3. Mose 26:41 - O Debleskro Drom 2021 (Sinte)

⁴¹ Doleske sikrom lenge o dumo, un tradom len an o them kolendar, kai kuran pen lentsa. Kote krenn le pen tiknes glan mande. Te hidjran le pengri phagi tele,

O Debleskro Lab 2024 (Sinte-Manouche)

⁴¹ Doleske sikrom lenge o doumo, oun tradom len an o them kolendar, kay kouran pen lentsa. Kote krenn le pen tiknes glan mande. Te hidjran le pengri phagi tele,

3. Mose 26:41 ပူးပေါင်းရင်းမြစ်များ

1. Rajengro liil 21:29

“Dikal tu kowa, har kras pes o Ahab tiknes glan mande? Doleske mukau koi bibacht gar te well, jaake rah har job djiwell. An ko tsiro, kai leskro tchawo o baro rai hi, anau me koi bibacht pral leskro kheer.”

2. Familjakro liil 12:12

Un har khaitas o Rehabeameske kowa, hoi lo kras, djas i choli o baro Deblestar lestar krik. Un job un leskri familja wan gar maredo. Ninna his an o them Juda gar halauter tchilatcho.

2. Familjakro liil 32:26

Koi khaitas o Hiskijes, kai phurdas lo pes pre. Job un i menshe an Jerusalem dikan pengri doosh dren. Doleske was koi choli o baro Deblestar gar pral lende jaake rah, har o Hiskija djiwas.

2. Familjakro liil 33:19

An o liil, hoi i dikepangre tchinan, hi tchinlo, har o Manasse o baro Debles mangas, un har kowa les shunas, ninna leskri tseli doosh, un har lo o baro Debles mukas, un kai lo mulne platse kras, un chochene deblen pre tchiwas, ninna koi figura, hoi i Ashera sikras, – kowa lauter, hoi lo kras, glan te dikas lo peskri doosh dren glan o baro Debleste.

2. Familjakro liil 33:23

Un job sikras gar o baro Debleste, kai les khaitas, hoi job kras, har leskro dad o Manasse kras. Na-a, job las gomme budeder doosh ap peste.

Esra 9:13

Un har ko tselo tchilatcho koowa kram un jaake bud doosh ap mende anam, was kai bari bibacht ap mende. Ach, maro Dewel, tu rikral tut pale un dal men gar koi phagi, hoi hunte lams. Un mukal mendar sawe djides, kai wan dran o pandepen pale win, un wan pale kate an o them Israel.

Esra 9:15

Baro Dewel, tu o Israeleskro Dewel, hal an o tchatchepen tardo un lal men, kai pral atcham, win dran o merepen, jaake har kau diwes hi. Dik, kate ham glan tute an mari doosh, un djinah, mer nai atchah gar tardo glan tute!”

Nehemia 9:33

Tu hal an o tchatchepen tardo, har anal kowa lauter pral mende. Kowa, hoi tu kral, his mishto, ninna te djiwam mer jaake, har te wals men kek Dewel.

Debleskri gili 39:9

te less man win dran miri tseli doosh! Ma muk i dinelen pral mande te sal!

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

Jeremia 4:4

Rikrenn tumen ap i laba, hoi tumentsa win krom! Un krenn tumare djia mange pre, tumer menshe an Juda un Jerusalem. Te krenn kowa gar, well miri choli pral tumende har jag, un chatchella jaake, te nai krell kek koi jag win.

Jeremia 6:10

Koneha rakrap me? Koneske penap tutar? Koon shunella koi pre? Lengre kanda hi pandlo. Jon nai shunenn gar, hoi tu lenge kameh te penell, un san pral tire laba, un choirenn pen pral lende.

Ezekiel 14:23

Te dikenn tumer, har le djiwenn, un hoi le krenn, haiwenn tumer, hoske me kowa jaake o foreha Jerusalem hunte krom. Un tumari duk koi pral well krik lino dran tumare djia. Kowa penau me, o baro Dewel, tumaro rai.

