3. Mose 20:2 - O Debleskro Drom 2021 (Sinte)

² Pen ap i Israelitarja: Koon tumendar jek peskre tchawendar o chocheno debleste, o Moloch, das, kowa hunte merell. I tsele menshe hunte witsrenn les i barrentsa mulo. Kowa hi ninna jaake, te krell sau koowa i wi-themari, kai pash tumende djiwell.

O Debleskro Lab 2024 (Sinte-Manouche)

² Pen ap i Israelitarya: Koon t'mendar yek peskre čavendar o rhorheno debleste, o Molok, das, kova hounte merell. I tsele menshe hounte vitsrenn les i barrentsa moulo. Kova hi ninna yaake, te krell sau koova i vi-themari, kay pash t'mende djivell.

3. Mose 20:2 ပူးပေါင်းရင်းမြစ်များ

1. Rajengro liil 11:7

Ap i berga glan o foro Jerusalem kras o Salomo i mulni platsa, kai mangan le o djungelo debles an, kai kharell Kemosh. Koles mangan i Moabarja an. Ninna kras lo i mulni platsa, kai mangan le o Moloch an, ko djungelo debles, koles i Ammonarja an-mangan.

2. Rajengro liil 17:17

Un jon mukan pengre tchawe un tcha an i jag te chatchrell, un kran durkepen un drawepen. Un jaake dan le pen an sawo koowa, hoi glan o baro Debleskre jaka djungeles hi un choiran les.

2. Rajengro liil 23:10

O Josia kras ninna koi platsa pale-tchiddo, hoi kharella Tofet, un hi an i tala Hinnom tchiddo. Kowa kras lo, te nai chatchrell kek peskro tchawes witar gar peskri tchai an i jag o chocheno debleske Moloch.

2. Familjakro liil 28:3

un chatchras sungepaskro koowa an i tala, hoi kharell Ben-Hinnom. Ninna chatchras lo peskre tchawen i chochene deblenge. Jaake kras lo sawo djungelo koowa, har i menshe an wawar themma kran, – sawe menshe har kolla, kai o baro Dewel glan i Israelende dran o them tradas.

2. Familjakro liil 33:6

Un job mukas peskre tchawen an i jag te djal an i tala Ben-Hinnom, un shunas ap tchirklengre golja un wawar sikepen, un kras durkepen un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.

Debleskri gili 106:38

Awa, jon dan pengre tchawen un tchen mulo, kai kek doosh ap pende anan, un dan len kol mule deblen, kolen i Kanaanitarja an-mangan. Jaake anan le rateskri doosh ap o them Kanaan,

Jeremia 32:35

Un jon kran mulne platse o chocheno debleske, o Baaleske an o telstuno them, kai kharella Ben-Hinnom, te nai mukenn le pengre tchawen un tchen o debleske Moloch an i jag te djal. Sawo koowa penom me lenge gar. Un an kek tsiro was mange kowa an miro shero dren, te putchoms sawo koowa lendar. Har jon sawo djungelo koowa kran, anan le i doosh ap o tselo them Juda.

Jeremia 7:31

Un kran an koi tala Ben Hinnom i chatchepaskri, hoi kharell Tofet, te chatchrenn jon pengre tchawen un tchen. Sawo koowa penom me lenge gar. Un kowa was mange gar an o shero.

Ezekiel 20:26

Un har mukan le pengre phureder mursh tchawen i chochene deblenge te chatchrell, rakrom pral lende win: “Tumer han mange pale-tchiddo.” Jaake kamom len bari daar te krell, te haiwenn le, te hom me o baro Dewel.

Ezekiel 20:31

Bis ap kau diwes chatchrenn tumer viechen kol chochene deblenge, un krenn tumen jaake pale-tchiddo. Ninna chatchrenn lenge tumare tchawe. Un me mukap man tumendar dran o kheer Israel, te putchell? Pash miro djipen, penell o baro Dewel, maro rai, dau man sowel, te mukau man gar tumendar te putchell!

Ezekiel 23:37

Jon chochran man wawar murshentsa, un maran menshen. Pengre chochene deblentsa chochran le man. Un kolenge dan le pengre tchawen chapaske, – kol tchawen, kai ninna mire tchawe his!

