3. Mose 23:21 - O Debleskro Drom 2021 (Sinte)

²¹ Denn win gole, te wenn khetne ap kau diwes o baro Debleske. Kek budi hunte krenn tumer ap ko diwes. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

O Debleskro Lab 2024 (Sinte-Manouche)

²¹ Denn vin gole, te venn khetne ap kava dives o baro Debleske. Kek boudi hounte krenn t'mer ap ko dives. Kava lab hi t'menge oun t'mare čavenge, kay pal t'mende venna, kanna oun hako tsireske, kay t'mer ninna djivenna.

3. Mose 23:21 ပူးပေါင်းရင်းမြစ်များ

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

Jesaja 11:10

Ap ko diwes well i mursh dran o Davideskro kheer, har i tikno ruk dran i draba i tele-dino rukestar, un well i sikepen i tsele menshenge ap i phub. Menshe dran wawar themma putchenn pal leste. Un leskro foro, kai job djiwell, well pherdo railepen.

3. Mose 23:14

Chan kek maro dran o newo djob, witar gar peklo djob oder terno djob, bis te anan tumaro Debleske leskro kotar kolestar. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

3. Mose 23:2

Pen ap i Israelitarja: Kalla hi i bare diwessa, kai wenn tumer khetne, te well o baro Dewel sharedo.

3. Mose 23:20

O rashai hadell kolen pre glan o baro Debleste, ninna kol mare dran o newo jarro, te sikrell lo, kai jon o baro Debleske hi. Un i rashaja nai chan kowa.

3. Mose 23:25

Krenn kek budi, un anenn o baro Debleske viechen un chapen, hoi well leske chatchedo ap leskri chatchepaskri.

3. Mose 23:31

Doleske, krenn kek budi! Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

3. Mose 23:4

Kalla hi i bare diwessa, kai wenn tumer khetne, te well o baro Dewel sharedo. Denn kal diwessa win gole ap pengro tsiro.

3. Mose 23:7

Ap o ersto diwes hunte wenn khetne glan o baro Debleste. Kek hunte budrell ap ko diwes.

3. Mose 3:17

Kek tumendar hunte chal o thulepen un o rat. Ap kowa hunte rikrenn tumen un tumare tchawe kanna un hako tsiro, kai tumer ninna djiwenna.