3. Mose 25:13 - O Debleskro Drom 2021 (Sinte)

¹³ An ko bersh, kai i tseli sijaan muklo well, lell hakeno peskri phub pale, hoi leskro his.

O Debleskro Lab 2024 (Sinte-Manouche)

¹³ An ko bersh, kay i tseli siyaan mouklo vell, lell hakeno peskri phoub pale, hoy leskro his.

3. Mose 25:13 ပူးပေါင်းရင်းမြစ်များ

Jesaja 61:2

Me wom bitchedo, te dap win gole, te was ko bersh, kai sikrell o baro Dewel peskro latchepen ap peskre menshende. Ninna was ko diwes, kai dell maro Dewel hakenes ko tchilatchepen pale, hoi job ap o them Juda kras. Job bitchras man, te khossap i swa tele kolenge, kai kanna rowenn.

Ezekiel 7:13

O bikepaskro lell kowa gar pale, hoi lo bikras, ninna te atchell lo djido. Kowa, hoi glan-wi penlo hi, well pral kal tsele menshende. O baro Dewel lell kowa gar pale. Kek, kai doosh ap peste las, atchell djido.

3. Mose 25:10

O 50. (paash-sheelto) bersh hi o baro Debleske. An kau bersh denn win gole, te well hakeneske, kai an ko them djiwell, peskri sijaan muklo. Un te his leskri sijaan jaake baro, te bikras pes lo ap i wawareske, hunte mukell kowa les pale te djal. Hakeno tumendar lell kowa pale, hoi leskro his, un nai djal khere pash peskre menshende.

3. Mose 25:12

An kau tselo bersh hunte well kek budi kerdo ap tumari kotar phub. Hakeno nai chal kowa, hoi hatsell lo, kowa hoi pestar bares was.

3. Mose 25:28

Te anell leskro wast kowa gar khetne, hoi job hunte pale plaissrell, palle atchell ko kotar phub an o wast kolestar, kai les ginas. An ko bersh, kai i tseli sijaan muklo well, lell les kowa pale, koleske ko kotar phub his.

3. Mose 25:54

Nai ginell kek les win, hunte well job peskre tchawentsa win muklo an ko bersh, kai i tseli sijaan muklo well.

4. Mose 36:4

Te well kanna ko bersh, kai lell hakeno pale, hoi glan i tsiro leskro his, palle well ko them kol tchendar hako tsireske kol menshenge, kolendar lengre romma hi. Un jaake well ko them mare menshendar tikneder.”