3. Mose 26:16 - O Debleskro Drom 2021 (Sinte)

¹⁶ palle krau tumentsa jaake: Bari bibacht anau pral tumende, pharo nasslepen, hoi tumenge o djipen randell. Tumer chatchenn glan fibro, tumare jaka nai dikenn buder gar mishto, un kek soor atchell an tumende. Tchitcheske witsrenn djob win an i phub. Kolla, kai kurenn pen tumentsa, chan les pre.

O Debleskro Lab 2024 (Sinte-Manouche)

¹⁶ palle krau t'mentsa yaake: Bari bibarht anau pral t'mende, pharo nasslepen, hoy t'menge o djipen randell. T'mer rhačenn glan fibro, t'mare yaka nay dikenn bouder gar mishto, oun kek zoor ačell an t'mende. Čičeske vitsrenn djob vin an i phoub. Kolla, kay kourenn pen t'mentsa, rhan les pre.

3. Mose 26:16 ပူးပေါင်းရင်းမြစ်များ

1. Rajengro liil 8:37

Nai well i bari bok pral kau them, ninna i djungelo nasslepen, i tsiro, kai dell kek brishin, i nasslepen ap o djob, bud stepangre un kirme, kai chan o tselo senlepen, lurde, kai wenn dran wawar themma un tchiwenn pen trul i forja un pandenn len dren – hawi bibacht un nasslepen ninna wella,

Hiob 18:11

Trul leste trujel well haki rigjatar bari traash, un lell les palla, kai job ninna stakrell.

Hiob 20:25

Ko failo well an leskro buko karje dino, un dran o dumo djal lo win. Bari traash taprell les.

Hiob 31:8

palle kamau djob an i phub te witsrell, un i wawar nai chal kowa, hoi kolestar bares was. Un kowa, hoi mange dran i phub win was, tserdenn palle i wawar dran i phub win.

Debleskri gili 109:6

Tchip i tchilatches pral leste, kai dell les gar o tchatchepen. Tchip jekes ap leskri tchatchi rig, kai anell doosh ap leste pre!

Debleskri gili 73:19

Ap jek kopo hi le buder gar koi. Lengro merepen nai wals gar djungleder!

Debleskri gili 78:33

Koi kras lo, te djal lengro djipen sik trujel, un lengre bersha his pherdi daar.

2. Mose 15:26

Un job penas: “Te shuneh tu ap mande, tiro baro Debleste, un kreh, hoi me penau, lauter, hoi an mire jaka tchatcho hi, un rikreh tut ap mire laba un kreh, hoi me tutar kamau, palle tchiwau me kek nasslepen ap tute, hoi tchiwom ap i Egiptarja. Me hom o baro Dewel, kai tut sasto krell.”

Gosewe laba 3:33

O baro Dewel tchiwell i bibacht ap o kheer i tchilatchendar, un bacht ap o kheer kolendar, kai an o tchatchepen tardo hi.

Jesaja 10:4

Te han gar mank kolende, kai mulo dino wan, atchell tumenge tchi pral, har te tchiwenn tumen glan tele kolentsa, kai pandle wan. Un pral kowa lauter mukell o Debleskri choli tumendar gar tele, un leskro wast atchell pre hadedo, te dell lo tumen i phagi.

Jesaja 62:8

O baro Dewel das pes sowel un das peskro tchatcho wast pre, un hadas peskri soreli mussi, un penas, te dell kek tsiro buder, kai mukell lo kolen tiro djob te chal, kai kurenn pen tuha, un witar gar i menshen dran wawar themma tiri mool te pijell, kolake tu jaake phares budral.

Jesaja 7:2

Un har o baro rajeske pral Juda penlo was, kai tchiwan i Syrarja pengre plachtene khera pre an o Efrajimeskro them, kote trissas lo i trashatar. Un ninna i tsele menshe an Juda trissan jaake har i ruka an i wesha trissenn, te phurdell i sorelo ducho.

Jeremia 12:13

Mire menshe tchiwan djob an i phub, un subjengro senlepen lan le khetne. Jon maran pen tele, un lan tchi dran lengri phari budi. Lauter his tchitcheske! His koi bari choli o baro Deblestar, hoi kras lauter paash.

Jeremia 15:3

Me, o baro Dewel, lom man glan, te anap star kope pharo koowa pral lende: o chareha te wenn le mulo dino, i djukle tserdenn len krik, i tchirkle chan len, un kowa hoi lendar pral atchell, chan i diwje vieche pre.