3. Mose 17:13

Hako Israelitari un hako wi-themari, kai taprell penge i diwjo viecho oder i tchirklo, hoi jek nai chal, hunte mukell leskro rat win nashell ap i phub un tchakrell tchik koi pre.

3. Mose 17:15

Hakeno, kai chal i viecho, hoi meras oder mulo dandedo was, kowa hunte thowell pes un peskre koola, un atchell pale-tchiddo, bis te well rati. Koi pal hi lo pale erligo. Hi jek, te hi kowa i Israelitari oder i wi-themari.

3. Mose 17:8

Tu peness lenge: Hako mursh dran o kheer Israel, ninna hako wi-themari, kai mank tumende djiwell, kai kamell i vieches o baro Debleske te marell, sau viecho, koleskro tselo mass chatchedo well, oder sau viecho, hoi chan le khetne glan o baro Debleste,

3. Mose 18:21

Tu chatchress kek tire tchawendar o chocheno debleske Moloch. Sau koowa sikrals, te hom me, tiro Dewel, tuke tchi moldo. Me hom o baro Dewel!

3. Mose 20:1

O baro Dewel penas ap o Mose:

3. Mose 20:27

Hako mursh un haki djuwel, kai durkrell oder putchell i mulen, hunte hidjrell peskri phagi un merell. Tumer hunte witsrenn len mulo i barrentsa.

3. Mose 24:14

An ko murshes win glan koi platsa, kai i menshe hi! Hakeno, kai shunas, hoi lo penas, kowa tchiwell peskre wasta ap leskro shero. Palle witsrenn i tsele menshe les mulo i barrentsa.

3. Mose 24:16

Kowa, kai tchingrell ap o baro Debleste djungele labentsa, hunte well mulo dino. I tsele menshe hunte witsrenn les i barrentsa mules. Hi jek, te hi lo i Israelitari oder i wi-themari.

3. Mose 24:23

O Mose penas kowa i Israelenge. Un jon kran jaake, har penas o baro Dewel ap o Moseste, un anan ko murshes, kai o baro Debles praassas, win glan koi platsa, kai i Israelitarja his, un witsran les i barrentsa mulo.

Bičepangre 7:43

Tumer hidjran ko kheer trujel, kai o Moloch dren hi. Ninna hidjran koi bolepaskri momeli tumentsa, kai Refan kharedo wella. Kol dujen kran tumer tumare wastentsa, te nai mangenn len an. Doleske tradau me tumen dran tumaro them win, un anau tumen pandlo an o them Babilonia, un dureder.

5. Mose 12:31

Ma krenn sau kowa tumaro baro Debleha! Kowa lauter, hoi jon pengre deblenge kran, hi djungelo un tchilatcho glan o baro Debleskre jaka. Ninna pengre mursh tchawen un pengre tchen chatchran le lenge an i jag.

5. Mose 17:2

Te shunenn tumer i murshestar, i djuwjatar an jek foro tumendar, hoi tumaro baro Dewel tumen dell, un kowa oder koja krell sau koowa, hoi an i jaka tumaro baro Deblestar djungelo hi, un phagell koi sowel, hoi tumer leske dan,

5. Mose 18:10

Kek mank tumende hunte chatchrell peskro mursh tchawes oder peskri tchat an i jag o Debleske. Kek mank tumende hunte well i durkepaskro, kek i drawepaskro, kek, kai krell wawar bengeskri koowa,

5. Mose 21:21

Un i tsele mursha dran ko foro hunte witsrenn barra ap leste, bis te hi lo mulo. Jaake witsrenn tumer o tchilatchepen dran tumende win. Un i tsele Israelitarja hunte shunenn kolestar un darenn.

5. Mose 22:21

palle hunte well li win anlo glan o kheer lakro dadestar. Un i mursha dran ko foro witsrenn barra ap late, bis te muli hi li. Joi kras i wi-ladjedo koowa mank i Israelitarja, har lubras li trujel an peskro dadeskro kheer. Jaake tchiwenn tumer o tchilatchepen mank tumende win.