3. Mose 23:32 - O Debleskro Drom 2021 (Sinte)

³² Kau diwes hi i baro diwes tumenge, kai hunte krenn kek budi, un chan tchi fun rati ap o enjato diwes bis te well pale rati ap o wawar diwes.

O Debleskro Lab 2024 (Sinte-Manouche)

³² Kava dives hi i baro dives t'menge, kay hounte krenn kek boudi, oun rhan či foun rati ap o enyato dives bis te vell pale rati ap o vavar dives.

3. Mose 23:32 ပူးပေါင်းရင်းမြစ်များ

Nehemia 13:19

Un me penom, te wenn o foreskre wudja pandlo glan te was o Debleskro diwes, an ko tsiro har o kham tele djas, un te wenn le gar pale pre kerdo glan ko tsiro, kai hi o Debleskro diwes trujel. Un me bitchrom murshen an o foreskre wudja, te denn le jak, te well kek koowa an o foro Jerusalem dren hadedo.

Debleskri gili 35:13

Har jek lendar nasselo his, riwom ropaskre ripja ap mande, chom tchi un bokom leske, un pale te pale mangom o Debles leske,

Debleskri gili 51:17

Baro Dewel, kre miro mui pre, te rakrap, hoi sharell tut!

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 61:3

Un kolla an o foro Zion, kolengre djia rowenn, hunte wenn buder gar beshdo an i jagakri tchik un rido an gone. Na-a, me dau len werklia, te krenn le pen shukar, un sungepaskro djet. Lengre djia te giwenn un atchenn buder gar phagedo. Un jon wenn kharedo: ‘Bare ruka, hoi anenn sharepen o Debleske’, un ‘Ruka, hoi o baro Dewel peske an i phub tchiwas’, te well leskro railepen diklo.

3. Mose 16:29

Kawa lauter hunte well kerdo ap o deshto diwes an o eftato tchon. Un jaake hunte krenn tumer hako tsireske. Ma chan ap ko diwes! Ma krenn i budi, tumer gar un witar gar i wi-themarja, kai mank tumende djiwenn.

3. Mose 16:31

Kau Debleskro diwes hi i diwes, kai han kokres o baro Debleske koi. Un tumer nai krenn kek budi, un chan tchi. Jaake well kawa kerdo an hako tsiro, hoi wella.

3. Mose 23:27

O deshto diwes an kau eftato tchon hi o diwes, kai well halauter krik lino, hoi mank tumende un o baro Debleste tardo hi. Ap ko diwes chan tchi un awenn khetne glan leste un anenn leske viechen un chapen, hoi wenn leske chatchedo.

3. Mose 23:31

Doleske, krenn kek budi! Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

3. Mose 23:33

O baro Dewel penas ap o Mose:

Mateo 5:4

Bachtele hi kolla, kai kanna rowenna. O Dewel lell lengri duk dran lengro dji.

1. Korintarja 11:31

Te dah jak ap mende, har mer an o patsepen tardo ham, lah kek phagi.

Hebrearja 4:11

Doleske tchiwas mer maro tselo dji koi pre, te was an leskro them dren, kai ham hako tsiro pash leste khere. Das jak, te perell kek mendar o Debleskro dromestar tele, har kol menshe an o phuro tsiro, kai shunan gar ap o Debleste!

Hebrearja 4:3

Mer, kai patsah, hoi o Dewel penas, mer wah an o Debleskro them. I wawarendar penell lo: An miri choli dom man sowel, un penom: Jon wenn gar dren an miro them, kai wans le hako tsiro pash mande khere. Kau them hi koi jaake rah, har o Dewel o bolepen un i phub kras. Lauter his kerdo, har job o bolepen un i phub an shob diwessa kras.