3. Mose 23:29 - O Debleskro Drom 2021 (Sinte)

²⁹ Hakeno, koon rikrell pes gar pale o chapastar, kowa well pale-tchiddo hako tsireske, un nai djiwell buder gar mank peskre menshende.

O Debleskro Lab 2024 (Sinte-Manouche)

²⁹ Hakeno, koon rikrell pes gar pale o rhapastar, kova vell pale-čiddo hako tsireske, oun nay djivell bouder gar mank peskre menshende.

3. Mose 23:29 ပူးပေါင်းရင်းမြစ်များ

1. Mose 17:14

Hako mursh, kai gar tchinlo hi ap peskro mass, kowa hunte atchell buder gar djido mashkral peskre menshende. Job rikras pes gar ap kowa, hoi mer win kram.”

Esra 8:21

Un me mukom kote pash o pani Ahawa i tsiro win te kharell, kai chas mer tchi, un djas ap i tchanga glan maro Debleste, te djal lauter mishto ap maro drom, te djah an maro them, un te wenn kek tchilatche menshe pral mende un mare tchawende un halauter hoi men hi.

2. Mose 30:33

Koon peske sawo djet krella, nai atchell gar djido mank peskre menshende. Temerl dino well ninna kowa, kai makell jekeste, kai hi kek rashai.

Jesaja 22:12

Un ap ko diwes das o baro Dewel, ko rai pral o bolepen un i phub gole: “Rowenn un denn gole, tchinenn tumenge i balla tele, un riwenn tumen an ripja dran gone, te sikrenn, kai khaitell tumen tumari doosh!”

Jeremia 31:9

Jon wenna ropah. Un me rakrau lenge latches, un anau len pash panja un ap latche dromma, te perell kek; me hom o Israeleskro dad, un o Efrajim hi miro phureder tchawo.

Ezekiel 7:16

Un kolla, kai nai nashenn penge, djiwenn ap i berge har darene taube mank i bare barra, un rowenn pral pengri doosh.

3. Mose 13:46

Un jaake rah, har ko djungelo nasslepen ap leste hi, hi lo pale-tchiddo. Job djiwell kokres, un krell peskro kheer win glan koi platsa, kai i wawar menshe djiwenn.

3. Mose 23:27

O deshto diwes an kau eftato tchon hi o diwes, kai well halauter krik lino, hoi mank tumende un o baro Debleste tardo hi. Ap ko diwes chan tchi un awenn khetne glan leste un anenn leske viechen un chapen, hoi wenn leske chatchedo.

3. Mose 23:30

Un hakeno, kai budrell ap ko diwes, koles mukell o baro Dewel te merell.

3. Mose 23:32

Kau diwes hi i baro diwes tumenge, kai hunte krenn kek budi, un chan tchi fun rati ap o enjato diwes bis te well pale rati ap o wawar diwes.

3. Mose 7:20

Kowa kai chal ko mass, hoi o baro Debleste dino was, un ap leste hi i pale-tchiddo koowa, kowa well infam un hi buder kek Israelitari.

3. Mose 7:21

Te taprell jek tchomone an, hoi pale-tchiddo hi, i menshestar oder i viechestar oder i wawar pale-tchiddo koowa, un palle chal lo kau mass, hoi glan o baro Debleste anlo was, kowa well infam un hi buder kek Israelitari.

4. Mose 5:2

Pen ap kol Israelitarja: “Bitchrenn hakenes win glan tumari platsa, kai jaake nasselo ap peskro mass hi, te merell leskro mass tele! Bitchrenn ninna halauteren win, kai nashell dukepaskro pani dran lende win, un kolen, kai kran pen pale-tchiddo ap kolende, kai mulo hi!

Bičepangre 3:23

Koon gar ap koleste shunella, koles hunte tchiwenn tumer pale, te nai well lo buder gar pash tumende.