3. Mose 23:36 - O Debleskro Drom 2021 (Sinte)

³⁶ Efta diwessa anenn viechen o baro Debleske, te wenn le leske maredo un chatchedo. Ap o ochtato diwes awenn pale khetne glan o baro Debleste, un marenn un chatchrenn viechen leske. An kal bare diwessa wenn tumer khetne o baro Debleske, un hunte krenn kek budi.

O Debleskro Lab 2024 (Sinte-Manouche)

³⁶ Efta divessa anenn firhen o baro Debleske, te venn le leske maredo oun rhačedo. Ap o orhtato dives avenn pale khetne glan o baro Debleste, oun marenn oun rhačrenn firhen leske. An kal bare divessa venn t'mer khetne o baro Debleske, oun hounte krenn kek boudi.

3. Mose 23:36 ပူးပေါင်းရင်းမြစ်များ

Nehemia 8:18

Hako diwes draweras o Esra dran o liil glan, kai o Debleskro drom siklo well, o tselo tsiro, kai jon kol bare diwessa rikran. Un kol bare diwessa djan efta diwessa. Un ap o ochtato diwes wan le lauter jaake khetne, har tchinlo his an i tchatchepaskre laba.

Joel 1:14

Denn i menshen khetne gole! Penenn, te chan le tchi, te sikrenn le, kai lengri doosh len khaitell. Mukenn i phureden un i tsele menshen an kau them pash o baro Debleskro kheer te well! Job hi tumaro Dewel. Denn ap leste gole!

Joel 2:15

Phurdenn i phurdepaskri ap i berga Zion! Denn i menshen khetne gole! Penenn lenge, te chan le tchi, un sikrenn jaake, te khaitell lenge lengri doosh.

3. Mose 23:7

Ap o ersto diwes hunte wenn khetne glan o baro Debleste. Kek hunte budrell ap ko diwes.

Johanni 7:37

Ap ko pralstuno un shukeder diwes, was o Jesus pale glan kol tsele menshende, un das gole: “Kones trush hi, kowa te well pash mande un pijella!

5. Mose 16:8

Palle chan shob diwessa sawo maro, an koleste kek shutlo jarro hi! Un ap o eftato diwes awenn khetne, te sharenn tumaro baro Debles! Ap ko diwes krenn kek budi!