3. Mose 25:17 - O Debleskro Drom 2021 (Sinte)

¹⁷ Kek te dell o wawares pal o kand! Rikrenn tumenge tumaro Debles glan i jaka pash halauter, hoi krenn! Me, o baro Dewel, hom tumaro Dewel.

O Debleskro Lab 2024 (Sinte-Manouche)

¹⁷ Kek te dell o vavares pal o kand! Rikrenn t'menge t'maro Debles glan i yaka pash halauter, hoy krenn! Me, o baro Devel, hom t'maro Devel.

3. Mose 25:17 ပူးပေါင်းရင်းမြစ်များ

1. Mose 20:11

O Abraham penas: “Me patsom, kai an kau foro kek menshe hi, kai patsenn o djijestar ap o Debleste un krenn, hoi o Dewel kamell. Darom, kai jon man mulo denna, te lenn le miri romjat.

1. Mose 22:12

Penas o bolepaskro: “Tape kol tchawes gar an! Un kre les tchi! Kanna djinau me, kai shuneh o tselo djijeha ap o Debleste un kreh, hoi job penell. Tu rikral tiro jek tchawes mandar gar pale.”

1. Mose 39:9

Kek hi bareder an kau kheer har me. Un miro rai rikras tchi peske har tut kokres. Tu hal leskri romni. Har nai anau hawi bari doosh ap mande, te krap kowa, hoi o Dewel gar kamella?”

1. Mose 42:18

Ap o triinto diwes penas o Josef ap lende: “Te krenn tumer, hoi penau, atchenn tumer djido. Me darau o Deblestar.

2. Familjakro liil 19:7

Un kanna rikrenn o baro Debles glan tumare jaka, rikrenn tumen ap o tchatchepen un denn hakeneste peskro tchatchepen. Ma bistrenn, pash maro baro Debleste hi kek chochepen. Un job dikell witar gar ap kowa koon glan leste tardo hi. Un job mukell pes gar te ginell.

Nehemia 5:15

Kol wawar themeskre raja glan mande tchiwan pharo koowa ap i menshende. Hako diwes lan le lendar maro un mool un kote pashel gomme 40 (star-deesh) rupene beme. Un kolengre budepangre kran pen ninna rai pral i menshende, jaake har le kaman! Me krom kowa gar jaake, djinom, o Dewel dikell man!

Nehemia 5:9

Un me penom: “Gar mishto hi kowa, hoi tumer kai krenna! Tumer hunte djiwans glan o baro Debleskre jaka, un krans, hoi mishto hi, te nai praassens men kol wawar menshe gar, kai trul mende djiwenn un maro merepen kamenn.

Debleskri gili 19:9

Kowa, hoi o baro Dewel menge penell, te kras mer, hi tchatcho, un krell maro dji bachtelo. Kowa, hoi lo mendar kamell, nai haiwell hakeno. Kowa hi har i momeli, hoi sikrell men o drom.

2. Mose 20:20

Koi penas o Mose: “Ma darenn! O Dewel was, te dikell lo, te krenn tumer, hoi job tumenge penas. Job kamell te shunenn ap leste un krenn kek tchilatcho koowa.”

Gosewe laba 1:7

Glan halauter hunte djiwess o baro Debleha, te kameh gosewo te well. Koneske o goswepen tchi moldo hi, un koon kamell tchi te djinell, hi dinelo.

Gosewe laba 14:31

Koon sorjah i tchorweles tele rikrell, kowa praassell koles, kai o tchorweles kras. Kones leske i baro dji hi, sharell o Debles.

Gosewe laba 16:6

Ab latches un rike pash o Debleste, un job bistrell tiri doosh. Te djiweh leha, rikreh tut pale o tchilatchepastar.

Gosewe laba 22:22

Ma rande o tchorweles win, doleske kai lo tchorwelo hi! Te hal leha glan i tchatchepangre, ma le leskro tchatchepen krik.

Jesaja 3:14

Ap i phurende un rajende pral peskre menshende penell job: Tumer chan i tsele drake, hoi ap miro drakengro them bares wan, An tumare khera hi kowa, hoi tumer i tchorwelenge randan!

Jeremia 22:16

Job das o tchorweleste un koleste, kai tele rikedo his, peskro tchatchepen. Doleske djas leske mishto. Jaake hunte djiwell o mensho, kai man prindjrell, penell o baro Dewel.

3. Mose 19:13

Tu rikress gar o wawares tele un randess les gar win. Tu dess i budepaskres, kai budrell tuke jek diwes peskre lowe ap i rat, un rikress kol lowe gar pral i rat pash tute.

3. Mose 19:14

Ma praasse jekes, kai nai shunell gar. Un ma tchip i koreleske tchomone an o drom, te perell lo wergel. Rike tuke tiro Debles glan i jaka pash halauter, hoi kreh! Me hom o baro Dewel.

3. Mose 19:32

Glan phure menshende stess tu pre un dikess pre ap lende. Tu rikress tiro Debles glan tire jaka pash halauter, hoi kreh! Me hom o baro Dewel.

3. Mose 25:14

Te bikreh i kotar phub ap i wawar Israelitari, oder te gineh lestar i kotar phub, palle dess les gar pal o kand!

3. Mose 25:36

Te patseh leske lowe, putch gar budeder lowe pale. Rike tuke o baro Debles glan i jaka, un kre, te nai djiwell tiro phraal pash tumende!

3. Mose 25:43

Tu wess gar sorjah rai pral lende! Rike tiro Debles glan tire jaka!

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Louka 12:5

Me kamau tumen te sikrell, konestar hunte tchatchepah trashenn: Trashenn o Deblestar, kai les i soor hi, te witsrell lo jekes pal o merepen an o bengeskri jag! Awa, kowa penau tumenge: Kolestar trashenn!

Bičepangre 10:2

Kowa his i latcho mursh un patsas ap o Debleste peskre tsele menshentsa. Job das bud i tchorwelende, un mangas o Debles hako diwes an.

Bičepangre 9:31

I patsle an i themma Judea, Galilea un Samaria, kolen his kanna i latcho tsiro, kek las len buder palla. Un o Debleskro Ducho kras len soreles an o patsepen. Un jon shunan ap o Debleste un bud un budeder menshe wan patslo.

Remarja 11:20

Kowa hi tchatcho. I bibolde patsan gar o Debles. Jaake hi le har kol kashta, hoi wan tele tchinlo. Tumer han har wawar kashta, hoi wan dren tchiddo ap ko rukeste kokres dran tumaro patsepen. Doleske ma krenn tumen bares! Denn jak!

Remarja 3:18

O Deblestar darenn le gar. Lestar kamenn le tchi te djinell.

5. Mose 25:18

Har hans khino ap o drom, djan le ap tumende pre, un dan kolen mulo, kai pale atchan, un kek soor buder an lende his. Kol Amalekarja rikran penge gar o Debles glan i jaka.

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.

1. Samuel 12:24

Tumer hunte darenn o baro Debles un mangenn les kokres an tumaro tselo djijeha! Ma bistrenn, hawo baro koowa job tumenge kras.