3. Mose 2:13 - O Debleskro Drom 2021 (Sinte)

¹³ Ko tselo chapen, hoi tu o baro Debleske aneh, hunte well londo. Ko loon hi i sikepen, kai kowa, hoi o Dewel tumentsa win kras, hako tsiro atchell. Doleske aneh leske kek chapen dran djob, witar kek viechen, kai kek loon pashel kerdo was.

O Debleskro Lab 2024 (Sinte-Manouche)

¹³ Ko tselo rhapen, hoy tou o baro Debleske aneh, hounte vell londo. Ko loon hi i sikepen, kay kova, hoy o Devel t'mentsa vin kras, hako tsiro ačell. Doleske aneh leske kek rhapen dran djob, vitar kek firhen, kay kek loon pashel kerdo vas.

3. Mose 2:13 ပူးပေါင်းရင်းမြစ်များ

2. Familjakro liil 13:5

“Djinenn tumer gar, kai kras o baro Dewel, kai o Israeleskro Dewel hi, o Davideha win, te well hako tsiro jek leskre tchawendar o rai pral Israel? Koi sowel hoi das lo pes, nai well an kek tsiro phagedo.

Esra 7:22

rup bis 3.500 (triin-te-paash serja) kilogramme, un 100 (sheel) gone bijalo gib, un 100 (sheel) pirja mool, un 100 (sheel) pirja djet, un loon jaake bud har kamenn le.

2. Mose 30:35

Un tchip kowa jaake khetne, har kolla krenna, kai kowa mishto haiwenna, te well lestar i sungepaskro koowa, hoi chatchedo well o Debleske. Tchip ninna loon koi pashel, te well ko koowa djudjo. O Debleske hi lo.

Ezekiel 43:24

Un tu aness len glan leste. Un i rashaja witsrenn loon ap kol kotja mass un chatchrenn len o baro Debleske.

4. Mose 18:19

Ko tselo koowa, hoi i Israelitarja o baro Debleske anenna, dau me tuke un tire tchawenge un tire tchenge. Un tumenge hi kowa hako tsireske. Ap ko lab dau me miro wast. Kek nai lell ko lab krik, hoi dom tut un tire tchawende, kai pal tute wenna.

Mateo 5:13

Tumer han o loon ap kai phub. Te nashras o loon peskri soor, hi lo buder gar mishto. Un tu nai kreh buder tchi, te well lo pale londo. Ko loon molell tchi buder. Tu nai witsreh les tutar. Un i menshe stakrenn les khetne.

Kolossarja 4:6

Rakrenn lentsa kamles, un trashenn gar, te penenn o tchatchepen! Jek te putchell tumendar tchomone pral tumaro patsepen, palle rakrenn leha jaake, har kowa koleske mishto hi.