3. Mose 2:9 - O Debleskro Drom 2021 (Sinte)

⁹ Un o rashai lell tchomone lestar un chatchrell les ap i chatchepaskri. Kowa sikrell, kai ko tselo chapen, hoi anlo was, o Debleske hi. Un o latcho sungepen, hoi well win, sungell mishto o baro Debleske.

O Debleskro Lab 2024 (Sinte-Manouche)

⁹ Oun o rashay lell čomone lestar oun rhačrell les ap i rhačepaskri. Kova sikrell, kay ko tselo rhapen, hoy anlo vas, o Debleske hi. Oun o lačo soungepen, hoy vell vin, soungell mishto o baro Debleske.

3. Mose 2:9 ပူးပေါင်းရင်းမြစ်များ

2. Mose 29:18

Un chatche o tselo bakro ap i chatchepaskri, jaake te djal lauter pre an i jagakro ducho. Ko bakro hi mange, o baro Debleske, un well tseles chatchedo. Un o latcho sungepen, hoi well win, sungell mange mishto.

Jesaja 53:10

O baro Dewel kamas kowa jaake, te was lo phagedo. Job mukas ap leste duka te well. Pal kowa, kai das lo peskro djipen i doshake i menshendar, dikell lo tchawen, kai lestar wenna, un djiwell i lengsto djipen. Un kowa, hoi o baro Dewel peske glan las, well lestar kerdo.

3. Mose 1:9

I buke un i herja hunte wan thodo. Kowa krell ko mursh, kai anas ko vieches. Un o rashai mukell halauter ap i chatchepaskri pre te chatchrell. Jaake hunte well i viecho anlo glan o Debleste, hoi well leske tseles chatchedo. Un o latcho sungepen, hoi well win, sungell mishto o baro Debleske.

3. Mose 2:16

O rashai lell i kotar kol djobendar un djetestar tele, un chatchrell kowa khetne ko tselo sungepaskro koowa. Kowa hi i sikepen, kai ko tselo djob, hoi anlo was, o baro Debleske hi.

3. Mose 2:2

Un job anell kowa pash i rashajende dran o kheer Aron. Jek lendar lell i wast pherdo jarro o djeteha un ko tselo sungepaskro koowa, un mukell kowa ap i chatchepaskri te chatchrell. Kowa sikrell, kai ko tselo chapen, hoi anlo was, o Debleske hi. Un o latcho sungepen, hoi well win, sungell mishto o baro Debleske.

3. Mose 2:8

un an kowa glan o baro Debleste, un de les o rashajeste. Un kowa hidjrell les glan o Debleskri chatchepaskri.

3. Mose 24:7

Tchip latcho sungepaskro koowa ap kal mare. Ko sungepaskro koowa well chatchedo o baro Debleske, un jaake well siklo, te hi kal mare o baro Debleske.

3. Mose 4:31

Un o tselo thulepen tchinell lo tele, jaake har tchinell lo o thulepen tele ko viechestar, hoi jek o Debleske anell, te chan le les khetne glan leste. Un ko rashai chatchrell kal thulle kotja ap o Debleskri chatchepaskri, te well i latcho sungepen win, hoi baro Debleske mishto sungella. Jaake krell o rashai, te well lauter pale mishto mank ko mensheste un o baro Debleste. Un o baro Dewel bistrell leskri doosh.

3. Mose 5:12

Job anell ko jarro pash o rashajeste, un o rashai lell i wast pherdo, un mukell kawa ap i chatchepaskri te chatchrell o baro Debleske. Kawa sikrell, kai ko tselo chapen, hoi anlo was, o baro Debleske hi. Kawa hi i chapen, hoi o baro Debleske anlo well, te well i doosh krik lino.

3. Mose 6:15

Un ko rashai dran o kheer Aron, kai pal Aroneskro merepen o pralstuno rashai well, kawa krell kowa, un chatchrell ko tselo chapen ap i chatchepaskri. Jaake hunte well kawa kerdo o baro Debleske hako tsireske.

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

4. Mose 5:26

Un job chatchrell jek wast pherdo jarro ap o Debleskri chatchepaskri, te sikrell lo, te hi o tselo jarro o baro Debleske. Un pal kowa dell lo koja djuwjat ko pani pipaske.

Remarja 12:1

Mire phrala, o Dewel hi kamlo ap tumende. Doleske mangau tumen o tselo djijestar: Djiwenn tumaro djipen o Debleske, un wenn leske kokres koi, jaake te well o Dewel bachtelo pral tumende. Te djiwenn tumer jaake, sharenn tumer les. Un kowa hi tumari budi.

Remarja 15:16

Job bitchras man, te budrap o Jesus Kristeske un te djap pash kolende, kai kek bibolde hi, te sikrap len o Debleskro drom. Jaake hom har i rashai, kai anell kol menshen, kai kek bibolde hi, pash o Debleste. Un o Dewel dell len peskro Ducho, te wenn le leskro. Un job dikell latches ap lende.

Efesarja 5:2

un djiwenn an o kamlepen, jaake har o Jesus Kristo peskro kamlepen mende sikras, har job menge meras. Un jaake das lo peskro djipen o Debleske. Un o Dewel dikas latches ap leste.

Filiparja 2:17

Me anom tumen ap o Debleskro drom. Doleske hom me glan leste tardo har i rashai, kai anell leske tumaro patsepen. Ninna te meroms pash miri budi o Jesus Kristeske, hom me kanna bachtelo tumentsa khetne pral tumaro patsepen.

Filiparja 4:18

Kanna hi man lauter, hoi man hunte well djipaske, un budeder har doha. O Epafrodito anas mange kowa lauter, hoi tumer mange bitchran. Kowa hi jaake, har te anans tumer o Debleske latcho koowa, hoi sungell mishto, un kai dikell lo latches pre un hi bachtelo pral kowa.