3. Mose 22:2 - O Debleskro Drom 2021 (Sinte)

² Pen ap o Aron un ap leskre mursh tchawende, te djan le mishto trujel ko koweha, hoi i Israelitarja mange anenn, te anenn le kek ladj ap mande. Me hom o baro Dewel.

O Debleskro Lab 2024 (Sinte-Manouche)

² Pen ap o Aron oun ap leskre morsh čavende, te djan le mishto trouyel ko koveha, hoy i Israelitarya mange anenn, te anenn le kek ladj ap mande. Me hom o baro Devel.

3. Mose 22:2 ပူးပေါင်းရင်းမြစ်များ

Esra 8:28

Un me penom ap lende: “Tumer han o Debleske wi-rodedo, un kol tsele kotja hi o Debleske ap i rig tchiddo: Un ko rup un ko sonakai was o Debleske dino dran o menshengro kamlepen. Jon dan kowa pendar o baro Debleske, koles ninna pengre phure an-mangan.

2. Mose 13:12

aness tu leske i tsele mursh tchawen, kai hi i phureder tchawe pengre dajendar. Ninna hako mursh viecho, hoi hi o phureder ternepen peskri datar, hi o baro Debleske.

2. Mose 28:38

Ko tikno kotar sonakai hidjrell o Aron glan ap peskro shero, te well lo glan mande. Kowa sikrella, te lell o Aron i doosh ap peste, hoi ap ko koowa hi, hoi i Israelitarja man dan. Un me dikau latches ap lende.

Jesaja 52:11

Djan win! Djan win! Djan kotar win, un taprenn tchi an, hoi pale-tchiddo hi! Tumer rashaja, kai hidjrenn o baro Debleskro koowa, djan dran Babilonia win, un thowenn tumen jaake har glan tchinlo hi, te han djudjo glan o Debleste!

Ezekiel 44:8

Tumer kokres kran gar koi budi an miro kheer. Na-a, tumer lan wawar murshen, te krenn le tumenge koi budi an miro kheer.

3. Mose 15:31

Un o baro Dewel penas ap o Mose un ap o Aron: Denn i Israelitarjen trad, te atchenn le i kotar dur miro kherestar an ko tsiro, kai hi le pale-tchiddo, te krenn le gar koi platsa pale-tchiddo, kai me djiwau mank lende, te merenn le gar.

3. Mose 18:21

Tu chatchress kek tire tchawendar o chocheno debleske Moloch. Sau koowa sikrals, te hom me, tiro Dewel, tuke tchi moldo. Me hom o baro Dewel!

3. Mose 19:12

Ma denn tumen i chocheno sowel pash miro lab! Sau koweha anenn tumer ladj ap miro lab. Me, o baro Dewel, hom tumaro Dewel.

3. Mose 20:3

Me dikau tchilatches ap hakeneste, kai kowa krell, un me mukau les buder gar te djiwell mank peskre menshende. Job das jek peskre tchawendar o Molocheste, un kras jaake miro kheer pale-tchiddo, un kras mantsa, har te woms gar kokres o tchatcho Dewel.

3. Mose 21:6

Tumer rashaja hunte djiwenn jaake, te han kokres tumaro Debleske, un hunte krenn tchi, hoi anell ladj ap leskro lab. Tumer han kolla, kai anenn leske chapen, hoi well leske chatchedo. Doleske hunte krenn tchi, hoi krell tumen pale-tchiddo.

3. Mose 22:1

O baro Dewel penas ap o Mose:

3. Mose 22:32

Ma anenn ladj ap miro lab! Tumer, Israelitarja, hunte djinenn, te hom me kokres tumaro Dewel! Me, o baro Dewel, rodom tumen win, te wenn mire menshe,

4. Mose 18:32

Tumer anenn koi pashel kek doosh ap tumende, jaake rah har dan tumer ko feteder kotar o baro Debleste. Kowa, hoi i Israelitarja anenna hi mange, o baro Debleske un hunte atchell mange. Doleske denn jak, te denn man glanstunes o feteder kotar, un palle nai chan tumer. Te krenn kowa gar, hunte merenn!

5. Mose 15:19

Tire tsele mursh grumja un bakre, kai i phureder lengre dajendar hi, hunte dess tiro baro Debleste. Kal grumjentsa budress gar ap tiri hachetikri phub, witar gar tchiness kal bakrenge i balla.