3. Mose 26:22 - O Debleskro Drom 2021 (Sinte)

²² Diwje vieche bitchrau mank tumende, te chan le tumare tchawen un viechen, un marenn jaake bud tumendar, te wenn tumare dromma muklo.

O Debleskro Lab 2024 (Sinte-Manouche)

²² Divye firhe bičrau mank t'mende, te rhan le t'mare čaven oun firhen, oun marenn yaake boud t'mendar, te venn t'mare dromma mouklo.

3. Mose 26:22 ပူးပေါင်းရင်းမြစ်များ

2. Rajengro liil 17:25

An ko ersto tsiro, kai djiwan le kote, mangan le gar o baro Deblestar an. Kote bitchras lo lewe mank lende, un kolla maran menshen lendar.

2. Rajengro liil 2:24

Job rissras pes trujel, un har job len dikas, praassas job len an o baro Debleskro lab. Koi wan dui bere dran o weesh un dandran star-deesh-te-dui kol mursh tchawendar an kotja.

2. Familjakro liil 15:5

An kol tsirja djiwan i menshe gar an o latchepen khetne an kal themma. Jaake hunte darell hakeno peskro djipaske, kai djas ap o drom.

Jesaja 24:6

Doleske chal i bibacht i tseli phub pre. Un kolla, kai koi djiwenn, lenn pengri phagi. Bud un budeder merenn. Un gar bud atchenn djido.

Jesaja 33:8

I dromma hi wi-meredo, un kek djal buder gar koi. Kolla, kai win kran, te rikrenn le khetne, rikrenn gar pengro lab. Un ap kolende, kai koi pashel his, har kowa win kerdo was, well gar shunlo. I menshengro djipen hi lenge tchi moldo.

Jeremia 15:3

Me, o baro Dewel, lom man glan, te anap star kope pharo koowa pral lende: o chareha te wenn le mulo dino, i djukle tserdenn len krik, i tchirkle chan len, un kowa hoi lendar pral atchell, chan i diwje vieche pre.

Jeremia 42:2

un penan ap o Debleskro rakepaskro, o Jeremia: Muk maro mangepen glan tute te well, un mange tiro baro Deblestar kal tsele menshenge, kai pral atchan! Glan i tsiro hams bud, kanna atchan gar bud pral mendar, har tu nai tire jakentsa dikeh.

Ropaskre gilja 1:4

I dromma pash i berga Zion hi muklo. Kek well an o foro an kol bare diwessa. I tsele foreskre wudja hi pre, i rashajenge hi ropaske, i terne tcha rowenna. Har pharo hi kowa lauter o foreske!

Ezekiel 14:15

Te anoms diwje viechen an o them, kai marenn kolen, kai kote djiwenn, un o tselo them wals i mulo them, kai kek buder ap o drom hi i darjatar kol diwje viechendar,

Ezekiel 14:21

Un kanna penell o baro Dewel, maro rai: Ap ko tsiro, kai bitchrau star phare dawa pral ko foro Jerusalem – kurepen, bok, diwje vieche un pharo nasslepen, – te merenn i menshe un vieche koi dren,

Ezekiel 33:28

Un me krau o them, te well lo i wi-meredo them, te nai wenn tumer buder gar pre-phurdo un sorelo. I berge an Israel wenn i mulo them, kai buder kek pral wergel djal.

Ezekiel 5:17

Awa, i bok un diwje viechen bitchrau mank tumende. Kolla marenn tumare tchawen. Ninna pharo nasslepen, marepen un kurepen anau pral tumende. Me, o baro Dewel, rakrom.

3. Mose 26:6

Tumer nai djiwenn an o latchepen kolentsa, kai trul tumende djiwenn, te nai sowenna, un kek tserdell tumen dran o sopen. Kol diwje viechen tradau me dran o them win. Kek lurde wenna an tumaro them, te marenn le tumen.

Micha 3:12

Doleske well o Debleskro foro trujel witsedo har i hachetikri phub. Un an o foro Jerusalem atchell kek bar ap o wawar. Ap i berga, kai o Debleskro kheer tardo hi, wenn diwje burra baro. Kowa lauter well jaake dran tumari doosh.

Zakarie 7:14

Doleske tradom len an wawar themma, hoi prindjran le gar. Un lengro them was muklo. Kek budras un djiwas buder gar koi. Jaake kran le dran kau latcho them i mulo them.

5. Mose 32:24

I bokatar merenn le, un o fibro chal len pre. Pharo nasslepen marell len. Me bitchrau diwje vieche un tchilatche sapa mank lende, kai dandrenn len mulo.

Čačepangre 5:6

An ko tsiro, har o Shamgar djiwas, koleskro dad o Anat hi, ninna an ko tsiro, har i Jael djiwas, his kek mensho ap i dromma, un kolla, kai ap kol bare dromma win djans, hunte djans tchorchanes, ap tikne khatemen dromma.