3. Mose 26:6 - O Debleskro Drom 2021 (Sinte)

⁶ Tumer nai djiwenn an o latchepen kolentsa, kai trul tumende djiwenn, te nai sowenna, un kek tserdell tumen dran o sopen. Kol diwje viechen tradau me dran o them win. Kek lurde wenna an tumaro them, te marenn le tumen.

O Debleskro Lab 2024 (Sinte-Manouche)

⁶ T'mer nay djivenn an o lačepen kolentsa, kay troul t'mende djivenn, te nay sovenna, oun kek tserdell t'men dran o sopen. Kol divye firhen tradau me dran o them vin. Kek lourde venna an t'maro them, te marenn le t'men.

3. Mose 26:6 ပူးပေါင်းရင်းမြစ်များ

2. Rajengro liil 2:24

Job rissras pes trujel, un har job len dikas, praassas job len an o baro Debleskro lab. Koi wan dui bere dran o weesh un dandran star-deesh-te-dui kol mursh tchawendar an kotja.

1. Familjakro liil 22:9

Dik, i tchawo well tuke boldo, job well i mursh, kai djinell kek kurepen. Me krau te kurell pes kek leha kolendar halauterendar, kai trul tumende djiwenn. Jaake rah har job djiwell, nai djiwenn i Israelitarja kek kurepah un marepah. Doleske de les o lab Salomo.

2. Familjakro liil 20:30

Jaake nai djiwan i menshe an o them Juda, kai o Josafat o baro rai his, kek kurepah. Leskro Dewel kras, te djiwas lo an o latchepen kol thementsa trul leste.

Hiob 11:19

Un tu hal tchiddo, un kek well pral tute, un krell tut traash. Un bud wenna, kai mangenn tutar, te kress lenge latchepen.

Hiob 5:23

I barra ap i hachetikri phub hi tire mala, un i diwje vieche krenn tuke tchi.

Debleskri gili 144:14

Mare grumja te nashrenn kek pengre ternendar, hoi gar boldo hi. Kek ropaskri gole te well shunlo ap mare dromma!

Debleskri gili 147:14

Kek kurepen well an tumaro them, un o latcheder djob dell lo tumen te chal.

Debleskri gili 29:11

O baro Dewel dell peskre menshende soor, ninna bacht un latcho koowa.

Debleskri gili 3:5

Dau me gole ap o baro Debleste, shunell lo man ap peskri berga, kai job djiwell.

Debleskri gili 4:8

Tu kral miro dji bachtleder har o dji kolendar, kolen bud djob un mool hi.

Debleskri gili 85:8

Baro Dewel, ab menge latches, un kre lauter menge pale mishto!

2. Mose 23:29

Hi jaake: Gar an jek bersh tradau len tutar krik. Te kroms kowa jaake, wals o them diwjo un anals buder kek chapen win. Un i diwje vieche wans budeder un budeder. Un kowa wals gar mishto tumenge.

Gosewe laba 3:24

Rati tchiweh tut tele kek darjah, un tu nai soweh mishto.

Gosewe laba 6:22

Te djah, sikrenn le tuke o drom, te tchiweh tut, denn le ap tute jak. Un te steh pale pre, wenn le tuke an o shero.

Jesaja 35:8

Un kote hi palle i drom, hoi kharell ‘Debleskro drom’. Kek, kai pale-tchiddo glan o Debleste hi, nai djal ap leste. Kokres o Debleskre menshe djan ap leste. Kek, kai djal ap ko drom, nashrell pes, witar kek, kai gar bud haiwell.

Jesaja 35:9

Kek lewo hi kote; witar kek wawar viecho, hoi wawar viechen chal, djal ap ko drom; sawe vieche wenn gar kote hatslo. Ap kau drom djan kokres sawe menshe, kolen o baro Dewel win las dran o pandepen.

Jesaja 45:7

Me hom kowa, kai krell, te well diwes un rati. Me hom kowa, kai dell bacht un bibacht. Me, o baro Dewel, krau kowa lauter.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Jeremia 30:10

Doleske ma dare, tu, miro budepaskro Jakob! Ma traash, Israel, penell o baro Dewel. Shun, me lau tut un tire tchawen win dran ko dur them, kai pandle han. Tumer wenn khere an tumaro them. Kote djal tumenge mishto. Kek krell tumenge kote tchilatchepen. Tchi hunte krell tumenge daar.

Jeremia 31:26

Har djangrom un krom mire jaka pre, haiwom, kai miro sopen shukar his.

