3. Mose 26:7 - O Debleskro Drom 2021 (Sinte)

⁷ Tumer lenn kolenge palla, kai kamenn pen tumentsa te kurell, un tumer denn len o chareha mulo.

O Debleskro Lab 2024 (Sinte-Manouche)

⁷ T'mer lenn kolenge palla, kay kamenn pen t'mentsa te kourell, oun t'mer denn len o rhareha moulo.

3. Mose 26:7 ပူးပေါင်းရင်းမြစ်များ

1. Familjakro liil 19:15

Har kol Ammonarja dikan, kai kol Syrarja nashan, nashan jon ninna glan o Abishai, un tserdan pen pale an o foro dren. Un o Joab was pale pale an o foro Jerusalem.

Ester 9:16

Un ninna i tsele wawar bibolde, kai an i themma o baro rajestar djiwenn, wan penge khetne, un kuran pen pengro djipaske, te perenn le buder gar an i tchilatche wasta. Un jon dan 75.000 (efta-deesh-te-pantch-serja) murshen mulo. Lengro koowa tchoran le gar penge.

Debleskri gili 81:15

Sik anoms ladj ap kolende, kai ap lende djan, un tchiwoms miro wast phares ap lende.

3. Mose 26:36

Kolla, kai tumendar pral atchenn an kol wawar themma, kai le pandle hi, kolen krau jaake dareno, te well len daar glan i patri, hoi krik phurdedo well. Lestar nashenn le, har te lals jek len o chareha palla. Un jon perenn, un jek perell pral o wawareste, ninna te hi kek koi, kai len palla las. Un tumen hi kek soor, te kurenn tumen kolentsa, kai ap tumende djan.

3. Mose 26:6

Tumer nai djiwenn an o latchepen kolentsa, kai trul tumende djiwenn, te nai sowenna, un kek tserdell tumen dran o sopen. Kol diwje viechen tradau me dran o them win. Kek lurde wenna an tumaro them, te marenn le tumen.

3. Mose 26:8

Pantch tumendar lenn i sheel lurdenge palla, un i sheel tumendar nashenn 10.000 (deesh-serja) lurdenge palla, te denn le len mulo. Kolla, kai kamenn tumen te marell, wenn tumendar o chareha mulo dino.

5. Mose 28:7

O baro Dewel dell kolen, kai hadenn pen pral tumende, te kurenn le pen tumentsa. Ap jek drom wenn le, te djan le ap tumende, un ap hake rigja hunte nashenn le penge tumendar.

5. Mose 32:30

Har nai las jek lurdo i sero (1.000) Israelitarjen palla? Har nai tradan dui lurde deesh-serja (10.000) Israelitarjen jaake, te nashan le penge i darjatar? Kowa was, har o baro Dewel, lengro rikepaskro, len an kolengre wasta das.

Josua 23:10

Jek mursh tumendar tradell jek-sero murshen. Tumaro baro Dewel, job hi kowa, kai kurell pes tumenge lentsa, jaake har lo penas.

Čačepangre 15:15

Un job hatsas i mujeskro kokalo i muli eslatar, las les an o wast un das leha 1.000 (jek sero) murshen mulo.

Čačepangre 4:16

Un o Barak peskre murshentsa las kol wurdja un kol lurden palla bis pash o foro Haroshet-Gojim un das len lauteren mulo o chareha. Kek lendar atchas pral.

Čačepangre 7:23

Un i mursha an o them Israel wan khetne gole dino: dran o kheer Naftali, dran o kheer Asser, un dran o tselo kheer Manasse. Un jon lan i Midianarja palla.

1. Samuel 14:13

Un o Jonatan djas ap i wasta un herja pre. Un ko terno mursh djas pal leste. Un o Jonatan djas ap i lurdende pre. Un jon peran glan leste ap i phub. Un ko terno mursh pal leste das len mulo.