Ezekiel 20:43

Un kote well tumenge kowa an o shero, hoi kran un har djiwan, koleha tumer tumen pale-tchiddo kran. Un ko tselo tchilatcho koowa, hoi kran, well tumenge tchadepaske.

Ezekiel 44:7

Tumer mukan wawar menshen an miro kheer dren, sawen kolengro dji gar mange hi, un kai hi gar tchinlo ap pengro mass. Jaake kran, te was miro kheer pale-tchiddo. Jon his koi pashel, har anan tumer chapen un thulepen un rat glan mande. Jaake phagan tumer, hoi mer win kram. Koi pashel well kau tselo djungelo kowa, hoi kran.

Ezekiel 44:9

Doleske penau me, o baro Dewel, tumaro rai: Kek dran i wawar them, koleskro dji gar mange hi, un kai hi gar tchinlo ap peskro mass, nai well an miro kheer dren, witar kek wi-themari, kai mank tumende djiwell.

Ezekiel 6:9

Kote, kai le pandle hi, wau me lenge an o shero. Un jon dikenn dren, te dom len i phagi koleske, hoi jon kran: Jon phagan mantsa un nashan chochene deblen palla. Palle rissrell lenge halauter an pende pral ko tselo djungelo koowa, hoi jon kran.

3. Mose 26:24

palle sikrau me tumenge o dumo, un dau tumen i phagi, hoi efta kope phareder hi har kaja bis kanna.

3. Mose 26:28

palle djau me an choli ap tumende, un dau tumen i phagi hoi hi efta kope phareder har kaja, hoi bis kanna ap tumende was.

4. Mose 5:7

Un job hunte penell o tchilatcho koowa, hoi job kras, un krell kowa pale mishto, un dell ko pantchto kotar koi pashel, ap koleste job o tchilatchepen kras.

Mateo 23:12

Kowa, kai krell pes baro, koles krell o Dewel tikneder har i wawar. Kowa, kai krell pes tikno, koles krell o Dewel baro.

Louka 14:11

Koon pes baro krella, koles sharell o Dewel gar. Koon pes gar baro krella, un penella: Me molau tchi, koles krell o Dewel baro.”

Louka 18:14

Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.

Galatarja 5:6

O Jesus Kristeske molell tchi, te hi i mursh ap o mass tchinlo, witar gar, te hi lo gar tchinlo. Kowa, hoi hi budeder moldo har lauter, hi o patsepen. Ko patsepen dikah mer ap o kamlepen, kai jekes hi i wawareske.

5. Mose 10:16

Doleske shunenn kanna ap o baro Debleste, un djan gar buder pal tumaro shero!

5. Mose 30:6

Tumaro baro Dewel dell tumen djia, hoi shunenn un krenn, hoi lo tumendar kamell. Tumen un kolen, kai tumendar wenna, dell lo sawe djia, jaake te kamenn tumer tumaro baro Debles o tselo djijestar un tumari tseli sorjah. Un tumer atchenn djido.

5. Mose 31:21

Palle well bud bibacht un djungelo koowa pral lende. Un jon giwenn koi gili. un koja well gar bistedo lengre tchawendar, un sikrell lende, kai dom len trad, hoi wella, te mukenn le miro drom. Glan te anom len an ko them, koleske me man sowel dom, te anau len koi, prindjrau ko koowa, hoi lenge an o shero trujel djal.”

Filiparja 3:3

Mer, kai ap o Jesus Kristeste patsah, ham tchatchepah o Debleskre menshe. Ap mende hi o Debleskro Ducho. Jaake nai krah o Debleskri budi. Mer ham bachtelo pral kowa, hoi o Jesus Kristo menge kras un hunte rikras kek koowa, hoi wella i menshendar. Mer djinah, sawo koowa nai anell men gar pash o Debleste.

Kolossarja 2:11

Har mukan tumaro phuro djipen pal tumende, wan tumer o Debleskre menshe. I bibolde wan tchinlo i wastentsa ap pengro mass. Tumer wan gar tchinlo i wastentsa. Na-a! Tumer lan i newo dji, hoi das tumen o Jesus Kristo.