3. Mose 2:4 - O Debleskro Drom 2021 (Sinte)

⁴ Te kameh i chapen glan o baro Debleste te anell, hoi peklo hi an i bob, palle an tchomone, kai kek shutlo jarro dren hi, nai wenn merklia dran latcho jarro khetne kerdo djeteha, nai wenn sane mare, hoi djet pral maklo well.

O Debleskro Lab 2024 (Sinte-Manouche)

⁴ Te kameh i rhapen glan o baro Debleste te anell, hoy peklo hi an i bob, palle an čomone, kay kek shoutlo yarro dren hi, nay venn merklia dran lačo yarro khetne kerdo djeteha, nay venn sane mare, hoy djet pral maklo vell.

3. Mose 2:4 ပူးပေါင်းရင်းမြစ်များ

Debleskri gili 22:14

Pengre bare muja krenn le pre, un denn bari gole ap mande har i lewo glan peskro chapen.

2. Mose 12:8

Ko mass well peklo pral i jag. Un jon hunte chan les an koi rat khetne o maro, kai kek shutlo jarro dren hi. Un shutlo senlepen chan le pashel.

2. Mose 16:31

Un i Israelitarja dan ko maro o lab ‘Manna’. Un job his har tikno parno djob, un latcho har i merkli, kai gwin dren hi.

2. Mose 29:2

Le ninna latcho jarro, tchip kek shutlo jarro dren, un kre pesse un sane mare, ninna merklia. An i merklia tchip djet dren, un ap i sane mare mak djet pre.

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

Ezekiel 46:20

Un job penas ap mande: Kowa hi koi isema, kai kerenn i rashaja ko mass kol viechendar, hoi maredo wan, te well i doosh pale mishto, ninna kol viechendar, kai maredo wan, te well i doosh un o pale-tchiddo koowa krik lino, un kai le pengro maro pekenn dran ko djob un dran ko djet, hoi o Debleske dino was. Jon hunte hidjrenn kowa gar ap i bari glanstuni platsa, te taprenn gar i menshe kowa an, hoi o Debleske hi.

3. Mose 1:11

Un job marell les glan o baro Debleste pash koi chatchepaskri, ap koi rig, kai norden hi. Un i rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja.

3. Mose 10:12

O Mose penas ap o Aron un ap koleskre dui mursh tchawende, kai leske pral atchan, ap o Eleasar un o Itamar: “Kowa, hoi pral atchas ko jarrestar, hoi glan o baro Debleste anlo was, nai lenn tumenge. Tchiwenn kek shutlo jarro koi pashel. Chan les pash o Debleskri chatchepaskri. Kau chapen hi i Debleskro chapen. Kokres i rashaja nai chan les, un kek wawar.

3. Mose 6:17

Un o baro Dewel penas ap o Moseste:

3. Mose 7:12

Te anell jek les, te kamell lo pes pash o baro Debleste te parkrell, palle hunte anell lo ninna merklia kerdo djeteha, an kolende kek shutlo jarro hi, un sane mare an kolende kek shutlo jarro hi, kai djet pral maklo was, ninna merklia kerdo dran latcho djob un djet.

4. Mose 6:15

Ninna anell lo i kashteni piri, kai merklia un mare dren hi, kai kek shutlo jarro dren hi: merklia dran latcho jarro un djet, un sane mare, kai djet pre maklo hi, ninna ko tselo chapen dran jarro un koi mool, hoi koi pashel hi, te well lo dino o Debleske.

Mateo 26:38

Koi penas lo ap lende: “Miro dji rowella, un mange hi jaake har te merap. Atchenn kate un sowenn gar dren!”

Johanni 12:27

Man hi daar an miro dji. Hoi nai penap me? Tata, le mandar kowa krik, hoi ap mande wella? Na-a, me wom ap kai phub, te lap kowa ap mande, hoi kanna wella.

Johanni 3:34

Koles, kai o Dewel pash mende bitchras, kowa rakrell o Debleskre laba. O Dewel dell an leste peskro tselo Debleskro Ducho, un rikrell tchi pale.

Hebrearja 7:26

O Jesus hi o baro rashai, kai hunte well men. Job hi latcho glan o Debleskre jaka. Kek tchilatchepen, witar kek doosh hi ap leste. Na-a, job hi gar jaake har mer tchilatche menshe ham, kai ham pale-tchiddo glan o Debleste. Un o Dewel kras les bareder har hako wawar an o bolepen.

1. Petro 2:1

Doleske mukenn hako tchilatcho koowa! Ma chochenn! Ma rakrenn dui tchipjentsa! Ma silwerenn! Rakrenn kek djungelo koowa pral kekeste!

1. Petro 2:22

Job kras kek tchilatcho koowa. Un dran leskro mui was kek chochepen.