3. Mose 26:33 - O Debleskro Drom 2021 (Sinte)

³³ Tumen tradau me mank i menshende an i wawar themma, un lau tumen o chareha palla. Tumaro them well i mulo them, un tumare forjendar atchell tchi pral har barra.

O Debleskro Lab 2024 (Sinte-Manouche)

³³ T'men tradau me mank i menshende an i vavar themma, oun lau t'men o rhareha palla. T'maro them vell i moulo them, oun t'mare foryendar ačell či pral har barra.

3. Mose 26:33 ပူးပေါင်းရင်းမြစ်များ

1. Rajengro liil 8:46

Tu djineh, kai kek mensho djudjo hi an peskro dji un an peskro djipen glan tute. Doleske nai well, kai mukenn tire menshe tiro drom, un tu choireh tut pral lende un mukeh len an o wast wawar menshendar te well, te anenn jon len pandles an pengro them – kowa nai well dur oder gar jaake dur.

2. Rajengro liil 25:9

Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

2. Familjakro liil 7:19

Te mukenn tumer miro drom, un rikrenn tumen gar ap mire laba un miro tchatchepen, hoi me tumenge dom, un djan pash wawar debla, un mangenn len an, un witsrenn tumen glan lende tele ap i phub,

Nehemia 1:3

Un jon penan mange: “Kol menshe an o them Juda, kai wan gar pandles krik anlo, djiwenn an bari bibacht un ladj. Un i massuri trul Jerusalem hi tele phagedo, un i bare wudja hi pre-chatchedo.”

Nehemia 1:8

Ma biste tiro lab, hoi dal tu leske, har tu penal: ‘Tumer te phagenn mantsa, palle tradau me tumen dran tumaro them, un tumer hunte djiwenn mank wawar menshende.

Ester 3:8

Koi pal penas o Haman ap o baro rajeste Ahasveros: “Kate denna menshe, kai djiwenn penge kokres mank i tsele wawar menshende kate te kote an tire tsele themma. Un len hi i wawar tchatchepen har i tsele wawar menshen. Un ap kowa, hoi tu, baro rai, peneh, te well kerdo, shunenn le gar. Kowa hi gar mishto tuke, te mukess len jaake dureder te krell.

Debleskri gili 106:27

un tradell lengre tchawen an wawar themma, te djiwenn jon mank wawar menshende.

Debleskri gili 44:11

Tu mukal men pale te djal glan kolende, kai kuran pen mentsa. Jaake nai tchoran kolla mare koola, kai pral mende wan.

Debleskri gili 44:12

Har vieche, hoi wenn maredo, dal tu men pre. Un an i tsele themma trujel tradal tu men, jaake te atcham gar khetne.

Jesaja 1:7

Tumaro them hi i mulo them, tumare forja wan tele chatchedo. Glan tumare jaka chan i wi-themarja kowa, hoi ap tumari phub bares was. Lauter hi mulo un paash, har te perans i diwje koi pral.

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jeremia 13:24

Doleske tradau tumen kate te kote, te atchenn gar buder khetne, jaake har phurdell o ducho dran o mulo tato them o phuss kate te kote.

Jeremia 15:4

I tsele menshe ap i phub denn i wasta pral o shero khetne, te dikenn jon kowa. Koja hi koi phagi koleske, hoi ko baro rai Manasse an Jerusalem kras. Leskro dad hi o Hiskija, ko baro rai pral Juda.

Jeremia 31:10

Shunenn, tumer menshe dran wawar themma, hoi o baro Dewel penell! Djan pral o baro pani pash i panjeskre themma, un rakrenn kote leskre laba! Penenn: Kowa, kai tradas o Israel an bud themma, kowa lell len pale khetne un dell garda ap lende har i bakrengro ap peskre bakre garda dell.

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Jeremia 7:34

Un o them Juda well i mulo them. An lengre forja un ap kol dromma an Jerusalem giwell un sal kek buder i bachtjatar. Un koi bachteli gole o pirnestar un i pirnjatar shunah mer buder gar.”

Jeremia 8:3

Un lauter kolla, kai pral atchan kal tchilatche menshendar, kai djiwenn kote, kai me len tradom, lenge wals o merepen feteder har o djipen. Kowa penell o baro Dewel, ko rai pral o bolepen un i phub.

Jeremia 9:16

O baro Dewel, ko rai pral o bolepen un i phub, penell: Denn garda ap kowa, hoi wella! Denn kol djuwjen gole, kai i baro ropen krenna! Bitchrenn pal kolende, kai haiwenn ropaskre gilja te giwenn!

Ropaskre gilja 1:1

Jerusalem, har muklo hal koi tchiddo, tu, kai hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rajetsa hals pral wawar themma. Kanna hunte budress i wawarenge.

Ropaskre gilja 1:3

I menshe dran Juda hi pandle budepangre, hunte budrenn tel dawa, un djiwenn an wawar themma. Ninna kote hunte well len daar. Halauter, kai len palla lenn, wenna un rikrenn pengro wast ap lengri meen.

Ropaskre gilja 4:15

“Djan tumenge, tumer pale-tchidde”, dan le lenge gole. “Djan tumenge, djan tumenge! Ma taprenn ap tchomone!” Jaake nashan le penge, un djinan gar, kai te djan. An i wawar themma was lenge penlo: “Pash mende nai atchenn gar!”

Ropaskre gilja 4:16

O baro Dewel kamell len buder gar te dikell. Job hi kowa, kai tradas len kate te kote. Ap kol rashajende dikas buder kek pre, un i phurentsa djan le gar kamles trujel.

Ezekiel 12:20

An kol forja djiwell buder kek. Un o hachetikro them well i mulo them. Palle dikenn un haiwenn tumer, te hom me o baro Dewel.

Ezekiel 20:23

Me hadom miro wast pre, un dom man sowel kote an o mulo tato them, te tradap len an wawar themma un mank wawar menshende,

Ezekiel 22:15

Me tradau tumen an wawar themma, mank wawar menshende. Un lau o tselo pale-tchiddo koowa dran tumaro foro win.

Ezekiel 5:2

Ap ko tsiro, kai well o foro dren lino, chatche jek triinto kotar fun kol balla mashkral an o foro. Un i wawar triinto kotar de ko chareha paash win glan kol foreskre wudja. Un ko wawar triinto kotar witse pre, te lell len o ducho peha! Jaake lau me i menshen dran Jerusalem palla o chareha.

Hosea 9:6

Dran tumaro them, hoi paash kerdo hi, hunte djan tumenge krik. O them Egiptia lell tumen pash peste pre, un an o foro Memfis wenn tumer paskedo. Kote, kai kanna tumaro kutch rup hi, well subjengro senlepen baro, un subjengre burra wenn baro an tumare khera.

Amos 9:4

Ninna te djan le pandles an i wawar them glan kolende, kai pandan len, mukau len kote o chareha te marell. Me rikrau len an o jak, te krap len tchilatchepen, un kek latchepen.

Zakarie 7:14

Doleske tradom len an wawar themma, hoi prindjran le gar. Un lengro them was muklo. Kek budras un djiwas buder gar koi. Jaake kran le dran kau latcho them i mulo them.

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

5. Mose 4:27

O baro Dewel tradell tumen mank i menshende an i tsele themma, jekes kate un ko wawares kote. Gar bud menshe atchenn tumendar djido mank kol menshende an i wawar themma, kai o baro Dewel tumen tradas.

Jakobo 1:1

Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.