3. Mose 22:32 - O Debleskro Drom 2021 (Sinte)

³² Ma anenn ladj ap miro lab! Tumer, Israelitarja, hunte djinenn, te hom me kokres tumaro Dewel! Me, o baro Dewel, rodom tumen win, te wenn mire menshe,

O Debleskro Lab 2024 (Sinte-Manouche)

³² Ma anenn ladj ap miro lab! T'mer, Israelitarya, hounte djinenn, te hom me kokres t'maro Devel! Me, o baro Devel, rodom t'men vin, te venn mire menshe,

3. Mose 22:32 ပူးပေါင်းရင်းမြစ်များ

Jesaja 5:16

O baro Dewel, ko rai pral o bolepen un i phub sikrell peskri soor, un krell, hoi tchatcho hi. O tchatcho Dewel sikrell, te hi lo kokres o Dewel, kai rakrell o tchatchepen win.

Jesaja 8:13

O baro Debles, ko rajes pral o bolepen un i phub mukenn kokres tumaro Dewel te well! Un kolestar darenn un trashenn!

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

3. Mose 18:21

Tu chatchress kek tire tchawendar o chocheno debleske Moloch. Sau koowa sikrals, te hom me, tiro Dewel, tuke tchi moldo. Me hom o baro Dewel!

3. Mose 20:8

Krenn, hoi me tumendar kamau! Rikrenn tumen ap kowa! Me, o baro Dewel, rodom tumen win, te wenn mire menshe.

3. Mose 21:15

Kowa hunte krell lo, te lell lo gar tchawe, kai pale-tchiddo wans. Me hom o baro Dewel, un rodom les mange win, te well lo miro rashai.

3. Mose 21:8

Tumer Israelitarja, i rashai hi tumenge i Debleskro mursh! Job chatchrell glan mande o chapen, hoi mange anlo well. Doleske well lo tumenge i mursh, koles wi-rodom, te budrell lo mange. Me hom o baro Dewel. Kek wawar hi har me. Un tumen rodom mange win, te wenn mire menshe.

3. Mose 22:16

Te mukenn le wawar Israelitarjen kolestar te chal, anenn le bari doosh ap i Israelitarjen. Me hom o baro Dewel. Un kowa, hoi i Israelitarja mange anenn, hi kokres mange.

3. Mose 22:2

Pen ap o Aron un ap leskre mursh tchawende, te djan le mishto trujel ko koweha, hoi i Israelitarja mange anenn, te anenn le kek ladj ap mande. Me hom o baro Dewel.

3. Mose 22:31

Rikrenn tumen ap kowa, hoi tumenge penau! Un djiwenn pal kowa! Me hom o baro Dewel.

3. Mose 22:33

un anom tumen dran o them Egiptia win, te wap tumaro Dewel, me, o baro Dewel.

Mateo 6:9

Tumer te rakrenn o Debleha, penenn: Maro dad an o bolepen. Tiro lab well sharedo!

Louka 11:2

Penas o Jesus ap peskre malende: “Te rakrenn o Debleha, penenn: Maro dad, tiro lab well sharedo. Te well ko tsiro sik, kai tu o rai hal pral i tseli phub!

Johanni 17:17

Muk len tiro tchatchepen te dikell, te djiwenn le pengro tselo djipen tuke kokres! Tiro lab hi o tchatchepen.

1. Korintarja 1:2

ap i patslende, kai wenn khetne an o Debleskro lab an o foro Korint. Kolen rodas o Dewel win, te wenn le leskre tchawe, un te djiwenn o Jesus Kristeha khetne. Kau liil hi ninna kol tsele wawarenge, kai o Jesus Kristes an hake gaba un forja an-mangenna. Job hi lengro un maro rai.