3. Mose 25:23 - O Debleskro Drom 2021 (Sinte)

²³ Ma bikrenn ko them jaake, te well kowa hako tsireske i wawareske! Ko them hi mange. Un tumer han har wi-themarja, kai mukau pash mande te djiwell.

O Debleskro Lab 2024 (Sinte-Manouche)

²³ Ma bikrenn ko them yaake, te vell kova hako tsireske i vavareske! Ko them hi mange. Oun t'mer han har vi-themarya, kay moukau pash mande te djivell.

3. Mose 25:23 ပူးပေါင်းရင်းမြစ်များ

1. Mose 23:4

Un job penas ap lende: “Me hom mank tumende i wi-themari. Man hi kek kotar them pash tumende. Kanna mangau tumen: Denn man i kotar them pash tumende, te paskrap miri muli romjat.”

1. Mose 47:9

Penas o Jakob: “Hom 130 (sheel-te-triin-deesh) bersh phuro. Kowa hi kek phurepen. Man hi kek shukar djipen. Mire phure wan phureder har me.”

1. Rajengro liil 21:3

Kote penas o Nabot ap o Ahab: “O baro Dewel mu rikrell man pale, te dap tut kowa, hoi mire phurendar lom pal lengro merepen!”

1. Familjakro liil 29:15

Har mare phure ham mer ninna wi-themarja glan tute, ham i tikno tsiro ap kai phub un djah dureder. Maro djipen ap kai phub hi har i shatto un atchell gar.

2. Familjakro liil 7:20

palle tradau me i Israelitarjen win dran lengro them, hoi me len dom. Un kau kheer, hoi mange win rodom, te wap kote an-mangedo, kolestar kamau tchi buder te djinell. Un i menshe an i tsele wawar themma rakrenn un sanenn pral leste.

Debleskri gili 119:19

Me hom gar khere ap kai phub. Muk man te haiwap tire laba!

Debleskri gili 24:1

I gili o Davidestar. O baro Debleske hi i phub un lauter, hoi koi pre hi, awa, i tseli phub un kolla, kai kote djiwenna.

Debleskri gili 39:12

Tu te deh o menshes i phagi, te anas lo doosh ap peste, palle djal lo jaake paash har i ripen, hoi chalo well i kirmestar. Awa, o mensheskro djipen hi tchi buder har i ducho.

Debleskri gili 39:13

Baro Dewel, shun miro mangepen! Un shun, har dau ap tute gole! Dik mire swa un rake mantsa! Me hom gar khere ap kai phub, djiwau har i wi-themari pash tute, jaake har ninna mire phure djiwan.

Debleskri gili 85:1

I gili jekestar dran i familja Korach. Kai gili hi o rajeske pral i gipangre.

2. Mose 19:5

Kanna shunenn: Te rikrenn tumer lauter, hoi me tumenge penau, un shunenn ap mire tsele laba, palle han tumer mange kutcheder har i tsele wawar menshe ap kai phub. Ninna te hi i tseli phub miro, han tumer kokres mire menshe,

2. Mose 2:22

Har joi i mursh tchawo ap i phub anas, penas o Mose: “Me nashom an i them, hoi hi gar miro them. Doleske dau les ko lab Gershon.”

Jesaja 8:8

Un jon wenna an o them Juda dren, har pani hoi dren phagell, un hoi bis pash i meen pre djal. O Dewel hi pash mende! Leskre mussja hi pral mende jaake dur har o them buchlo hi.

Ezekiel 48:14

Un i Levitarja hunte bikrenn tchi pengro themestar un tchi parenn. Kau fetester kotar them hunte well gar an i wawarengre wasta. Kau kotar them was o baro Debleske dino.

Hosea 9:3

Tumer atchenn gar an o them, hoi o baro Dewel tumen das. I menshe dran o them Efrajim hunte djan pale an o them Egiptia, ninna an o them Assur. Kote hunte chan le sawo koowa, hoi pale-tchiddo hi.

Joel 2:18

Palle well o baro Debleskro kamlepen bares an leste peskro themeske, un job krell peskro dji pre peskre menshenge.

Joel 3:2

An ko tsiro tchorau miro ducho ninna win pral i budepangre, mursha har djuwja.

3. Mose 25:10

O 50. (paash-sheelto) bersh hi o baro Debleske. An kau bersh denn win gole, te well hakeneske, kai an ko them djiwell, peskri sijaan muklo. Un te his leskri sijaan jaake baro, te bikras pes lo ap i wawareske, hunte mukell kowa les pale te djal. Hakeno tumendar lell kowa pale, hoi leskro his, un nai djal khere pash peskre menshende.

3. Mose 25:24

Te bikrenn i kotar them, palle krenn kowa jaake, te nai well ko them palpale ginlo.

5. Mose 32:43

Tumer menshe dran i wawar themma, sharenn o baro Debleskre menshen! Kolla, kai maran leskre budepangre, kolenge dell job halauter pale ap lengre sherja. Un job dell kolen halauter pale, kai kuran pen leha. Un lell krik o praassepen, hoi ap o them peskre menshendar hi.

1. Petro 2:11

Kamle mala, tumer djinenn, kai han gar khere ap kai phub. Me mangau tumen, awenn sorelo! Te well o djungelo koowa an tumare djia pre, palle penenn: “Na-a!” ap kowa un krenn les gar!