3. Mose 20:26 - O Debleskro Drom 2021 (Sinte)

²⁶ Me hom o baro Dewel. Kek wawar hi har me. An mande hi kek tchilatchepen. Un tumen rodom win dran i wawar themma, te wenn tumer miro. Doleske hunte wenn kokres mange un djiwenn har i Debleskre menshe djiwenn.

O Debleskro Lab 2024 (Sinte-Manouche)

²⁶ Me hom o baro Devel. Kek vavar hi har me. An mande hi kek čilačepen. Oun t'men rodom vin dran i vavar themma, te venn t'mer miro. Doleske hounte venn kokres mange oun djivenn har i Debleskre menshe djivenn.

3. Mose 20:26 ပူးပေါင်းရင်းမြစ်များ

Nehemia 10:29

I tsele Israelitarja, i rashaja, un i Levitarja, un kolla, kai jak denn ap o foreskre wudja, un i gipangre, un i budepangre an o Debleskro kheer, un kolla i wawar menshendar, kai mukan pengre menshen un djan kanna o Debleskro drom, ninna lengre romja, lengre tchawe un tcha, kai haiwenn kowa,

Debleskri gili 99:5

Hadenn maro baro Debles! Un perenn ap i phub glan i beshepaskri, kai job peskre herja pre tchiwella. O baro Dewel kokres hi o tchatcho Dewel.

Debleskri gili 99:9

Hadenn maro baro Debles! Mangenn les an ap leskri berga, kai job djiwella. Maro baro Dewel kokres hi o tchatcho Dewel.

2. Mose 33:16

Tu te djah mentsa, palle haiwell hakeno, te dikeh latches ap mande un ap kal menshende. Jaake sikreh i tsele wawar menshende ap kai phub, te ham kutch tuke.”

Jesaja 30:11

Djan tele tumaro dromestar! Mukenn o tchatcho drom! Penenn menge buder gar, hoi o Israeleskro Dewel penell.”

Jesaja 6:3

Un jek das ap o wawareste gole un penas: Latcho - un tchatcho - har kek wawar - hi o baro Dewel, ko rai pral o bolepen un i phub. I tseli phub hi pherdo leskro railepen!

3. Mose 11:44

Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake, te well tchi tardo mank mande un tumende. Ma krenn tumen pale-tchiddo ap i tikno viecho, hoi djal pral i phub.

3. Mose 19:2

Pen ap i tsele Israelitarja: Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake har i Debleskre menshe djiwenn.

3. Mose 20:24

Tumenge penau: Lengro them dau tumende, te well lo tumaro. Kowa hi i them, kai bud thud un gwin hi. Me, o baro Dewel, hom tumaro Dewel, un rodom tumen mange dran i wawar themma win.

3. Mose 20:7

Me, o baro Dewel, hom tumaro Dewel. Doleske awenn mange kokres koi. Tchi hunte well tardo mank mande un tumende!

3. Mose 20:8

Krenn, hoi me tumendar kamau! Rikrenn tumen ap kowa! Me, o baro Dewel, rodom tumen win, te wenn mire menshe.

5. Mose 14:2

Tumer han o baro Debleskre menshe. Job hi tumaro Dewel. Tumen rodas lo win dran i tsele themma ap i phub, te wenn i natsjona, hoi leske hi.

5. Mose 7:6

Tumer han menshe, kai hi o baro Debleske kokres koi. Tumen rodas lo win dran i menshen an i tsele themma, kai ap i phub hi, te wenn tumer leskre menshe.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Josua 24:19

Kote penas o Josua ap i tsele menshende: “Kowa nai wals tumenge phares, o baro Debleske koi te well. Kek wawar dewel hi har job hi. Un job kamell tumendar, te mangenn les kokres an. Te djan tumer leskro dromestar tele un hadenn tumen pral leste, bistrell lo kowa gar.

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.

Debleskro tsiro 4:8

Un hakenes lendar his shob tchirklengre mussja. Kolla his dren un win pherde jaka. Un jon giwenn o tselo diwes un i tseli rat: Latcho - un tchatcho - har kek wawar - hi o Dewel, ko rai pral halauter. Hako tsiro djiwell lo, kanna, un an ko tsiro, hoi his, un hoi wella.