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Jeremia 20:4

Kowa penell o baro Dewel: Tu aneh traash ap tute un ap tire malende. Jon wenn maredo o chareha kolendar, kai kurenn pen lentsa. Un tu dikess kowa tire jakentsa. Un me kamau i tsele menshen an o them Juda an o wast o baro rajestar dran o them Babilonia te dell. Kowa anell i kotar lendar pandles an Babilonia un dell i wawaren mulo o chareha.

Jeremia 5:17

Jon chan tiro djob un tiro maro, tire tchawen, tire tchen, tire bakren un grumjen, tire drake, tire faigetikre ruka. Tumer patsenn, te djal tumenge tchi an tumare sorele forja. Kolen lenn jon tumendar o chareha krik.

Ezekiel 24:23

Tumare dikle mukenn trul tumare sherja un kircha ap tumare pire. Tumer denn gar gole un rowenn gar. Tumer perenn an tumende khetne, jaake baro hi i doosh ap tumende. Un mank tumende lenn tumer phares ducho.

Ezekiel 33:10

Tu mensho, pen ap o kheer Israel: Tumer penenn: Mari doosh un ko tchilatcho koowa, hoi kram, hi phares ap mende tchiddo. Mer nai hidjrah kowa buder gar. Har nai djiwah mer gomme?

Amos 5:11

Kowa krenn tumer: I tchorwelen rikrenn tele, un lenn lendar budeder djob har tchatcho hi. Doleske well jaake: An kol shukar newe khera, hoi tumenge kran, djiwenn tumer gar. Un i mool kol newe drakengre rukendar, hoi an i phub tchiwan, pijenn tumer gar.

Micha 6:15

Tumer tchiwenn djob an i phub, un nai anenn kek newo djob dren. Tumer krenn djet dran i djeteskre drake, un nai makenn tumen gar leha dren. Tumer krenn mool, un nai pijenn lat gar.

Haggai 1:6

Tumer budrenna ap tumari phub, un anenn gar bud dren. Tumer chan un wenn gar tchalo; tumer pijenn un tumari trush atchella; tumer riwenn tumen latches an, un tumenge well gar tates. Un kones lowe hi, kowa tchiwell len an i possita, kai i cheb dren hi.

Zakarie 14:12

Un kowa hi ko pharo nasslepen, hoi o baro Dewel ap kolende tchiwell, kai djan an o kurepen o foreha Jerusalem: Lengro mass merell tele, har le gomme ap lengre pire tardo hi, lengre jaka an o shero un lengri tchip an o mui merenn tele un perenn win.

Maleachi 2:3

Dikenn, hoi me kamau te krell: Kolla, kai tumendar wenna, kolen phagau. Un o ful kol viechendar, hoi tumer mange anenn, witsrau me an tumare muja. Un tumer wenn win witsedo khetne o fuleha.

5. Mose 28:51

Un jon chan tumare viechen. Un halauter, hoi ap tumari phub bares was, chan le pre. Tumenge mukenn le tchi pral, kek djob, kek mool, kek djet un witar kek terne tumare grumjendar, bakrendar un busjendar. Jaake hunte merenn tumer i bokatar, bis te kek tumendar buder koi hi.

5. Mose 32:25

Ap i dromma marell len o charo, un an i khera i traash. Hakenes taprell o merepen: o terno murshes un i terni tchat, o ternepen un kolen parne ballentsa.

Hebrearja 10:31

Hawi bari phagi well pral kolende, ap lende o djido Dewel chojedo hi!

Čačepangre 6:11

Un ko baro Debleskro bolepaskro was, un beshas pes tel ko baro ruk, hoi pash i platsa his, hoi kharella Ofra. Koi platsa his o Joashes dran i familja Abijeser. Un leskro tchawo Gideon his an ko kashteskro, hoi kerdo his, te krenn le mool dran i drake. Un kote das lo khatemen o djob win, te nai taprenn i Midianarja gar ko djob ninna.

1. Samuel 2:33

I budeder mursha mank tumende hunte merenn an pengro feteder phurepen, ninna te mukau gar hakenes tire menshendar te merell, koon mange i rashai hi, te wess tu gar jaake bibachtelo, te nashreh tiri soor, un tiro dji mereh i dukatar.