Ezekiel 14:15

Te anoms diwje viechen an o them, kai marenn kolen, kai kote djiwenn, un o tselo them wals i mulo them, kai kek buder ap o drom hi i darjatar kol diwje viechendar,

Ezekiel 14:17

Te mukoms me i kurepen win te phagell an ko them, un mukoms menshen un viechen kote mulo te dell,

Ezekiel 14:21

Un kanna penell o baro Dewel, maro rai: Ap ko tsiro, kai bitchrau star phare dawa pral ko foro Jerusalem – kurepen, bok, diwje vieche un pharo nasslepen, – te merenn i menshe un vieche koi dren,

Ezekiel 34:25

Un me pandau miro dji ap lende, un krau lentsa win, te nai djiwenn le an o latchepen. Hake diwje viechen tradau krik dran o them. Un an o mulo them nai djiwenn le kek darjah. Un an i wesha sowenn le.

Ezekiel 34:27

te hidjrenn i ruka latche rukengre, un te well bud djob bares ap i hachetikri phub. Un mire menshe djiwenn an pengro them kek darjah. Me phagau kol shelle, kolentsa jon pandlo his. Un lau len win dran i wasta kolendar, kolenge jon hunte budran. Palle dikenn un haiwenn le, te hom me o baro Dewel.

Ezekiel 5:17

Awa, i bok un diwje viechen bitchrau mank tumende. Kolla marenn tumare tchawen. Ninna pharo nasslepen, marepen un kurepen anau pral tumende. Me, o baro Dewel, rakrom.

Hosea 2:18

Palle, penell o baro Dewel, kharell li man pale ‘miro rom’, un gar buder ‘miro Baal’.

Hosea 2:20

An ko tsiro krau i diwje viechentsa, i tchirklentsa un i sapentsa win, te krenn le lake kek tchilatchepen. Me phagau o tselo kurepaskro koowa paash, i boge un i chare an o them. Un mukau len kek darjah kote te djiwell.

3. Mose 25:18

Doleske krenn, hoi tumendar kamau, un djiwenn pal miro tchatchepen! Palle nai djiwenn tumer an kau them kek darjah.

3. Mose 25:19

Un o them anell tumenge jaake bud win, te hi tumen doha chapaske. Un tumer nai djiwenn an kau them, un tumen hunte well kek daar.

3. Mose 26:22

Diwje vieche bitchrau mank tumende, te chan le tumare tchawen un viechen, un marenn jaake bud tumendar, te wenn tumare dromma muklo.

3. Mose 26:25

Me mukau kurepen an tumaro them win te phagell, un dau tumen pale, te rikran gar dren, hoi mantsa win kran. Un te khatrenn tumer tumen palle an tumare forja, palle bitchrau i pharo nasslepen mashkral tumende, un dau tumen an i wasta kolendar, kai kurenn pen tumentsa.

3. Mose 26:7

Tumer lenn kolenge palla, kai kamenn pen tumentsa te kurell, un tumer denn len o chareha mulo.

Micha 4:4

Hakeno nai beshell tel peskre drakengre ruka un faigetikre ruka. Un kek krell leske traash. Kawa penell o baro Dewel, ko rai pral o bolepen un i phub.

Zefanja 3:13

Un kol pral-mukle menshe an o them Israel krenn kek tchilatchepen, un chochenn gar, un rakrenn gar dui tchipjentsa. Lenge djal mishto, un jon djiwenn kote kek darjah.

Haggai 2:9

Kau kheer te well shukeder har miro ersto kheer his. Un me kamau tumen bacht te dell an kau foro, penell o baro Dewel, ko rai pral o bolepen un i phub.

Zakarie 9:10

O baro Dewel penell: Me lau i kurepangre wurdja krik dran o them Israel, un i kurepangre graja dran Jerusalem. Un i kurepangre boge wenn phagedo. Tumaro baro rai lell o tchingepen krik mank i natsjone. Job hi o rai fun jek baro panjestar bis ap o wawar, fun o panjestar Eufrat bis an i dureder themma ap i tseli phub.

Johanni 14:27

Ninna te hom me gar pash tumende, atchell koi bacht, hoi me dom tumen, an tumare djia. Me dau tumen miri bacht. Koi bacht nai denn tumen gar i menshe ap kai phub. Ma trashenn! Ma awenn dareno!

Bičepangre 12:6

An i rat glan ko diwes, kai kamas o Herodes les win anell, te dell lo les i phagi, sowas o Petro mashkral dui lurdende. Job his pandlo dui sasterne shellentsa, un dui lurde dan jak glan o wudar.

Remarja 5:1

Maro patsepen ap o rajeste, o Jesus Kristeste, kras men tchatcho glan o Debleste. Un o Debleskri choli well buder gar ap mende.