3. Mose 26:44 - O Debleskro Drom 2021 (Sinte)

⁴⁴ Ninna te hi le an o them kolendar, kai lan len pandles, hi kowa gar jaake, te rissroms man krik lendar, un kamoms tchi buder lendar te djinell. Me mukau len gar lauter te merell. Miri sowel, hoi lende dom, phagau gar. Me, o baro Dewel, hom lengro Dewel.

O Debleskro Lab 2024 (Sinte-Manouche)

⁴⁴ Ninna te hi le an o them kolendar, kay lan len pandles, hi kova gar yaake, te rissroms man krik lendar, oun kamoms či bouder lendar te djinell. Me moukau len gar lauter te merell. Miri sovel, hoy lende dom, phagau gar. Me, o baro Devel, hom lengro Devel.

3. Mose 26:44 ပူးပေါင်းရင်းမြစ်များ

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

2. Rajengro liil 13:23

Un o baro Dewel his latcho ap i Israelende un kras peskro dji lenge pre un dikas kamles ap lende, jaake har job peskro lab das o Abrahameste, o Isaakeste un o Jakobeste. Un job das len gar an o merepen un witsras len gar pestar krik bis ap kau diwes.

Nehemia 9:17

Un jon kaman gar te krell, hoi tu lenge penal, un bistran ko tselo baro koowa, hoi tu lenge kral, hoi kek wawar nai krella. Jon kran pengre djia pandlo har bar. Un rodan jekes win, te well lo lengro rai, un anell len pale an o them Egiptia, an pengro pandepen. Tu hal i Dewel, kai i doosh krik lell, un hal kamlo un kreh tiro dji pre i menshenge. Tu weh gar sik chojedo un tiro latchepen hi baro. Un tu djal gar lendar.

Nehemia 9:31

An tiro baro latchepen dal len gar mulo, un mukal len gar. I latcho Dewel hal, un tut hi i baro dji.

Debleskri gili 103:13

Jaake har i dad peskro dji pre krell peskre tchawenge, jaake krell o baro Dewel peskro dji pre kolenge, kai djiwenn leha.

Debleskri gili 89:33

palle dau len dawa lengri doshake, un duka lengro tchilatchepaske.

Debleskri gili 94:14

O baro Dewel tchiwell peskre menshen gar pale, un mukell gar len kokres.

Jeremia 14:21

Bitche men gar tutar krik, te well gar djungeles rakedo pral tute! Muk kek te sal pral Jerusalem, kai tiri raili beshepaskri tardo hi! Ma biste, hoi tu mentsa win kral, un le tire laba gar pale!

Jeremia 24:5

Kowa penell o baro Dewel, ko Dewel pral o Israel: Kol menshe dran o them Juda, kolen tradom kate krik an ko them, kai i Kaldearja djiwenn, jon hi har i latche faige.

Jeremia 30:11

Me, o baro Dewel, hom pash tumende, te wap ap tumari rig. Kol natsjone, mank kolende tradom tumen, kolla hunte djan tele. Tumer djan gar tele. Tumende dau i phagi har tumenge mishto hi. Kek dawentsa nai mukau tumen gar. Wals gar mishto, te dap tumen kek phagi.

Jeremia 31:20

Efrajim, tu hal miro kutch tchawo, miro tchawo, koles kamau bud! Hako kopo, kai hunte dap les trad, well lo mange gar dran o shero. Miro dji dell soreles an mande: me hunte wap leske latches, penell o baro Dewel.

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

Ezekiel 16:60

Ninna te rikral tiro lab gar, bistrau me kowa gar, hoi tuha win krom, har hals terno. Un me krau tuha pale newes win, te wap tiro Dewel. Un kowa, hoi tuha newes win krau, atchell hako tsireske.

3. Mose 26:11

Un me djiwau mashkral tumende, un sikrau tumen gar miro dumo.

Remarja 11:2

Glan rah tsiro rodas o Dewel i Israelitarjen win, te wenn le leskre menshe. Doleske tchiwell lo len gar infam. Djinenn tumer gar, hoi an o Debleskro lab pral o Elija tchinlo was? Job was glan o Debleste, un rakras leha pral o tchilatchepen, hoi i Israelitarja kran.

Remarja 11:26

Pal kowa wenn i tsele bibolde ninna ap o Jesuseskro drom. An o Debleskro lab hi tchinlo: Dran o foro Zion well kowa, kai lell o tselo tchilatchepen o Jakobeskre tchawendar krik.

Čačepangre 2:1

Un o baro Debleskro bolepaskro was dran o foro Gilgal pre ap koi platsa, hoi kharella Bochim, un penas: “Me lom tumen dran o them Egiptia win, un anom tumen an kau them, jaake har man sowel dom glan tumare phure dadende, te dau les tumende. Un me penom, te rikrap hako tsireske miro lab, hoi tumende dom.