3. Mose 23:17 - O Debleskro Drom 2021 (Sinte)

¹⁷ Haki familja anell dui mare, hakeno kerdo dran dui-te-paash kilogramme latcho jarro. Kol dui mare hadell o rashai pre glan o baro Debleste, te sikrell lo, kai kolla leske hi. Kal mare hi peklo jarreha, kai shutlo jarro dren hi. Kal mare, hoi o baro Debleske anlo wenn, hunte wenn kerdo dran newo gib.

O Debleskro Lab 2024 (Sinte-Manouche)

¹⁷ Haki familya anell douy mare, hakeno kerdo dran douy-te-paash kilogramme lačo yarro. Kol douy mare hadell o rashay pre glan o baro Debleste, te sikrell lo, kay kolla leske hi. Kal mare hi peklo yarreha, kay shoutlo yarro dren hi. Kal mare, hoy o baro Debleske anlo venn, hounte venn kerdo dran nevo gib.

3. Mose 23:17 ပူးပေါင်းရင်းမြစ်များ

Nehemia 10:37

Mer anah hako phureder mursh tchawes un hako vieches, hoi o phureder peskri datar hi, an maro Debleskro kheer. Ninna i grumjendar un i bakrendar anah ko phureder pash kol rashajende, kai budrenn an maro Debleskro kheer.

2. Mose 22:29

Jaake kress ninna tire grumjentsa un tire bakrentsa un busjentsa. Efta diwessa atchenn le pash pengri date. Un ap o ochtato diwes dess len mande.

2. Mose 23:16

Rikrenn ninna bare diwessa mange an ko tsiro, kai anenn o newo djob dren. Un bare diwessa rikrenn mange ninna an ko tsiro pal i nijal, te anan i drake dren, un lauter, hoi bares was ap i ruka un ap tiri phub.

2. Mose 23:19

Tu aness o feteder halauterestar, hoi ap tiri phub bares was tiro baro Debleske an leskro kheer. Tu keress gar i terni busni an i thud peskri datar.

2. Mose 34:22

Rikrenn bare diwessa mange dren ap ko tsiro, kai tumer o newo djob dren anenn! Un palle rikrenn bare diwessa dren pal i nijal, te anan i drake dren un lauter, hoi ap i ruka un ap tumari phub bares was.

2. Mose 34:26

Hako bersh anenn o feteder halauterestar, hoi ap tumari phub bares was, an o Debleskro kheer! Job hi tumaro baro Dewel. Kerenn gar i terni busni an o thud lakro datar!

3. Mose 2:12

Ap ko tsiro, kai anenn o newo djob o baro Debleske, nai anenn tumer shutlo jarro un gwin, – ap leskri chatchepaskri nai chatchrenn kowa gar. Kowa hi kek koowa, hoi chatchedo well, te sungell lo latches o Debleske.

3. Mose 23:10

Pen ap i Israelitarja: Te wenn an ko them, hoi me tumen dau, un tumer tchinenn o newo djob tele un pandenn les khetne, palle anenn ko ersto pandepen newo djob glan o rashajeste.

3. Mose 23:18

Pash ko maro anenn tumer efta bakre, jek bersh phuro un sasto, ninna jek terno gurum un dui mursh bakre. Kolla wenn maredo un chatchedo o baro Debleske. Khetne lentsa well leske o chapen dran jarro chatchedo, un i mool glan leste win tchoredo. Un ko latcho sungepen, hoi well win, sungella mishto o baro Debleske.

3. Mose 7:13

Pash kowa, hoi anenn le, te parkrenn le pen pash o baro Debleste, anenn le mare, hoi shutlo jarreha kerdo was.

4. Mose 15:17

Un o baro Dewel rakras o Moseha un penas:

4. Mose 18:12

Ko tselo latcheder djet, un ko latcheder mool un djob, ninna lauterestar hoi glanstunes bares was ap i hachetikri phub, kowa halauter, hoi jon o baro Debles dan, dau me tumende. Koon gar pale-tchiddo hi an tiro kheer nai chal kolestar.

4. Mose 28:26

Un ko diwes, kai anenn tumer o baro Debleske ko newo djobestar, hoi dren anlo was, ko diwes well tumenge i baro diwes, kai wenn khetne glan o baro Debleste. Kek budi hunte krenn tumer ap ko diwes.

Mateo 13:33

Un pale penas o Jesus lenge laba, kai i khatedo tchatchepen dren hi: Un job penas: Kote, kai o Dewel i menshen pash peste gole della, te djan le ap leskro drom, hi kowa jaake har pash i kotar shutlo jarro, hoi las i djuwel un tchiwas les mashkral an i baro tcharo parno jarro. Un ko tikno kotar shutlo jarro kras ko tselo jarro shutlo.

Remarja 8:23

Un gar kolla kokres, na-a, men ninna hi duka un dikah o tselo djijeha ap ko tsiro, kai wah tchatchepah Debleskre tchawe un merah buder gar. Ninna te hi men kanna o Debleskro Ducho an mende, dikah ap ko tsiro, kai merah buder gar.

1. Korintarja 15:20

Ko tchatchepen hi: O Jesus Kristo hi o ersto, koles o Dewel i mulendar djido kras.

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.

Debleskro tsiro 14:4

Kolengro djipen hi djudjo. An kek tsireske wan le khetne i djuwjah. Un jon djan o terno bakreske palla, kai job ninna djala. Dran i menshende ap kai phub las job len khetne peske un o Debleske.