3. Mose 21:5 - O Debleskro Drom 2021 (Sinte)

⁵ Tumer rashaja, ma tchinenn tumare balla pral ap tumaro shero tele, witar gar tumari tchor. Krenn tumenge kek tchinepen an tumaro mass!

O Debleskro Lab 2024 (Sinte-Manouche)

⁵ T'mer rashaya, ma činenn t'mare balla pral ap t'maro shero tele, vitar gar t'mari čor. Krenn t'menge kek činepen an t'maro mass!

3. Mose 21:5 ပူးပေါင်းရင်းမြစ်များ

Jesaja 15:2

I menshe dran o kheer Dibon djan pre pash kol pre-tchidde barra, kai mangenn le pengre deblen an, te rowenn le koi pral i forja Nebo un Medeba. Pengre balla un pengre tchora tchinan le tele i dukatar.

Jesaja 22:12

Un ap ko diwes das o baro Dewel, ko rai pral o bolepen un i phub gole: “Rowenn un denn gole, tchinenn tumenge i balla tele, un riwenn tumen an ripja dran gone, te sikrenn, kai khaitell tumen tumari doosh!”

Jeremia 16:6

Kol bare un kol tikne hunte merenn an kau them, un wenn gar paskedo. Un kek rowell pral lende. Un kek tchinell pes ratles lenge oder tchinell peskre tsele balla lenge tele.

Jeremia 48:37

I mursha tchinan o tselo baal ap pengre shere tele, ninna pengre tchora, te sikrenn le, kai lenge ropaske hi. Lengre wasta hi pre tchinle. Un hakeno riwas i gono pral peste.

Ezekiel 44:20

Un i rashaja hunte tchinenn gar pengre balla tseles tele, un mukenn len ninna gar lengsto te well. Tiknes hunte wenn le tchinlo.

Ezekiel 5:1

O baro Dewel penas: Tu, mensho, le tuke i charo, hoi mishto tchinell, un tchin tuke koleha i balla ap tiro shero tele un tiri tchor. Palle le i waga, tchip i balla pre, un kre triin kotja lendar, hakeno jaake pharo har ko wawar.

3. Mose 10:6

O Mose penas ap o Aron un koleskre wawar dui tchawende, o Eleasar un o Itamar: “Mukenn tumare phralen, kol wawar Israelitarjen, te rowenn le kolenge, kai o baro Dewel koi jagah maras. Tumer hunte mukenn gar tumare balla ap tumaro shero diwjes trujel tchiddo, un hunte tserdenn gar tumare koola an kotja, te sikrenn, har phares tumare djia hi. Te krenn kowa, hunte merenn. Un o baro Debleskri choli well pral o tselo kheer Israel.

3. Mose 21:4

Ma krenn tumen pale-tchiddo ap jekeste, kai hi romedino jekeha tumare menshendar!

Amos 8:10

Tumare bare diwessa, kai hans bachtelo, wenn kanna diwessa, kai denn gole i bibachtjatar. Un tumare gilja wenna ropangre gilja. Tumer riwenn tumen an gone, un tchinenn tumare tsele balla ap o shero tele. Un han jaake har i dad un i dai, kai pral pengro tchaweste rowenn, kai meras, un len hi kek wawar tchawe. Un lauter, hoi djal an ko diwes, krell i menshenge bari daar.

Micha 1:16

Tu, Juda, muk tuke i balla tele te tchinell, te atchenn tuke kek balla ap o shero. Tire tchawe, kolen tu jaake kameh, wenn pandlo un tutar krik anlo.

5. Mose 14:1

Tumer han i tchawe tumaro baro Deblestar. An ko tsiro, kai rowenn i muleske, ma tchinenn tumaro mass leske! Un ma tchinenn i balla pral tumare jaka!