3. Mose 23:24 - O Debleskro Drom 2021 (Sinte)

²⁴ Pen ap i Israelitarja: Ko ersto diwes an o eftato tchon hunte well tumen sawo diwes, kai budrenn gar. Ap ko diwes phurdenn an i phurdepangre, un awenn khetne glan o baro Debleste.

O Debleskro Lab 2024 (Sinte-Manouche)

²⁴ Pen ap i Israelitarya: Ko ersto dives an o eftato čon hounte vell t'men savo dives, kay boudrenn gar. Ap ko dives phourdenn an i phourdepangre, oun avenn khetne glan o baro Debleste.

3. Mose 23:24 ပူးပေါင်းရင်းမြစ်များ

1. Familjakro liil 15:28

Jaake anan i tsele Israelitarja o mochton o baro Debleskre deesh labentsa pral an Jerusalem. Jon dan gole i bachtjatar, giwan un bashran ap phurdepangre, dorjengre bashepangre un wawar bashepangre.

Esra 3:6

O ersto kopo har anan le viechen, te wenn le chatchedo o baro Debleske, his ap o ersto diwes an o eftato tchon. An ko tsiro his i telstune barra o baro Debleskro khereske gomme gar tchiddo.

Nehemia 8:2

Jaake anas o rashai Esra ap o ersto diwes an o eftato tchon o Moseskro liil glan i tsele Israelitarja, kai khetne wan, glan kol tsele murshende un djuwjende, un lauterende, kai nai haiwan les.

Debleskri gili 89:15

O tchatchepen pral i menshende rakreh, un tchatchepaskre laba lenge peneh. Doleske atcheh tu o baro rai. An lauter, hoi kreh, dikah tiro latchepen, un har pash mende rikreh.

Debleskri gili 98:6

Bashrenn ap i phurdepangre un shinga! Denn gole i bachtjatar glan o baro Debleste! Job hi tumaro baro rai.

Jesaja 27:13

Un ap ko diwes well an i bari phurdepaskri phurdedo. Un i Israelitarja, kai his nashedo an o them Assur, un kai his win tradedo an o them Egiptia, kolla lauter wenna un mangenn o baro Debles an ap o Debleskri berga an o foro Jerusalem.

3. Mose 23:23

O baro Dewel penas ap o Mose:

3. Mose 25:9

mukenn an o 50. (paash-sheelto) bersh, an o eftato tchon, ap o deshto diwes an i phurdepaskri te phurdell an o tselo them. Kowa hi o diwes, kai halauter krik lino well, hoi mank tumende un o baro Debleste tardo hi.

1. Korintarja 15:52

Kowa well ap jek kopo, jaake sik, har kek nai dikella. Ap ko tsiro shunah mer i bashepaskri, kai jek dren phurdell. Te shunah mer koi bashepaskri, stenn i mule pre, un wenn djido. Un mer, kai gomme djiwah, wah win lino dran kowa, hoi mer kanna ham, un wawartchandes kerdo.

1. Tessalonikarja 4:16

Ap ko diwes, kai well maro rai Jesus tele dran o bolepen, shunah, har jek gole della. O Debleskro pralstuno bolepaskro dell bari gole, un jek phurdell an o Debleskri bashepaskri. Palle stenn kol mule pre, kai patsan ap o Jesus Kristeste.