3. Mose 26:28 - O Debleskro Drom 2021 (Sinte)

²⁸ palle djau me an choli ap tumende, un dau tumen i phagi hoi hi efta kope phareder har kaja, hoi bis kanna ap tumende was.

O Debleskro Lab 2024 (Sinte-Manouche)

²⁸ palle djau me an rholi ap t'mende, oun dau t'men i phagi hoy hi efta kope phareder har kaya, hoy bis kanna ap t'mende vas.

3. Mose 26:28 ပူးပေါင်းရင်းမြစ်များ

Debleskri gili 79:12

Kolla, kai an i themma trul mende djiwenn, praassan tut, maro rajes. De len kowa efta kope pale, hoi kran le ap tute!

Jesaja 27:4

Me hom buder gar chojedo ap leste. Te hatsoms subjengre burra un subjengro senlepen dren, djoms ap lende un chatchroms len halauter pre.

Jesaja 59:18

Kolen dell lo pale pal kowa, hoi jon kran. Bari choljah djal lo ap lende. Ninna kolen dell job pengri phagi, kai djiwenn dur krik wergel o baro pani.

Jesaja 63:3

Me stakrom kol drake kokres, un i menshendar dran wawar themma his kek pash mande. Me stakrom len miri choljah, awa, bari choljah stakrom len khetne. Un lengro rat was ap mire koola, un miri baja was ratlo.

Jesaja 66:15

Dik, o baro Dewel well an i jag, un leskre wurdja hi har i sorelo phurdepen. Job dell len lengro tchilatchepen pale i bari choljah, un leskro tchingepen hi har jag, kai chatchrell.

Jeremia 21:5

Me kurau man tumentsa o sorelo wasteha, un hadau miri mussi ap tumende bari choljah, un krau miro dji pandlo tumenge.

Jeremia 7:20

Doleske penell o baro Dewel, maro rai: Miri bari choli well pral kau foro, pral i menshende un pral i viechende, pral kol ruka an o weesh un pral ko djob an kau them. Miri choli hi har i jag, hoi kek nai krell win.

Ropaskre gilja 4:11

O baro Dewel mukas peskri tseli choli win te well. Leskri tseli choli was pral lende. Un an o foro Zion mukas lo i bari jag te well, te chatchras o foro tele bis ap i telstune barra.

Ezekiel 5:13

Te mukom miri tseli choli ap tumende win, un dom tumen pale, hoi kran, palle djal miri choli krik, un hom buder gar chojedo pral tumende. Un tumer djinenn, te homs me, o baro Dewel, kai das tumen trad o tselo djijeha.

Ezekiel 5:15

Awa, jon san pral tute un praassenn tut. Lenge well traash, te dikenn le, har miri bari choli pral tute well, un har djungeles sawe menshenge djal, kai man mukan. An miri choli anau tiri doosh ap tute pale. Me, o baro Dewel, rakrom.

Ezekiel 8:18

Doleske djau lentsa i choljah trujel. Jon khaitenn man buder gar. Un man well kek latchepen lenge. Ninna te denn le palle glan mire kanda pre gole, shunau me gar ap lende.

3. Mose 26:24

palle sikrau me tumenge o dumo, un dau tumen i phagi, hoi efta kope phareder hi har kaja bis kanna.

3. Mose 26:27

Te shunenn tumer ninna palle gar ap mande, un sikrenn mange o dumo,

3. Mose 26:41

Doleske sikrom lenge o dumo, un tradom len an o them kolendar, kai kuran pen lentsa. Kote krenn le pen tiknes glan mande. Te hidjran le pengri phagi tele,

Nahum 1:2

O baro Dewel hi i Dewel, kai kamell, te mangenn i menshe kek wawar debles an har les kokres. Leskri choli well pral kolende, kai hadenn pen pral leste. Kolen, kai kamenn lestar tchi te djinell, dell job i phagi. Un bistrell gar, hoi jon ap leste kran.

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.