3. Mose 22:20 - O Debleskro Drom 2021 (Sinte)

²⁰ Te anenn tumer leske i vieches, hoi gar sasto hi, dikell lo gar latches ap tumende.

O Debleskro Lab 2024 (Sinte-Manouche)

²⁰ Te anenn t'mer leske i firhes, hoy gar sasto hi, dikell lo gar lačes ap t'mende.

3. Mose 22:20 ပူးပေါင်းရင်းမြစ်များ

Ezekiel 45:18

Kawa penell o baro Dewel, maro rai: An o jekeskro tchon ap o jekeskro diwes an ko tchon well i terno sasto gurum wi-rodedo un maredo, te well leskro rateha i doosh un o pale-tchiddo koowa dran o Debleskro kheer krik lino.

3. Mose 1:3

Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

3. Mose 22:24

I viecho koleskre jare paash dino, oder win tchinlo hi, ma anenn glan o baro Debleste! An tumaro them ma krenn sau koowa ap i viecheste!

3. Mose 22:25

Ginenn witar gar sau viecho jekestar, kai kek Israelitari hi, te anenn les glan tumaro Debleste. Sawe vieche hi buder gar bud moldo. Ap sawende dikell o baro Dewel buder gar latches.

3. Mose 3:1

Te kamell jek o baro Debleske i grumjat te anell, hoi chan i menshe khetne glan leste, palle nai well ko viecho i mursh grumni har ninna i djuwel grumni. Kau viecho hunte well gar nasselo.

3. Mose 3:6

Te kamell jek o baro Debleske i bakro oder i busni te anell, hoi chan i menshe khetne glan leste, palle nai well ko viecho i murshengro viecho har ninna i djuwjengro viecho. Kau viecho hunte well sasto.

Maleachi 1:8

Un anenn mange i viecho, hoi korelo, bango oder nasselo hi, un penenn tumenge: ‘Kowa hi kek djungelo koowa.’ Me penau tumenge: ‘Anenn sau viecho tumaro themeskro rajeske, un dikenn, hoi lo krell! Patsenn tumer, te dikell lo latches ap tumende?’ Ko penell o baro Dewel, ko rai pral o bolepen un i phub.

4. Mose 19:2

Kowa, hoi kanna penau, hunte krenn jaake har penau, ninna an ko tsiro, hoi wella: Pen ap kol Israelitarja, te anenn le pash tute i loli grumni, kai kek nasslepen ap late hi, un kai budras gar ap i hachetikri phub, jaake rah har djiwell li.

4. Mose 29:8

Ap ko diwes chatchrenn o Debleske viechen. Un o latcho sungepen, hoi djal pre, te wenn le tseles chatchedo an i jag, sungella mishto o baro Debleske. Kalla hi kol vieche, hoi hunte chatchrenn: jek terni mursh grumni, jek mursh bakro, efta jek-bershengre bakre, kai gar nasselo hi.

5. Mose 15:21

Te hi tchomone djungelo ap ko viecho, te hi les i bangi heri, te hi lo korelo, oder i wawar doosh hi ap leste, palle chatchress les tu gar tiro baro Debleske.

5. Mose 17:1

Tu maress tiro baro Debleske kek grumni, kek bakro oder busni, hoi nasselo oder djungelo hi. Kowa wals i tchilatcho koowa glan tiro baro Debleste.

Hebrearja 9:14

kitse sorleder hi o Jesus Kristeskro rat. O Debleskro Ducho, kai djiwella hako tsiro, das o Jesus Kristeste i soor, te nai das lo peskro djipen an o merepen. Un job meras o Debleske jaake har i bakro, ap koleste kek doosh hi. Kowa kras lo, te lell lo mari doosh mendar, jaake te djiwas mer buder gar pal kol laba, hoi tchi moldo hi un i menshe an o merepen anenna. Kanna hi maro dji djudjo, un mer nai wah tchatchepah o djido Debleske koi.

1. Petro 1:19

Job plaissras peskro kutch rateha, hoi job ratas, har meras lo ap o trushel. O Jesus Kristo his har i bakro, hoi maredo was o Debleske. Ap leste his kek doosh un kek tchilatchepen.