3. Mose 25:18 - O Debleskro Drom 2021 (Sinte)

¹⁸ Doleske krenn, hoi tumendar kamau, un djiwenn pal miro tchatchepen! Palle nai djiwenn tumer an kau them kek darjah.

O Debleskro Lab 2024 (Sinte-Manouche)

¹⁸ Doleske krenn, hoy t'mendar kamau, oun djivenn pal miro čačepen! Palle nay djivenn t'mer an kava them kek daryah.

3. Mose 25:18 ပူးပေါင်းရင်းမြစ်များ

1. Rajengro liil 5:5

Jaake nai djiwan i menshe kek darjah an o them Israel un an o them Juda. Hakeno nai beshas tel peskro drakengro ruk un peskro faigetikro ruk. Kowa his jaake an o tselo them, o themestar Dan bis tel pash o foro Beersheba, jaake rah har o Salomo djiwas.

Debleskri gili 103:18

kolenge, kai bistrenn gar, hoi job lengre phurentsa win kras, un rikrenn pen ap leskre laba.

Debleskri gili 4:8

Tu kral miro dji bachtleder har o dji kolendar, kolen bud djob un mool hi.

Gosewe laba 1:33

Koon ap mande shunell, nai djiwell kek darjah, un leskro dji hunte darell kek bibacht.

Jeremia 23:6

An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

Jeremia 25:5

Job mukas tumenge te penell: “Djan tele, hakeno leskro tchilatcho dromestar! Mukenn tumaro tchilatcho koowa! Te wenn pale ap o tchatcho drom, nai atchenn an ko them, hoi dom me tumende un tumare phurende, kanna un hako tsireske.

Jeremia 33:16

An ko tsiro wenn i menshe an Juda win lino dran i tchilatche wasta, un kolla an Jerusalem nai djiwenn kek darjah. Un o foro well kharedo ‘o baro Dewel krell men tchatcho’.

Ezekiel 33:29

Tumer krenn, hoi glan mire jaka djungelo hi. Doleske krau ko them, te well lo i wi-meredo them. Palle dikenn un haiwenn tumer, te hom me o baro Dewel.

3. Mose 19:19

Djiwenn pal kol laba, hoi tumende sikrenn, hoi me tumendar kamau! Vieche dran dui wawar mass, mukess tu gar khetne te well, te nai krenn le terne. Ap tiro kotar phub, ma witse dui koowa win, te well kowa bares. I ripen kerdo dran dui wawar thaba, well gar ap tute!

3. Mose 19:37

Krenn halauter, hoi me tumendar kamau, un rikrenn ap miro tchatchepen! Me hom o baro Dewel.

3. Mose 25:19

Un o them anell tumenge jaake bud win, te hi tumen doha chapaske. Un tumer nai djiwenn an kau them, un tumen hunte well kek daar.

5. Mose 12:10

Te djan wergel o pani Jordan un djiwenn an ko them, hoi tumaro baro Dewel tumen dell te wenn kote khere, nai krell kek tumen kote tchilatchepen, un kek rodell kurepen tumentsa.

5. Mose 33:12

Ap o kheer Benjamin penas lo: Tu hal kowa, koles o baro Dewel peskro tselo djijeha kamell, un peskre wasta pral leste rikrell! O tselo diwes dell lo ap tute jak, un djiwell mashkral tute.

5. Mose 33:28

Un jaake nai djiwell o Israel kek darjah kote. Kek kamell tchingepen o Jakobeskre tchawentsa. An lengro them well djob un mool baro. Un o bolepen dell doha brishin.