3. Mose 20:5 - O Debleskro Drom 2021 (Sinte)

⁵ palle dau me kokres ko murshes peskri phagi, ninna leskre menshen. Me mukau les un hakenes, kai ko debles Moloch pal nashas, buder gar mank pengre menshende te djiwell.

O Debleskro Lab 2024 (Sinte-Manouche)

⁵ palle dau me kokres ko morshes peskri phagi, ninna leskre menshen. Me moukau les oun hakenes, kay ko debles Molok pal nashas, bouder gar mank pengre menshende te djivell.

3. Mose 20:5 ပူးပေါင်းရင်းမြစ်များ

2. Familjakro liil 21:11

Ninna kras lo mulne platse ap i berge an o them Juda, kai i menshe i mule debla an-mangan. Jaake anas lo i menshen an Juda un an Jerusalem o baro Debleskro dromestar tele.

Debleskri gili 106:39

un kran pen pale-tchiddo koleha, hoi jon kran, un peran o baro Debleskro dromestar tele.

2. Mose 20:5

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

Jeremia 3:2

Ap hawi berga hals tu gomme gar i mursheha tchiddo? Ap o drom hal tu beshdo, un lureh ap lende, har i Arabari an o mulo tato them. Un tu kreh ko them pale-tchiddo tiro wi-ladjedo un djungelo koweha.

Jeremia 32:39

Me krau, te well len jek dji un jek djipen, te kamenn le ap mande te shunell pengro tselo djipen. Palle djal lenge mishto, ninna lengre tchawenge pal lende.

Jeremia 44:11

Doleske penell o baro Dewel, ko rai pral o bolepen un i phub, kai o Israeleskro Dewel hi: Me lom mange soreles glan, te tchiwap bibacht ap tumende. Tumendar halauterendar, kai wan dran o them Juda, atchell kek djido.

Hosea 2:13

Me krau, te wenn i Israelitarja buder gar bachteles khetne ap kol bare diwessa. Ap kek Debleskro diwes, ap kek diwes, kai well o newo tchon diklo, un ap kek wawar baro diwes wenn le buder khetne.

Hosea 2:5

Te krell li kowa gar, palle riwau lat win, te hi li nanges tchiddo, har ap ko diwes, kai li boldo was. Un krau, te well o them i mulo them, kai kek pani hi, kai hunte merell li i trushatar.

3. Mose 17:10

Hako Israelitari, ninna hako wi-themari, kai mank tumende djiwell, kai rat chal, hawo ninna hi, koleske sikrau miro dumo, un krau, te djiwell lo buder gar mank mire menshende.

3. Mose 17:7

I Israelitarja hunte marenn buder kek viechen i bengenge, kolenge jon kanna gomme palla nashenn. Ap kowa hunte rikrenn le pen, ninna lengre tchawenge un kolengre tchawenge un jaake dureder hako tsireske.

3. Mose 20:4

Te pandan i Israelitarja pengre jaka glan kowa, hoi ko mursh kras, un denn les gar mulo,

3. Mose 20:6

Miri choli well ninna ap koleste, kai djal pash i durkepangre un pash kolende, kai i mulen putchenn, te putchell lo lendar, hoi te krell lo. Me mukau les buder gar mank peskre menshende te djiwell.