3. Mose 25:10 - O Debleskro Drom 2021 (Sinte)

¹⁰ O 50. (paash-sheelto) bersh hi o baro Debleske. An kau bersh denn win gole, te well hakeneske, kai an ko them djiwell, peskri sijaan muklo. Un te his leskri sijaan jaake baro, te bikras pes lo ap i wawareske, hunte mukell kowa les pale te djal. Hakeno tumendar lell kowa pale, hoi leskro his, un nai djal khere pash peskre menshende.

O Debleskro Lab 2024 (Sinte-Manouche)

¹⁰ O 50. (paash-sheelto) bersh hi o baro Debleske. An kava bersh denn vin gole, te vell hakeneske, kay an ko them djivell, peskri siyaan mouklo. Oun te his leskri siyaan yaake baro, te bikras pes lo ap i vavareske, hounte moukell kova les pale te djal. Hakeno t'mendar lell kova pale, hoy leskro his, oun nay djal khere pash peskre menshende.

3. Mose 25:10 ပူးပေါင်းရင်းမြစ်များ

Esra 1:3

Koon kanna mank tumende leskre menshendar hi, koleha te well peskro Dewel! Un job nai djal pral an o foro Jerusalem an o them Juda, un nai tchiwell o baro Debleskro kheer pre! Kowa hi o Israeleskro Dewel. Un job rodas peske o foro Jerusalem win, te well lo kote an-mangedo.

Debleskri gili 146:7

un kolen pengro tchatchepen dell, kai tele rikedo wenn. Kolen, kai bokenn, dell lo te chal. O baro Dewel hi kowa, kai i stilde win lell dran o stilepen.

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

Jesaja 49:9

– te peness i pandlen: Djan win; un kolenge, kai an i kali rat hi: Awenn win! Palle hi le har bakre, hoi chapen hatsenn pash o drom. Un ap o pralstuno them hatsenn le senlepen.

Jesaja 63:4

An miro dji was o diwes, kai dau hakenes pale, hoi lo kras. Un ko bersh was, kai lau mire menshen dran o tchilatchepen win.

Jeremia 34:10

Un i pralstune un i tsele wawar menshe, kai penan ‘awa’ ap kowa, kran ninna jaake, un mukan pengre budepangren te djal.

Jeremia 34:8

Kawa hi ko lab, hoi o baro Dewel ap o Jeremia penas, pal ko tsiro, kai o baro rai Zedekja i menshentsa an o foro Jerusalem win kras, te mukenn le i tsele ginle budepangre win,

Ezekiel 46:17

Te dell o rai i budepaskres i kotar them pestar, atchell ko kotar them koleske jaake rah, bis te well ko bersh, kai halauter pale dino hunte well ap koleste, koneske kowa his. Palle djal ko kotar them pale pale pash o rajeste. Kokres i tchawe o rajestar nai rikrenn, hoi len dino well.

3. Mose 25:11

An kau 50. (paash-sheelto) bersh hunte well i tseli sijaan muklo. Witsrenn kek djob an i phub, un tchinenn kek djob tele, hoi pestar dran i phub was. Tchinenn witar kek drake tele, hoi wan bares an kau bersh, kai tumer kol ruka gar tchinan.

3. Mose 25:13

An ko bersh, kai i tseli sijaan muklo well, lell hakeno peskri phub pale, hoi leskro his.

3. Mose 25:41

Palle mukess les tu pale djal, ninna leskre tchawe leha, te nai djan le pale pash lengre menshende un pash lengro kotar phub, hoi jon lengre phurendar lan.

3. Mose 25:54

Nai ginell kek les win, hunte well job peskre tchawentsa win muklo an ko bersh, kai i tseli sijaan muklo well.

Louka 1:74

te lell lo men dran i tchilatche wasta win, te budrah nai leske, un trashah buder gar,

2. Korintarja 3:17

Maro rai Jesus un o Debleskro Ducho hi jek. Te djiwell o Debleskro Ducho an jekeste, hi ko mensho buder gar pandlo, un hunte djal buder gar ap o phuro drom.

Galatarja 4:25

I Hagar hi har i berga Sinai an Arabia. Jaake har kote i menshe ap o Moseskre laba pandlo wan, jaake hi kanna o foro Jerusalem peskre menshentsa ap o Moseskre laba pandlo.

Galatarja 5:13

Mire phrala, o Dewel das tumen gole, te djiwenn i djipen, kai han buder gar pandlo ap tchomone. Kal labentsa penau gar, te krenn tumer nai, hoi kamenna, un djiwenn nai tumaro phuro djipen. Na-a, awenn jek o wawareske koi! Krenn kowa dran o kamlepen!

1. Petro 2:16

Tumer han buder gar pandlo ap o tchilatchepen. Doleske penenn gar: “Mer nai krah halauter, hoi kamah.” Un pal sawo rakepen khatrenn tumer tumaro tchilatchepen. Ma bistrenn, kai han pandlo ap o Debleste!