3. Mose 22:16 - O Debleskro Drom 2021 (Sinte)

¹⁶ Te mukenn le wawar Israelitarjen kolestar te chal, anenn le bari doosh ap i Israelitarjen. Me hom o baro Dewel. Un kowa, hoi i Israelitarja mange anenn, hi kokres mange.

O Debleskro Lab 2024 (Sinte-Manouche)

¹⁶ Te moukenn le vavar Israelitaryen kolestar te rhal, anenn le bari doosh ap i Israelitaryen. Me hom o baro Devel. Oun kova, hoy i Israelitarya mange anenn, hi kokres mange.

3. Mose 22:16 ပူးပေါင်းရင်းမြစ်များ

Debleskri gili 38:4

Ap miro mass hi buder tchi sasto dran tiri choli. Ninna mire kokale dukrenna. Dran miri doosh was kowa ap mande.

2. Mose 28:38

Ko tikno kotar sonakai hidjrell o Aron glan ap peskro shero, te well lo glan mande. Kowa sikrella, te lell o Aron i doosh ap peste, hoi ap ko koowa hi, hoi i Israelitarja man dan. Un me dikau latches ap lende.

3. Mose 10:17

“Hoske chan tumer ko mass gar ap i Debleskri platsa? Kau mass was i viechestar, hoi o baro Debleske anlo was, un his i rashajenge kokres, te chan le les. O baro Dewel das les tumende, te hidjrenn i doosh i Israelendar krik, te well lauter pale mishto mank lende un o baro Debleste.

3. Mose 20:8

Krenn, hoi me tumendar kamau! Rikrenn tumen ap kowa! Me, o baro Dewel, rodom tumen win, te wenn mire menshe.

3. Mose 21:15

Kowa hunte krell lo, te lell lo gar tchawe, kai pale-tchiddo wans. Me hom o baro Dewel, un rodom les mange win, te well lo miro rashai.

3. Mose 21:23

Pash ko wudar dran than, hoi glan koi kutch isema hi, nai djal lo gar, witar gar pash o Debleskri chatchepaskri, te krell lo o Debleskro kheer gar pale-tchiddo. Me hom o baro Dewel, un rodom kau kheer win, te hi lo mange.

3. Mose 21:8

Tumer Israelitarja, i rashai hi tumenge i Debleskro mursh! Job chatchrell glan mande o chapen, hoi mange anlo well. Doleske well lo tumenge i mursh, koles wi-rodom, te budrell lo mange. Me hom o baro Dewel. Kek wawar hi har me. Un tumen rodom mange win, te wenn mire menshe.

3. Mose 22:17

O baro Dewel penas ap o Mose:

3. Mose 22:9

I rashaja hunte rikrenn halauter, hoi lenge penom, te lenn le kek doosh ap pende, un merenn doleske, kai djan le gar o Debleskro koowa jaake trujel, har hunte krans le. Me hom o baro Dewel, un rodom len win, te wenn le mire rashaja.

3. Mose 7:18

Te chal jek ap o triinto diwes gomme ko massestar, palle dikell o baro Dewel gar latches ap kowa un ap koleste, kai anas ko viecho glan leste. O mass was pale-tchiddo. Un koon chal kolestar, hunte hidjrell peskri doosh, hoi job koleha ap peste las.

4. Mose 18:1

Un o baro Dewel penas ap o Aron: Tu un tire tchawe, un tire menshe, i tsele Levitarja, tumer hunte hidjrenn koi doosh, te krell jek tchomone, hoi gar tchatcho hi pash peskri budi an o Debleskro kheer. Te was tchomone kerdo, hoi gar tchatcho hi pash i rashajeskri budi, hunte less tu kokres tire mursh tchawentsa koi doosh ap tute.

4. Mose 18:32

Tumer anenn koi pashel kek doosh ap tumende, jaake rah har dan tumer ko feteder kotar o baro Debleste. Kowa, hoi i Israelitarja anenna hi mange, o baro Debleske un hunte atchell mange. Doleske denn jak, te denn man glanstunes o feteder kotar, un palle nai chan tumer. Te krenn kowa gar, hunte merenn!

Mateo 23:17

Tumer han dinelo un korelo! Hi o Debleskro baro kheer gar budeder moldo har o sonakai, hoi an koleste hi un doleske i Debleskro koowa hi?

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.