3. Mose 25:9 - O Debleskro Drom 2021 (Sinte)

⁹ mukenn an o 50. (paash-sheelto) bersh, an o eftato tchon, ap o deshto diwes an i phurdepaskri te phurdell an o tselo them. Kowa hi o diwes, kai halauter krik lino well, hoi mank tumende un o baro Debleste tardo hi.

O Debleskro Lab 2024 (Sinte-Manouche)

⁹ moukenn an o 50. (paash-sheelto) bersh, an o eftato čon, ap o deshto dives an i phourdepaskri te phourdell an o tselo them. Kova hi o dives, kay halauter krik lino vell, hoy mank t'mende oun o baro Debleste tardo hi.

3. Mose 25:9 ပူးပေါင်းရင်းမြစ်များ

Debleskri gili 89:15

O tchatchepen pral i menshende rakreh, un tchatchepaskre laba lenge peneh. Doleske atcheh tu o baro rai. An lauter, hoi kreh, dikah tiro latchepen, un har pash mende rikreh.

Debleskri gili 89:16

Baro Dewel, har bachtelo hi kol menshe, kai sharenn tut i giljentsa, kai djiwenn an tiro latchepen!

Jesaja 27:13

Un ap ko diwes well an i bari phurdepaskri phurdedo. Un i Israelitarja, kai his nashedo an o them Assur, un kai his win tradedo an o them Egiptia, kolla lauter wenna un mangenn o baro Debles an ap o Debleskri berga an o foro Jerusalem.

3. Mose 16:20

Te kras o Aron halauter, te well i doosh un o pale-tchiddo koowa krik lino dran o Debleskri kutch isema, dran o tselo Debleskro plachteno kheer un dran i chatchepaskri, palle anell lo koi djidi mursh busni kai,

3. Mose 16:29

Kawa lauter hunte well kerdo ap o deshto diwes an o eftato tchon. Un jaake hunte krenn tumer hako tsireske. Ma chan ap ko diwes! Ma krenn i budi, tumer gar un witar gar i wi-themarja, kai mank tumende djiwenn.

3. Mose 16:30

Ap kau diwes well tumari tseli doosh un ko tselo pale-tchiddo koowa, hoi ap tumende hi, krik lino. Un lauter well pale mishto mank o baro Debleste un tumende.

3. Mose 23:24

Pen ap i Israelitarja: Ko ersto diwes an o eftato tchon hunte well tumen sawo diwes, kai budrenn gar. Ap ko diwes phurdenn an i phurdepangre, un awenn khetne glan o baro Debleste.

3. Mose 23:27

O deshto diwes an kau eftato tchon hi o diwes, kai well halauter krik lino, hoi mank tumende un o baro Debleste tardo hi. Ap ko diwes chan tchi un awenn khetne glan leste un anenn leske viechen un chapen, hoi wenn leske chatchedo.

3. Mose 25:8

Ap ko tsiro, kai rikran efta kope ko Debleskro bersh dren, kowa hi pal 49 (star-deesh-te-enja) bersha,

3. Mose 27:17

Te kamell lo ko kotar phub o Debleske te dell an ko ersto bersh pal ko bersh, kai i tseli sijaan muklo was, atchell kowa pash kol 50 rupene beme.

3. Mose 27:24

An ko bersh, kai i sijaan muklo well, djal ko kotar phub palpale ap koleste, konestar job les ginas, koleskri familjake koi phub hi.

4. Mose 10:10

Phurdenn ninna an i phurdepangre ap kol bare diwessa, kai han tumer bachtelo, un ap ko diwes, kai well i newo tchon, un kai tumer o baro Debleske viechen anenn, sawe, hoi tumer leske tseles chatchrenna un sawe, hoi chan tumer glan leste khetne. Palle wenn tumer mange, tumaro Debleske, an o shero. Me hom tumaro baro Dewel.

4. Mose 36:4

Te well kanna ko bersh, kai lell hakeno pale, hoi glan i tsiro leskro his, palle well ko them kol tchendar hako tsireske kol menshenge, kolendar lengre romma hi. Un jaake well ko them mare menshendar tikneder.”

Remarja 10:18

Kanna putchau tumendar: Shunan i bibolde ko lab gar? Awa! Jon shunan kowa lauter. Jaake hi tchinlo an o Debleskro lab: Ap i tseli phub shunan le ko rakepen. An i tsele themma was ko lab penlo.

Remarja 15:19

Un job sikras peskri soor, har kras o Debleskro Ducho baro koowa, hoi kek wawar nai krella. Jaake penom o latcho lab o Jesus Kristestar an o tselo them trul o foro Jerusalem bis an o them Illirikum.

1. Tessalonikarja 1:8

Tumendar djas o latcho lab o Jesusestar, maro rajestar, dureder, gar kokres an i themma Macedonia un Achaja. Na-a, ninna an bud wawar themma shunan i menshe, har tumer patsenn ap o Debleste. Jaake hunte penas mer lenge buder tchi pral kowa.

Josua 6:4

Un efta rashaja hunte hidjrenn efta phurdepangre un djan glan o mochton, kai o Debleskre deesh laba dren hi. Ap o eftato diwes djan tumer efta kope trul o foro trujel. Un i rashaja phurdenn koi pashel an pengre phurdepangre.