Har atchan le gar ap miro drom, mukom len.