3. Mose 21:1 - O Debleskro Drom 2021 (Sinte)

¹ O baro Dewel penas ap o Mose: Pen i rashajenge dran o kheer Aron: Ma taprenn i mules an, te wenn gar pale-tchiddo!

O Debleskro Lab 2024 (Sinte-Manouche)

¹ O baro Devel penas ap o Mose: Pen i rashayenge dran o kheer Aron: Ma taprenn i moules an, te venn gar pale-čiddo!

3. Mose 21:1 ပူးပေါင်းရင်းမြစ်များ

Ezekiel 44:25

Un pash i muleste hunte djan le gar dren, te krenn le pen gar pale-tchiddo. Kokres pash pengro dadeste un pengri date un pash o tchaweste un pash i tchate un pash o phraleste un pash i phenjate, kolat gomme kek murshes hi, pash lende nai djan le. Kote nai krenn le pen pale-tchiddo.

Hosea 5:1

Tumer rashaja, shunenn kowa! Un denn garda, tumer dran o kheer Israel! Ninna tumer dran o baro rajeskro kheer, shunenn kal laba! Tumer hunte dans jak, te well o tchatchepen kerdo. Un tumer anan i menshen jaake dur, te mangenn le chochene deblen an. Lenge wan tumer har pandle dorja, hoi jek win tchiwas an o foro Mizpa, un har i netsa, koleha jek tchirklen taprell ap i berga Tabor.

3. Mose 19:28

Ma tchinenn tumen an tumaro mass, te meras jek. Kek sikepen krenn ap tumende! Me hom o baro Dewel.

3. Mose 21:11

Pash kek muleste djal lo, te well lo gar pale-tchiddo, witar gar, te hi ko mulo peskro dad oder peskri dai.

Maleachi 2:1

O baro Dewel, ko rai pral o bolepen un i phub, penell ap i rashajende: Un kanna, tumer rashaja, kau lab hi tumenge: Hadenn man un krenn, hoi tumendar kamau. Te kamenn gar te shunell, hoi tumenge penau, palle tchiwau i praassepen ap tumende un bitchrau tumenge bibacht. Un koi bacht, hoi ap tumende tchiddo hi, well i bibacht. Tchatchepah, o praassepen hi ap tumende tchiddo doleske, kai lan gar ap tumare djia, hoi tumenge penom.

Maleachi 2:4

Palle haiwenn, kai kowa, hoi pral tumende was, mandar was, jaake har me tumenge penom. Kowa, hoi win krom kolentsa dran o kheer Levi, hunte atchell tardo, penell o baro Dewel, ko rai pral o bolepen un i phub.

4. Mose 19:11

Koon i mulo menshes an-tapella, kowa hi efta diwessa pale-tchiddo.

4. Mose 19:14

Kowa hi hoi mer hunte kras: Te merell i mensho an peskro plachteno kheer, hunte well hakeno, koon an ko kheer djala, un koon an ko kheer hi, efta diwessa pale-tchiddo.

4. Mose 19:16

Ninna kowa, kai tapras i menshes an, kai meras win ap o them, hi pale-tchiddo efta diwessa. Kowa hi ninna jaake, te was ko mulo mensho kote temerl dino o chareha. Ninna kowa well pale-tchiddo efta diwessa, koon taprell ap i muleskre kokale, ninna kowa, kai taprell ap koi phub, kai o mulo paskedo hi, – job well pale-tchiddo efta diwessa.

4. Mose 5:2

Pen ap kol Israelitarja: “Bitchrenn hakenes win glan tumari platsa, kai jaake nasselo ap peskro mass hi, te merell leskro mass tele! Bitchrenn ninna halauteren win, kai nashell dukepaskro pani dran lende win, un kolen, kai kran pen pale-tchiddo ap kolende, kai mulo hi!

4. Mose 6:6

An ko tselo tsiro, kai das job pes an o baro Debleskro wast, hunte djal job gar pash jekeste, kai meras.