3. Mose 2:1 - O Debleskro Drom 2021 (Sinte)1 Te kamell jek i chapen dran djob glan o baro Debleste te anell, palle anell lo latcho jarro un tchorell djet pral wergel un tchiwell sungepaskro koowa koi pral. အခန်းကိုကြည့်ပါ။O Debleskro Lab 2024 (Sinte-Manouche)1 Te kamell yek i rhapen dran djob glan o baro Debleste te anell, palle anell lo lačo yarro oun čorell djet pral vergel oun čivell soungepaskro koova koy pral. အခန်းကိုကြည့်ပါ။ |
Un kolla anenn tumare phralen dran i tsele themma pale, te denn le len o baro Debleske. Ap miri berga an Jerusalem anenn le len ap graja, un ap wurdja, hoi pre hi, un an wurdja, hoi pandlo hi, ap maultikre burike un ninna ap khamele, penell o baro Dewel. Jon anenn len jaake har i Israelitarja anan djob an djudje tchare an o baro Debleskro kheer.
Un job penas ap mande: Kowa hi koi isema, kai kerenn i rashaja ko mass kol viechendar, hoi maredo wan, te well i doosh pale mishto, ninna kol viechendar, kai maredo wan, te well i doosh un o pale-tchiddo koowa krik lino, un kai le pengro maro pekenn dran ko djob un dran ko djet, hoi o Debleske dino was. Jon hunte hidjrenn kowa gar ap i bari glanstuni platsa, te taprenn gar i menshe kowa an, hoi o Debleske hi.
Te hi kowa, kai doosh ap peste anas, jaake tchorwelo, te nai anell lo gar dui taube, palle anell lo jek kilogrammi latcho jarro o baro Debleske, te well leskri doosh krik lino. Job hunte tchiwell kek djet pre, witar kek sungepaskro koowa. Kawa hi i chapen, hoi o Debleske anlo well, te well i doosh krik lino.
O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.
O Jesus Kristo das tumen o Debleskro Ducho. Kowa atchell an tumende. Doleske hunte well tumen kek wawar sikepaskro. O Debleskro Ducho sikrell tumende o tselo Debleskro drom. Un lauter, hoi job tumende sikrell, kowa hi tchatcho un kek chochepen. Krenn kowa, hoi o Debleskro Ducho tumende sikrella! Jaake atchenn tumer o Jesus Kristeha khetne.
Un i wawar bolepaskro was, un djas pash o Debleskri chatchepaskri. Les his i sonakaskro tcharo an o wast, an koleste gudlo kasht chatchedo wella, hoi mishto sungella. Un ko bolepaskro las bud gudlo kasht, te chatchrell lo les ap o Debleskro sonakaskro bob, hoi glan o Debleskro beshepaskro tardo hi, te well o latcho sungepen khetne o mangepah, hoi o Debleskre tchawe o Deblestar mangan.