3. Mose 26:8 - O Debleskro Drom 2021 (Sinte)

⁸ Pantch tumendar lenn i sheel lurdenge palla, un i sheel tumendar nashenn 10.000 (deesh-serja) lurdenge palla, te denn le len mulo. Kolla, kai kamenn tumen te marell, wenn tumendar o chareha mulo dino.

O Debleskro Lab 2024 (Sinte-Manouche)

⁸ Panč t'mendar lenn i sheel lourdenge palla, oun i sheel t'mendar nashenn 10.000 (deesh-zerya) lourdenge palla, te denn le len moulo. Kolla, kay kamenn t'men te marell, venn t'mendar o rhareha moulo dino.

3. Mose 26:8 ပူးပေါင်းရင်းမြစ်များ

1. Familjakro liil 11:11

Un kolla hi kol laba o Davideskre sorele murshendar: o Jashobam kol menshendar Hachmoni, ko pralstuno kol trinendar. Kowa das peskro chareha 300 (triin-sheel) lurden ap jek kopo mulo.

1. Familjakro liil 11:20

O Abishai, koleskro phraal o Joab hi, un kolengri dai i Zeruja hi, kowa his ko pralstuno kol triin-deshendar. O Abishai las leskro witsepaskro tchuri, un das triin-sheel lurden mulo, un les his i baro lab mank kol triin-deshende.

Ester 9:16

Un ninna i tsele wawar bibolde, kai an i themma o baro rajestar djiwenn, wan penge khetne, un kuran pen pengro djipaske, te perenn le buder gar an i tchilatche wasta. Un jon dan 75.000 (efta-deesh-te-pantch-serja) murshen mulo. Lengro koowa tchoran le gar penge.

3. Mose 26:7

Tumer lenn kolenge palla, kai kamenn pen tumentsa te kurell, un tumer denn len o chareha mulo.

Zakarie 12:8

An ko tsiro rikrell o baro Dewel peskre wasta pral i menshende an o foro Jerusalem. Un i menshe kote sikrenn pen jaake sorelo, te hi i bango jaake sorelo har o David his. Un i menshe dran o Davideskro kheer djan glan lende, har te djals o Debleskro bolepaskro glan lende.

4. Mose 14:9

Ma perenn o baro Deblestar tele, un trashenn gar kol menshendar an ko them! Mer kamah len pre te chal har maro. Lengro dewel, kai das jak ap lende, mukas len. O baro Dewel hi mentsa. Ma trashenn lendar!”

4. Mose 31:4

Lenn jek sero murshen dran hakeneste kol deesh-te-dui bare familjendar, hoi wenn o Jakobeskre tchawendar, un bitchrenn len an o kurepen.” Un jaake kran le, un 12.000 (deesh-te-dui-serja) mursha wan khetne kurepaske.

5. Mose 28:7

O baro Dewel dell kolen, kai hadenn pen pral tumende, te kurenn le pen tumentsa. Ap jek drom wenn le, te djan le ap tumende, un ap hake rigja hunte nashenn le penge tumendar.

5. Mose 32:30

Har nai las jek lurdo i sero (1.000) Israelitarjen palla? Har nai tradan dui lurde deesh-serja (10.000) Israelitarjen jaake, te nashan le penge i darjatar? Kowa was, har o baro Dewel, lengro rikepaskro, len an kolengre wasta das.

Josua 23:10

Jek mursh tumendar tradell jek-sero murshen. Tumaro baro Dewel, job hi kowa, kai kurell pes tumenge lentsa, jaake har lo penas.

Čačepangre 15:15

Un job hatsas i mujeskro kokalo i muli eslatar, las les an o wast un das leha 1.000 (jek sero) murshen mulo.